Bib sou entènèt

Paj dakèy
Bib sou entènèt
Ɔ̀rɔ̀mùnka reè 12:3

Ɔ̀rɔ̀mùnka reè 12:3 - Bible Dzùùngoo Unicode

³ È ɲɛn Ŋaa ɲanwùɔ tsɛ mun kàjaa tsɛ, mun nìi dèe e soo sookɔɔn sapɛ ra, tɔ̀ rii yɛ ci mòo mà bà geren ci wò tsuru na ni waa. Ŋà, ye akir'lì tàrà, è kòrò e soo sookɔɔn sapɛ re ɲɛynaà bɛ̀r'la ka, Ŋaablà nìi siɔ̀n, ye e bɛrɛ tɔ.

Gade chapit la Kopi

tounen moute ⬆

Ɔ̀rɔ̀mùnka reè 12:3
47 Referans Kwoze

Galatsika reè 6:3

Àwà mòdzian sɔn ye ba à kɛ̀sɛɛ̀ ci wo gèè sɔn, tɔ̀ to y'à tàrà à na gèsɔn pɛn waa, tɔ̀ yeè e yɛrɛ maniɛ̀n.

Piyɛrì jɔ̀naà 5:5

Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Ɔ̀rɔ̀mùnka reè 12:16

Ye byɛ̀n soo ma. Nìi blà e maà tɔ̀ gaa waa, ŋà nìi majaaŋnà, ye tɔ̀ rii gaa. E maà ba akiritsi ì e yɛrɛ jaa ra waa.

Piyɛrì jɔ̀naà 5:8

Ye e akiri to e yɛr'le, e maà cìi waa. È ɲɛn à tsɛ, ye ɲan Sànwɔbaà yè e gurugur'la a ci jɛ̀r'liì gɛyn boò, è bà mòò kunàma gaa à y'à tàà.

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Yàkubà 4:6

È ɲɛn tɔ̀ sapɛ tsɛ, à ɲanwùɔ mùn ka, tɔ blà fɔ è bè geren. Àwà à deò à re Goomaa doùn ci: «Nìì reè blà e yɛr'le, Ŋaabla kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì jɔ̀naà 4:11

Mòò riì waajibia faa, tɔ̀ y'a fa è kòrò Ŋaablà re goomaa ka. Mòò riì faagoò faa dzyee rèè rè, tɔ̀ y'a fa è kòrò Ŋaablà re fààn siunma ka à ra. Tɔ̀ tsuru goò sapɛ doùn, nɔɔrɔ yè bà ni ɲɛn Ŋaablà tsɛ Yesù Kirisà baraka ɲan, nɔɔrɔɔ̀ ko dzibaabee tɔ̀ niì raa, waatsi sen ɲɛn waatsi tsɛ. Àmiinà !

Korɛntsika reè jɔ̀naà 7:17

Tɔ̀ nìn yè bo à ra, nìi bàu mòdzian soo soo sapɛ nin Tsìfaà rè, Ŋaablà y'a kiriu à y'à to nìi doùn, è re jaamabee fa tɔ̀ tsɛ. Mun tɔ̀ rii shi tsuù beè ɲɛynamoo kur'lèè sapɛ re.

Tsitè 2:12

Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Tsitè 2:2

À dè mòòbɔɔ rèè rà ci yè e kuun'n kuru tɔ, yè bà mòdzìn sɔbɛn ì, yè bà akiritsi, ɲɛyna taki yeè bà ni è ɲan, kɛ̀nbààbe taki ko mɔ̀ɲɔn taki.

Korɛntsika reè fiiraa 12:7

Twɛy goo kpàdèuma rèè bàu kabagoo goo nìi tsuru, goo rìi ni à to mun mà n yɛrɛ blabe, daa sɔn jiu mun tsùn nɔ̀n, nìi yɛ Sùtan'ne mɛ̀rɛ̀kɛɛ̀ sɔn si wɔu mun tsɛ, mun mà nà to n yɛrɛ blabe waa.

Ɔ̀rɔ̀mùnka reè 11:20

À kpɛ̀yn sààben ! È jèè bou mɔn, è re ɲɛynabɛybeè yè bà saabu, ŋà wo yè bà shiɔ̀ mɔn, tɔ ɲɛynaà nì saabu. Tà doùn, maà a yɛrɛ blabe waa, ŋà shi rii.

Ɔ̀rɔ̀mùnka reè 1:5

À baraka rɔ̀n, mùn y'à ɲanwùɔ tàrau, min bà kɛɛradzin, min bà ni wɔ kuan mòdzian sapɛ ra à tsoò kamà, yè ɲɛyna fa à ra, y'à dèvuà shi jiì.

Piyɛrì jɔ̀naà 1:13

Tɔ̀ kamà ye e ɲanshì, e akiri yè bà ni e yɛr'le. Ye e si ko e kuru xɔbe Ŋaablà ɲanwùɔ tsɛ e naà tɔ̀ niì tàrà è bo Ŋaablà re, Yesù Kirisà kpàdè sii sèè.

Tsitè 2:4

Yè tɔ̀ fa, gè riì ni à to tààn nìì reè na bɔrɔɔ waa, yè twɛy kàràn yè e re kpir'leè ko e dzin nèè kɛ̀n.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Yùxanà 3:34

Ŋaabla mòò riì kaɔ, tɔ Ŋaablà raa goomaa nì dèe, kàtsu, Ŋaablà yeè e re Dzia jàa à tsìfa tsɛ, à na à gɔ̀ngɔɔn waa.

