Ɔ̀rɔ̀mùnka reè 13:11 - Bible Dzùùngoo Unicode

¹¹ Ye tɔ̀ fa, è ɲɛn à tsɛ mùn ni waatsi riì ɲàn dòònuùn, ye tɔ̀ tɔ̀. Waatsi wɔu, ye kpunan bo ciɛ̀ ɲàn, kàtsu mìn tsi, tɔ̀ waatsi tsyɛnbeu mùn na dòònuùn è geren mùn ne ɲɛynaà fa waatsia tsɛ.

Ɔ̀rɔ̀mùnka reè 13:11 Referans Kwoze

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Efɛsika reè 5:14

Goo o goo to ye dzi kpadè nòn, tɔ bàu vyevyee. Tɔ̀ kamà è bà deò nèe tsuru ci: «Wo rìi ni ciɛ̀ rà, kpunan e fù bo fùn nèè fi, Kirisà nà e vyevyeè bo wo tsɛ.»

Korɛntsika reè jɔ̀naà 15:34

Ye akiri tàrà cɛyn, ye ɲaan dzii bà. È ɲɛn à tsɛ swey ni ye ɲan, twɛy na Ŋaablà tɔ ŋe waa. Mun tɔ̀ dèe ye re seey rìì kamà.

Goo kpàdèuma rèè 22:20

Mòò riì twɛy goo rèè shɛɛrɛbe faa, tɔ̀ ci: «Ɔ̀ɔn, sani dɛyn mun nàa !» Àmiinà, nà Tsìfa Yesù !

Lukì 21:28

Àwà, ye na twɛy goo rèè sapɛ dzii kuunma jà waatsi riì bwèy, ye e kuùn sen, ye siin fa jìran, kàtsu ye tsi waatsia rìì nà bà e kpɛrɛ̀ naɔ tà tsuru.»

Goo kpàdèuma rèè 22:12

Yesù ci: «À yɛ, sani dɛyn, mun nàa ! Mun ne sàr'là ni mun suun, mun nà mòdzian soo sookɔɔn sapɛ sarà, è kòrò è faadziɛ ka.»

Korɛntsika reè jɔ̀naà 10:11

Twɛy goo rèè sapɛ yeè è tàrau, yè ka jaa kpadey fa, tà ko yè sɛbɛn, yè bà ni mùn kàràn, mùn nìì reè wɔɔ waatsi lataan tsɛ.

Matsiyù 16:3

À to ye ba gbishɛɛ̀mà nɔ̀n, ye dziàn ci ŋaà nà nà she, kàtsu jìrànxɔɔ̀ xeò è bà ŋaatsi. Àwà ŋaablaxɔɔ̀ rà raa goo fakɔɔn reè, ye twɛy gɔ̀ngɔn tɔ bo e si ɲan, ye to na dzia nèe waatsi ree ɲan raa tàànmàshɛn reè tɔ̀ bo e si ɲan feera ?

Yàkubà 5:8

Tɔ̀ soo tsuru, e sa yeè e mɔnɲɔn, ye san gban, kàtsu Tsìfaà nà waatsi tsyɛnbeò nòn.

Piyɛrì fiiraa 3:9

Tsìfaà yè e re làyir'là bo e shi tsɛ, à na ciɔ̀n tɔ̀ faa ka a ci swey y'à kɛ̀sɛɛ̀ nìi tsuru waa. Ŋà è mɔɲɔɔ̀n ye kàjaa tsɛ rìì kàtsu à sàò na ni mòò pɛn yè bara waa, ŋà mòdzian sapɛ yeè nimisa rìì, yè e re jaamabee fau'n kur'la lakere.

Piyɛrì fiiraa 3:11

Twɛy gè rèè sa to ye ba nà jɛ̀rɛ̀n tà tsuru, ye wù ye yè bà mòdzìn kaatsi kɛ̀n ? À wù ye yè e re jaamabee fa fɛnɛbe tsɛ, Ŋaablà jɔun shiɲaanbe yè bà ni ye ɲan.

Yùxanà jɔ̀naà 2:18

Àwà dziniin ì, waatsi lataan wɔu. Y'a myɛun ci Kirisà ɲaàn nà nà, ŋà dòònuùn, Kirisà ɲan giri ni nòn. M'à tɔ̀ɔ tɔ̀ ra, ci waatsi lataan wɔu.

Goo kpàdèuma rèè 1:3

Mòò riì nèe kɛɛra goòmà rèe rèè sɛbɛunmaà kàr'na, ko nìì reè yè e toro wɔɔ̀ à re y'à to e duùn, twɛy raa wùbeu. Twɛy raa wùbeu, kàtsu è fa waatsi tsyɛnbeò.

Goo kpàdèuma rèè 22:10

È dzin mun na kɔn ci: «Maà nèe kìtaabu rèe kɛɛra goòmà rèè mɛnɛn waa. È waatsi tsyɛnbeò.