Ɔ̀rɔ̀mùnka reè 15:5 - Bible Dzùùngoo Unicode

⁵ Arì she Ŋaablà riì mɔ̀ɲɔn siàn mòò rà, è mòò màxɔ̀n, tɔ̀ yeè e kɛsɛmàà bà soo, ye bà byɛɔ̀n a ci Yesù Kirisà ci nìi tsuru.

Ɔ̀rɔ̀mùnka reè 15:5 Referans Kwoze

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Ɔ̀rɔ̀mùnka reè 12:16

Ye byɛ̀n soo ma. Nìi blà e maà tɔ̀ gaa waa, ŋà nìi majaaŋnà, ye tɔ̀ rii gaa. E maà ba akiritsi ì e yɛrɛ jaa ra waa.

Efɛsika reè 5:2

Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Korɛntsika reè fiiraa 13:11

Dòònuùn n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Korɛntsika reè jɔ̀naà 1:10

Àwà neema ì, mun ye màxɔ̀ɔn nìi rà, tɔ̀ rii yɛ, ci mùn Tsìfa Yesù Kirisà tsoò kamà, ye e vuà ji soo, e fi mà vyɛ̀ waa. Kɛ̀sɛmà soo yeè bà ni e sapɛ re, ko akiri soo.

Filipika reè 4:2

M'a gaa neema taan Evodzì rè, m'a gaa neema taan Sɛntsishì rè, ci yè e maxɔbe, yè byɛ̀n soo ma Tsìfaà ɲàn.

Filipika reè 2:2

tà doùn, ye n ne taamadzibeè dzii tsyɛn, nìi yɛ ye byɛ̀n soo ma, kɛ̀nbààbe soo ye bà ni e ɲan, akiri soo ko duungoo soo.

Filipika reè 1:27

Ŋà ye e re jaamabee fa rii, a ci Kirisà rè Kùnàgoo Dziɔ̀ ci è fa nìi tsuru. Tà tsuru, mun bèu ye siin ò, mun to na be ò, mun y'à myɛ̀n ci ye san gbaɔn akiri soo ka, ye yè bà ni ɲɛynaà Kùnàgoo Dziɔ̀ sikuan nà esire.

Piyɛrì fiiraa 3:15

Àwà ye bà à tɔ̀ rii, ci mùn Tsìfaà rè mɔ̀ɲɔɔn, tɔ̀ rii yɛ ye yè tsi a ci mùn neema kpiri kɛniunma Polì sa y'a dèu ye ra nìi tsuru e re sɛbɛɛn doùn, è kòrò Ŋaablà re akiritsifabe siunmaà ka à ra.

Filipika reè 3:16

Ŋà à bàu dzii o dzii, mùn wɔɔ wɔmà nìi ɲàn, mìn jìɛ̀ fa esire kàjaa soo tsɛ.

Kɛɛradzin neè faadziɛ 4:32

Àyìwà, Yesù rè kàràndzin neè sapɛ yeè byɛ̀n soo ma, è sa dzyeèmaa yè e duungoo bà soo. È pɛn naà e suun ge baà e soo jɔnkwɛ̀y waa, ŋà, è sapɛ na e re gè bàa e si dzyèèmà ge.

Piyɛrì fiiraa 3:9

Tsìfaà yè e re làyir'là bo e shi tsɛ, à na ciɔ̀n tɔ̀ faa ka a ci swey y'à kɛ̀sɛɛ̀ nìi tsuru waa. Ŋà è mɔɲɔɔ̀n ye kàjaa tsɛ rìì kàtsu à sàò na ni mòò pɛn yè bara waa, ŋà mòdzian sapɛ yeè nimisa rìì, yè e re jaamabee fau'n kur'la lakere.

Ɔ̀rɔ̀mùnka reè 15:3

Àwà arì Kirisà, tɔ̀ tsu na à gaa è yɛrɛ dzibee goo fa waa, ŋà Ŋaablà re Goomaa doùn, à sɛbɛɔ̀n rìì ci: «Wo ɲɛ̀nbaa rèè rè ɲɛ̀ɛn dziu mun tsɛ.»

Piyɛrì jɔ̀naà 3:20

Ɔ̀ɔn nìì reè yè mabaun dan, Ŋaablà yeè bà e mɔɲɔun è tɛyn Nuùn nè konkoron blaa lamɔnɔ̀n bwey, nìì doùn mòkun danman, ŋaalon pe tsi bou yuà fi.

Korɛntsika reè fiiraa 7:6

Ŋà Ŋaablà riì mòdzin majàaŋma rèè vunun ciàn, tɔ ɲe vunun ciun Tsitè nàà ka.