Ɔ̀rɔ̀mùnka reè 12:16 - Bible Dzùùngoo Unicode

¹⁶ Ye byɛ̀n soo ma. Nìi blà e maà tɔ̀ gaa waa, ŋà nìi majaaŋnà, ye tɔ̀ rii gaa. E maà ba akiritsi ì e yɛrɛ jaa ra waa.

Ɔ̀rɔ̀mùnka reè 12:16 Referans Kwoze

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Dzyèèsìbee mòdzin neè 13:5

E maà ɲɛɛn kɛ̀n, fɔ tɔ̀ yeè bè bà e re jaamabee kùngɔ waa. Nìi ni e suun, y'a to tɔ̀ yeè e jaa cɛn, kàtsu, Ŋaablà yɛr'la dziun ci: «Mun fa n si bo jà wo dzuun kuraa. Fyeu, n fa n bon wɔ jà wo ra waa.»

Ɔ̀rɔ̀mùnka reè 15:5

Arì she Ŋaablà riì mɔ̀ɲɔn siàn mòò rà, è mòò màxɔ̀n, tɔ̀ yeè e kɛsɛmàà bà soo, ye bà byɛɔ̀n a ci Yesù Kirisà ci nìi tsuru.

Ɔ̀rɔ̀mùnka reè 12:3

È ɲɛn Ŋaa ɲanwùɔ tsɛ mun kàjaa tsɛ, mun nìi dèe e soo sookɔɔn sapɛ ra, tɔ̀ rii yɛ ci mòo mà bà geren ci wò tsuru na ni waa. Ŋà, ye akir'lì tàrà, è kòrò e soo sookɔɔn sapɛ re ɲɛynaà bɛ̀r'la ka, Ŋaablà nìi siɔ̀n, ye e bɛrɛ tɔ.

Korɛntsika reè jɔ̀naà 3:18

Mòò pɛn mà e yɛrɛ san fìrì. Sɔn ye ba e yɛrɛ jaà akiritsi ye ɲan a ci dziɲan raà tsuru, à y'à to è bà fàkɔɔn, è bà ni ba akiritsi sààben na.

Korɛntsika reè fiiraa 13:11

Dòònuùn n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Lukì 14:13

E ba nà tɔ̀ tsuru fa, e bà nà mòdzin ì kiri, à to è bà gbakɔɔn reè, ko mòdzin nɔɔ̀rɔ̀kɔɔn reè, ko jaana reè.

Korɛntsika reè jɔ̀naà 8:2

Mòdzian sɔn ye ba e kɛsɛɛ̀ ci wo goò sɔn tɔ, à na baà à tɔ̀ ŋe, a ci à wù è tɔ̀ nìi tsuru waa.

Korɛntsika reè jɔ̀naà 6:5

Mun nèe dèe ye re seey rìì kamà. Tà bwèy, akiritsi pɛn na ni ye fi nìi nà dzi twɛy goo rèè kitsi kunùn twɛy neema reè ko e si fi ɔ ?

Filipika reè 4:2

M'a gaa neema taan Evodzì rè, m'a gaa neema taan Sɛntsishì rè, ci yè e maxɔbe, yè byɛ̀n soo ma Tsìfaà ɲàn.

Korɛntsika reè jɔ̀naà 4:10

Kirisà kamà, ɲe fàkɔɔn ì, ye yè bà akirima ì. Ɲe fààn bɛy ì, ye ye bà fààntsi ì. Bla wɔɔ̀ ye ɲan, ɲe yè bà kɔɔ̀n.

Lukì 6:20

Tɔ̀ ɲan, Yesù yè e jaà ɲansen, è re kàràndzin neè siin, è dzin è ra ci: «Ye nìì reè gbakɔɔn reè, ye raa wùbeu, kàtsu, ye nìn ni Ŋaablà re màsàbee ɲàn.

Matsiyù 26:11

Àwà, gbakɔɔn reè, twɛy ni tsuù ye ka kudɛyn, ŋà mun, mun fa bà ni tsuù ye ka kudɛyn waa.

Matsiyù 11:5

Ye bè dzin à ra ci: «Jaana reè jɛ̀y faa, mùrùku reè jìɛ, byèèma reè cɛrɛmabeè, yè fɛnɛbe, torokper'neè myɛ̀yn faa, fùn nèè sèè kpunaàn, Kùnàgoo Dziɔ̀ yè bà dèe gbakɔɔn reè rà.

Piyɛrì jɔ̀naà 5:3

Twɛy nìì reè kɛ̀ɛ̀yfaɔ̀ ye mà, e maà e faan ɲinan è tsɛ waa, ŋà ye bà sààkur'là jaakpadebaa ì rìì.

Filipika reè 3:16

Ŋà à bàu dzii o dzii, mùn wɔɔ wɔmà nìi ɲàn, mìn jìɛ̀ fa esire kàjaa soo tsɛ.

Filipika reè 1:27

Ŋà ye e re jaamabee fa rii, a ci Kirisà rè Kùnàgoo Dziɔ̀ ci è fa nìi tsuru. Tà tsuru, mun bèu ye siin ò, mun to na be ò, mun y'à myɛ̀n ci ye san gbaɔn akiri soo ka, ye yè bà ni ɲɛynaà Kùnàgoo Dziɔ̀ sikuan nà esire.

Korɛntsika reè jɔ̀naà 1:10

Àwà neema ì, mun ye màxɔ̀ɔn nìi rà, tɔ̀ rii yɛ, ci mùn Tsìfa Yesù Kirisà tsoò kamà, ye e vuà ji soo, e fi mà vyɛ̀ waa. Kɛ̀sɛmà soo yeè bà ni e sapɛ re, ko akiri soo.

Kɛɛradzin neè faadziɛ 4:32

Àyìwà, Yesù rè kàràndzin neè sapɛ yeè byɛ̀n soo ma, è sa dzyeèmaa yè e duungoo bà soo. È pɛn naà e suun ge baà e soo jɔnkwɛ̀y waa, ŋà, è sapɛ na e re gè bàa e si dzyèèmà ge.

Yùxanà zhììgìraa 1:9

Àwà mun sɛbɛniin fa kau ɲɛynamoo kur'là rè, ŋà Dziyotɛrɛfɛsì rìi yè e baà è jɔundzin, tɔ̀ na e tsiì ɲe ra waa.

Ɔ̀rɔ̀mùnka reè 6:2

Ayi dɛrɛ! Mùn saunmaà shɔ̀ùn gooɲaan kàjaa tsɛ, mùn dzia to tsùù gooɲaan ɲàn dzùrù kɔn ?

Ɔ̀rɔ̀mùnka reè 11:20

À kpɛ̀yn sààben ! È jèè bou mɔn, è re ɲɛynabɛybeè yè bà saabu, ŋà wo yè bà shiɔ̀ mɔn, tɔ ɲɛynaà nì saabu. Tà doùn, maà a yɛrɛ blabe waa, ŋà shi rii.