Bib sou entènèt

Paj dakèy
Bib sou entènèt
Ɔ̀rɔ̀mùnka reè 12:8

Ɔ̀rɔ̀mùnka reè 12:8 - Bible Dzùùngoo Unicode

⁸ Nìi raà mòdzìn màxɔn, tɔ̀ yeè mòdzian màxɔ̀ɔn. Nìi raà kwɛ̀yfa, tɔ̀ yeè kwɛ̀ɛ faa, à mà e bonè siin waa. Nìi raà jɔundzinbe, tɔ̀ yeè tɔ̀ fa ko sɔ̀bɛ̀nbe ka. Mòò riì màtsur'la, tɔ̀ yeè tɔ̀ fa ko taamadzibe ka.

Gade chapit la Kopi

tounen moute ⬆

Ɔ̀rɔ̀mùnka reè 12:8
57 Referans Kwoze

Korɛntsika reè fiiraa 9:7

Mòdzian soo soo sapɛ nìi latsigɛɔ̀ e duùn, à wù yè kwɛ̀ɛ fa ɲɛn tɔ̀ tsɛ. À mà bà taamaŋununbe ka goo, à to mà bà fààn ka goo. È ɲɛn à tsɛ, mòò riì kwɛ̀ɛ faa taamadzibe ka, Ŋaabla tɔ̀ rii kɛ̀niɔ̀n.

Tsìmotè jɔ̀naà 5:17

Ɲɛynamoo kur'la bɔɔ nìì reè ɲɛynamoo kur'la kuru kuun'n kuru wuu faa, twɛy wù blàbe ka shiɲaan jaa fii, gooma na ni nìì reè yè e yɛrɛ siɔ̀n waajibi faa ko mòdzìn kar'na faagoò rà waa.

Korɛntsika reè jɔ̀naà 12:28

Tà tsuru, Ŋaabla mòdzin ì bou è tsùù ɲɛynamoo kur'là jɔun nìì reè yɛ: jɔ̀naà, tɔ kɛɛradzin neè, fiiraa, tɔ kɛɛra reè, zhììgìraa, tɔ kàrànfa rèè. Tà shɔ̀ùn, nìì reè kabagoo goo reè faa, ko ɲìn'nèè cɛrɛmabeè dzia siɔ̀n nìì reè rà, dzwɛ̀mà faa dzia, kurukuin faa dzia, ko kungooma kpɛrɛ dee dzia.

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Kɛɛradzin neè faadziɛ 15:32

Mòdzin niì reè na ni, Ŋaablà re goomaa jaa dèè yè ba ni twɛy suun, Yudè ko Silasì sa na tɔ̀ tsuru mòdzin ì nì. Tà doùn, twɛy yè gooma giri dè kàràndzin neè rà, tɔ̀ yeè è màxɔ̀n, è fààn sa wɔ è ɲan, è ɲɛunmaà doùn Ŋaablà ra.

Kɛɛradzin neè faadziɛ 13:15

Tà doùn, nìi Musà rè sàrìyaa kìtaabuà, ko kɛɛra reè rè gooma reè kìtaabuà, sɔn yeè twɛy doùn gooma reè swey kàràn mòdzian rè. Tɔ̀ kàr'nà fa doumaà shɔ̀ùn, ŋaablabegbaà kùntsii rèè yè goomaa sìn Polì ko Barinabasì rà nèe tsuru ci: «Mùn neema ì, gooma ye ba ni e re, y'a dè jàmaà nà, y'a ka è màxɔ̀n, tɔ dzia fa.»

Dzyèèsìbee mòdzin neè 13:24

Ye e jɔundzin neè sapɛ tswa. Nìì reè sapɛ to Ŋaablà raa, ye twɛy sapɛ tswa. Itali jamaan kàràndzin neè yè e tswau.

Dzyèèsìbee mòdzin neè 13:22

N neema ì, mun yɛ nèe gooma niì reè sɛbɛn kaɔ ye re, m'a ka ye màxɔ̀n, m'a gaa e re, ye e toro wɔ à re, y'a ku e ɲan. À to yɛ̀rɛ̀ na baɔ̀ gooma gbaan tsu waa.

Dzyèèsìbee mòdzin neè 13:7

E jɔundzin bɔrɔɔ niì reè yè è toro kɔ̀ dɔ̀un Ŋaablà re goomaa nà, ye e taa to twɛy rè. È re jaamabee lataun nìi tsuru, ye tɔ̀ siin, e sa yeè ɲɛn Ŋaablà ra è raà tsuru.

Dzyèèsìbee mòdzin neè 10:25

Mùn si ladzyee niì reè faa, n mà e raa bo tɔ̀ ɲan, a ci swey dɛ̀rɔɔ̀n y'à faa nìi tsuru waa. Mìn nìi fa, tɔ̀ rii yɛ, mìn si màxɔ̀n, kàtsu, ye jaà n'a na, ci Ŋaablà Jaara Modzìàn nà jisee yè e kpɛrɛɔ̀.

Korɛntsika reè fiiraa 8:12

È ɲɛn à tsɛ goò faa ŋɛ̀nɛ̀ɲan wuɔ ye ba ni nòn, nìi ni a suun è ka a fa, Ŋaabla tɔ̀ rii siɛ̀n, nìi na ni a suun, à na sɔɔn tɔ̀ kpɛyn waa.