Efɛsika reè 4:16

Wò rii baraka ɲan, gɔɔ̀n ko e kur'la sapɛ yeè e si kuɔn è bà soo, xɔtsuma rèè y'à tsù e si ra. Tɔ̀ tsuru, à yè è soo soo sa to e raa faagoò rà, gɔɔ̀n ko e kur'la bɔɔbèe è fààn tarà, kɛ̀nbààbee doùn.

Lukì 18:11

Faridziɲɛn kpir'là, è bè e tsiì e san tsɛ, è Ŋaablà mafyɛ̀ɛn e duùn nèe tsuru ci: "Ŋaablà, n ne tswɛ̀y ni a re, kàtsu, mun na ni a ci mòdzìn dzyee reè tsuru waa. Twɛy nìì reè shɔnbeè faa, è gooɲaan faa, yè bà ɲànmɔ̀ɔ̀bee faa. N ne tswɛ̀y yeè bà ni a re, kàtsu, mun na ni a ci nèe xɔnsɔɔntsibaa rèe tsu waa.

Tsitè 2:6

Tɔ̀ soo tsuru, dzunwɛyn neè sa maxɔ̀n, yè bà akiritsi ì.

Tsìmotè jɔ̀naà 2:15

Tà ko e sa ra à re ker'là baraka ɲan, à nà tsi. Ŋà fɔ à shìuma yè to ɲɛynaà nà, kɛ̀nbààbee, ko fɛnɛbee, è bà e majàaŋnà.

Tsìmotè jɔ̀naà 2:9

Tɔ̀ soo tsuru, nìi tàan rèè, twɛy sa yeè vya jaawuen wɔ, cèu ni nìi ɲàn, è sùtal'là vya. È raa màwɔɔ mà bà kùngɔ myɛ̀unma kpàxɔ ì, ko sɛnu ì, ko fyɛɛdzin ì, tàmafa vyama ge kpàxɔ ì waa.

Tsìmotè jɔ̀naà 1:14

Mùn Tsìfaà ɲanwùɔ blàbeu mun kàjaa tsɛ fɔ è bè geren, è ɲɛn ɲɛynaà ko kɛ̀nbààbee tsɛ, tɔ̀ niì ni Yesù Kirisà ɲàn.

Efɛsika reè 3:4

Tɔ̀ kàrànkɔɔn doùn, akir'lìi ni mun ne min dzi Kirisà rè gòndoo tɔ̀, ye yɛ̀r'la nà à jà.

Korɛntsika reè fiiraa 12:13

Ye fèe soo rii tàrau nìi na ɲɛynamoo kuru dzyee reè raà bo, fɔ mun na ba nìi fa ye kùùn seyn ? Tɔ̀ na teren waa, ye yɛrɛ to n ne tɔ̀ ra.

Korɛntsika reè jɔ̀naà 3:10

È kòrò Ŋaablà ɲanwùɔ ka à tɔ̀ niì fau mun ne, mun gbàà dzun bau a ci gbàjibaa akiritsi, mòò kpɛrɛkuru yeè gbàà ji à tsɛ. Ŋà, mòdzian soo soo sapɛ yeè e yɛrɛ kaàwɔ e re gbàà jiu'n kur'la rà à tsɛ.

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Yùxanà zhììgìraa 1:9

Àwà mun sɛbɛniin fa kau ɲɛynamoo kur'là rè, ŋà Dziyotɛrɛfɛsì rìi yè e baà è jɔundzin, tɔ̀ na e tsiì ɲe ra waa.

Kolosika reè 2:13

Àwà, ye nìì reè na saɔn è ɲɛn ye re fìrìgoo rèè ko ye re shimaangoo fabɛybeè tsɛ, à ye sèè bàu jaama ko e ka. À mùn ne fìrìgoo rèè sapɛ mɛɛy bou mùn mà.

Kolosika reè 1:29

Tɔ̀ rii kamà, min bà n yɛrɛ siàn faagoò byɛnbee rà, min sikuan fa è kòrò à re faagoò ka mun ɲan, tɔ̀ niì faa dzibaabe ka.

Efɛsika reè 3:2

Ŋaablà ɲanwùɔ doùn, à faagoo rìi kɛ̀ɛ̀yfaɔ̀ mun mà ci mun y'à fa ye kàjaa tsɛ, ye kpɛ̀yn toro jiɔ̀ tɔ̀ ɲan.

Korɛntsika reè fiiraa 10:13

Nìi kpɛ̀yn ɲe, ɲe fa e yɛrɛ blabe è geren dàn jiumaà tsɛ waa, fɔ Ŋaabla nìi jiɔ̀ ɲe re faagoò dàn, nìi yɛ ɲe yè wɔ fɔ ye re.

Filipika reè 2:13

È ɲɛn à tsɛ, goò faa ŋɛ̀nɛ̀ɲan wuɔ, tà ko è fa, Ŋaablà rii tɔ̀ jia ye ɲan è kòrò à sàɔ ka.

Swiv nou:

Lyen patwone

Piblisite

Piblisite