Ɔ̀rɔ̀mùnka reè 12:5 - Bible Dzùùngoo Unicode

⁵ Tɔ̀ soo tsuru, ɲe sa giri, ŋà Kirisà ɲàn mùn gɔnkungɔ soo rii, mùn soo sookɔɔn sapɛ yeè bà e si gɔɔ̀n gàneè sɔn.

Ɔ̀rɔ̀mùnka reè 12:5 Referans Kwoze

Korɛntsika reè jɔ̀naà 12:20

Tà doùn, gɔɔ̀n gàne rèè giri, ŋà à gɔnkungɔ soo rii.

Korɛntsika reè jɔ̀naà 10:17

Àwà bur'la buru kunun soo nìi fa, ɲe ko e giribee sa, ɲe gɔn soo rii. È ɲɛn à tsɛ, ɲe sapɛ tɔ̀ buru kunun soo rìì tan'nà e si ra.

Efɛsika reè 4:25

Tɔ̀ kamà, ye doò dzii bà, ye sààbeen dè e si ra, è ɲɛn à tsɛ mùn sapɛ yeè e si gɔɔ̀n gàne rèè sɔn ni.

Kolosika reè 2:19

Kirisà, tɔ̀ niì kùngɔɔ̀, è na e shiɔ̀ tɔ̀ ra waa. Tɔ̀ to y'à tàrà, wò rii gɔɔ̀n sapɛ kuɔn e si ra soo xɔtsuma rèè ko fɛ̀r'lèè ka, è bà à dziira gaa è bɔɔ Ŋaablà re bɔɔ ɲan.

Efɛsika reè 5:30

È ɲɛn à tsɛ, mùn sapɛ y'a gɔɔ̀n gàne rèè sɔn ni.

Kolosika reè 1:24

Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.

Efɛsika reè 1:23

À gɔɔ̀n, tɔ ɲɛynamoo kur'là rìì, tɔ̀ niì y'à dziitsyɛunmaà a ci à gè sapɛ tsyɛɔ̀n nìi tsuru.

Korɛntsika reè jɔ̀naà 10:33

Mun sa tɔ̀ rii faa, nìì yɛ goò sapɛ doùn, min dzibe mòdzian sapɛ ra. Mun na n yɛrɛ nafa gaa waa, fɔ mòò giri nàfa, gè riì ni à to yè tsi.

Ɔ̀rɔ̀mùnka reè 12:4

Àwà mùn gɔɔ̀n soo pe rii, ŋà à kàjaa giri, è bà kàjaa soo soo sapɛ ko e raa faadzii.

Efɛsika reè 5:23

È ɲɛn à tsɛ, kpir'la rìì taàn kùntsii a ci Kirisà sa ɲɛynamoo kur'là kùntsii nìi tsuru. Ɲɛynamoo kur'là y'à gɔɔ̀n, è bà ɲɛynamoo kur'là Tsibaa.

Yùxanà 17:11

Sani dɛyn, mun fa bà ni dziɲan doùn dɛ, kàtsu mun bèe wo re. Ŋà nìi ye, ye nà to dziɲan doùn. Fà Ŋaablà, wo rìi ni a si, è màrà a tsoò baraka rɔ̀n, wo tɔ̀ niì sìun mun na. Tɔ̀ fa, è sa yeè bà soo, a ci mun ko wo soo nìi tsuru.

Korɛntsika reè jɔ̀naà 6:15

Ye na à tɔ̀ ci ye gɔɔ̀n Kirisà gɔɔ̀n gàne rèè rìì ɔ̀ ? Mun ni dzi Kirisà gɔɔ̀n gàne rèè sen m'a bà ɲànmɔ̀ɔ̀taan gɔɔ̀n gàne ì ɔ̀ ? Ayi dɛrɛ !

Efɛsika reè 4:12

À tɔ̀ fau, è bà ni Ŋaablà re mòò rèè màbyɛ̀n faagoò kamà, Kirisà gɔɔ̀n yè bà ni fààn tarà.