Korɛntsika reè jɔ̀naà 14:3

Ŋà mòò riì kɛɛrabe goòmà rèè dèe, tɔ goomaa mòdzin ì nì ka. À fààn wɔɔ̀ è ɲan, è màxɔ̀n, è vununcin sìn è ra.

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Kɛɛradzin neè faadziɛ 20:2

Polì dɔ̀n bokɔɔn Maseduwanin jamaan nɔn, è làtsìì goòmà giri dè kàràndzin neè rà, è tɔ̀ ka è màxɔ̀n. Tà shɔ̀ùn, è dɔ̀n be jàmàan sɔn ɲan, ci Gɛrɛsì.

Tsìmotè jɔ̀naà 4:13

Sani min wɔ mɔn, a shi Ŋaablà re goomaa kàr'nà nà mòdzian rè, e màxɔ̀ɔn, ta ko e kàr'na.

Tesalonikika reè jɔ̀naà 2:8

ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Tesalonikika reè jɔ̀naà 2:3

Àwà, ɲe re waajibia gooma reè naà sànfìrì goòmà ì, è naà ŋɛ̀nɛ̀ɲàn ɲààn goòmà ì, è to naà mòdzìn mànììn goòmà ì.

Kolosika reè 3:22

Jòn nèè, goo sapɛ doùn, ye e re mìin dzɔ̀nxɔɔ̀ tsɛ kùntsii rèè dzugoomaa blàbe. À mà bà è jaa ra goo bàsɔùn, a ci y'a faa ye yè dzibe mòdzin ì nà waa, ŋà y'a fa duun fyɛ ka, Tsìfaà jɔun shiɲaanbe tsɛ.

Efɛsika reè 6:5

Jòn nèè, e kuntsii nìì reè ni dzɔ̀nxɔɔ̀ tsɛ, ye è dzugoomaa blàbe. Ye tɔ̀ fa shiɲaanbe ko màsɔɔn ko duun fyɛ ka, a ci y'a faa Kirisà rìì lè.

Korɛntsika reè fiiraa 11:3

Àwà, myɛɛn Awà sàn fìriu nìi tsuru e re sànbee ka, mun shiɔ̀, ye tsu akir'là mà nà e lakere, è ye dàn gbànbe e re duungoosoobee ko e re fyɛbee rà Kirisà kàjaa tsɛ waa.

Korɛntsika reè fiiraa 9:13

Àwà tɔ̀ faagoò nàfaà kamà, è nà nɔɔrɔ ɲɛn Ŋaablà tsɛ è ɲɛn Kirisà rè Kùnàgoo Dziɔ̀ kuun'n kur'la tsɛ ye re, è kòrò ye dèvuà ka. Tà ko ye yè e si forou nìi tsuru ye yè e ko è sa ba soo, ko dzyee rèè sapɛ.

Korɛntsika reè fiiraa 9:11

Tà tsuru, ye nà bà gètsi kàjaa sapɛ tsɛ, ye yè dzi e si foro, ye yè kwɛ̀ɛ fa fau'n kur'la sapɛ, nìi nà bà saabu mòò giri yè baraka sìn Ŋaablà ra è ɲɛn ɲe re faagoò tsɛ.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Ɔ̀rɔ̀mùnka reè 13:6

Tɔ̀ soo rìì kamà ye yè bà xɔnsɔɔn sa sar'la. Ye to y'à sàr'la nìì reè rè, twɛy tɔ̀ faagoò faa Ŋaablà re fa rii ɲàn.

Ɔ̀rɔ̀mùnka reè 12:13

Ŋaablà re mòdzin neè màgoo ni nìi rà, ye è dzwɛ̀ma tɔ̀ ka, ye bà ni tɔnɔn ladɔɔn ɲan tsuù ɲàn.

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

Kɛɛradzin neè faadziɛ 13:12

Àwà, jàmààntsià tɔ̀ goò faumaà jàu min niì, è ɲɛn Yesù rà. Nìi sapɛ kàraun à ra Tsìfaà rè goò ɲàn, tɔ̀ na jiɔ̀ à dzii tsɛ fɔ è bè geren.

Kɛɛradzin neè faadziɛ 4:36

Tɔ̀ ɲan kpiri sɔn na ni, tɔ̀ tsoo yè bà ci Yusufù. À na Lɛvì raa tsua mòdzian sɔn ni, è bà boò jàmaan sɔn ɲan, ci Shipùrù. Kɛɛradzin neè na tɔ̀ kpir'la tsoo wɔɔ ci 'Barinabasì', nìi dzuɔn ci è re kungoòmàà ɲàn, Mòò riì mòò màxɔ̀ɔn.

Kɛɛradzin neè faadziɛ 11:23

Àwà, Barinabasì bèu wɔ mɔn, goo nìi fau twɛy mòdzin neè rè, Ŋaablà baraka rɔ̀n, à jaadzin yeè ɲɛn tɔ̀ mà. Tɔ̀un, à taama yè dzibe cɛyn. À yè è màxɔ̀n, ci yè e shi tsùù Ŋaablà ra kudɛyn, è mà bo tɔ̀ tsɛ waa.

Tsìmotè jɔ̀naà 6:18

À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Swiv nou:

Lyen patwone

Piblisite

Piblisite