Bib sou entènèt

Paj dakèy
Bib sou entènèt
Ɔ̀rɔ̀mùnka reè 12:12

Ɔ̀rɔ̀mùnka reè 12:12 - Bible Dzùùngoo Unicode

¹² E si xɔ nìi tsɛ, ye taama dzibe tɔ̀ ra. Byɛnbee doùn ye e mɔɲɔn, ye e maxɔ̀n màfyɛɛ̀n nà.

Gade chapit la Kopi

tounen moute ⬆

Ɔ̀rɔ̀mùnka reè 12:12
71 Referans Kwoze

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Dzyèèsìbee mòdzin neè 10:36

E ye dzin ci ye Ŋaablà saɔ fa, è bà ni e re làyiri seunmaà bo e shi tsɛ, à wù y'a tsi e ma.

Piyɛrì jɔ̀naà 4:13

Ŋà ye yè e nin jà nìi faɔ̀ Kirisà rè byɛnbee ɲàn, ye e taama nì dzibe. Ye tɔ̀ fa, gè riì ni à to à nɔɔrɔɔ̀ nà e kpadè sii riì seè, tɔ̀ sa ye bà e re taamadzibe brìsi.

Yàkubà 5:7

Tà doùn, n neema ì, ye mɔnɲɔn, fɔ Tsìfa Yesù sèè na jisee yè bè wɔ. Fɛɛfabaà siin nèe, è mɔnɲɔɔn dzɔ̀nxɔɔ̀ fɛɛ fa ge wùù reè màshua doùn, fɔ ŋaa jɔnaa, ko à lataan yè bè nà, è kòmànà shìmaan gaa.

Dzyèèsìbee mòdzin neè 6:15

Àwà, Ibraximà sa to yè e mɔɲɔn, fɔ Ŋaablà na nìi làyiri seòn à re, tɔ̀ yeè bè bo e shi tsɛ.

Dzyèèsìbee mòdzin neè 6:12

Àwà, e maà bà mòdzin, nìì reè gɔn vuɔ̀ waa, nìì reè ɲɛɔ̀n Ŋaablà ra, yè bà e mɔɲɔɔ̀n, ɲe ci ye yè bà twɛy rìì tsuru. Nìì reè ni tɔ̀ tsuru, Ŋaabla nìi làyiri seòn, twɛy rìì tɔ̀ tàr'la.

Filipika reè 4:4

Ye e taama dzibe Tsìfaà ɲàn waatsi sapɛ ! Min sèè à tsɛ kɔn, ye e taama dzibe !

Dzyèèsìbee mòdzin neè 12:1

Àyìwà, twɛy shɛɛrɛ kuru brisià sapɛ mùn laguruɔ̀. Tɔ̀ gàneè doùn, nìi ɲe sa, goo o goo mùn kààn seyn, mìn tɔ̀ sapɛ bo tsùù. Mìn gooɲaan dzii bà, tɔ̀ niì firika na ŋunun mùn ɲan waa. Vwɛ̀yn nìi dzii kpàdeò mùn na, mìn e maxɔbe, mìn tɔ̀ vwɛ̀ɛ̀ fa, fɔ e daùn.

Kolosika reè 4:2

E ɲanshìuma yè to màfyɛɛ̀n nà. Ye to e jaa ra tà doùn, ye bà baraka sìan Ŋaablà ra.

Tesalonikika reè fiiraa 3:5

Arì she Tsìfaà yè e dusùkuan jaa ji Ŋaablà re kɛ̀nbààbee ko Kirisà rè mɔ̀ɲɔɔn nà.

Tesalonikika reè jɔ̀naà 5:8

Ŋà mùn nìì reè bwèè raa, mùn akiri yè bà ni e yɛr'le. Mìn ɲɛynaà ko kɛ̀nbààbee myɛ̀ɛ̀n jɔ̀ɔ̀nshuraà ji e ma. Mùn si to xɔ e tsi rìi tsɛ, tɔ̀ yeè bà mùn ne myɛ̀ɛ̀n baanfla.

Kɛɛradzin neè faadziɛ 1:14

È sapɛ na byɛɔ̀n à mà, yè e si ladzyee kudɛyn, yè Ŋaablà mafyɛ̀ɛn ko duungoo soo ka. Tàan dànman na ni è ka, tɔ̀ yeè ɲɛn Yesù na Mariyamùn tsɛ, ko Yesù tseyn nèè.

Tsìmotè jɔ̀naà 6:11

Ŋà nìi wo, Ŋaablà re mòdzian, vwɛ̀yn twɛy goo rèè jɔun. A gban nìì reè kpɛyn, tɔ̀ rii yɛ terenbee, ko Ŋaablà jɔun shiɲaanbee, ko ɲɛynaà, ko kɛ̀nbààbee, ko mɔ̀ɲɔɔn, ko vununmadzibeè.

Dzyèèsìbee mòdzin neè 10:32

Àwà, ye e taa to e re goo rèè dzii kun waatsia rìì lè. Ye Ŋaablà re vyevyeè tàrau, à na waatsi bo waa byɛnbe xɔ xɔɔ̀ yè ye dzii kun, ŋà, y'a tsiu e ma.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Kolosika reè 1:11

È fààn wɔ ye ɲan kàjaa sapɛ tsɛ e re dzibaabee nɔɔrɔmaa baraka rɔ̀n, ye sàn yè bà ni gban, ye mɔ̀nɲɔunma yè to dzuunbwey rèè doùn. Taamadzibe ka,

Dzyèèsìbee mòdzin neè 5:7

È Yesù to e re jaamabee rà dziɲan doùn, à Ŋaablà mafyɛ̀un fyɛ̀ùn'n kur'la, nìi doùn è vu bou fààn na, fɔ è bè wɔ jaayu boma à re. À re màjaa kamà, dzi ni Ŋaablà riì rà à y'à tsi saàn rà, tɔ̀ sa to y'à re màfyɛɛ̀n latsi.

Goo kpàdèuma rèè 13:10

Nìi ye ba kun bèe bà jòn, tɔ nà kun bè bà jòn. Nìì to ye ba nà vu kaamunun ka, tɔ nà vu kaamunun ka. Tɔ nìi kpàdèe, tɔ̀ rii yɛ Ŋaa re mòdzin neè yè e mɔnɲɔn, yè to ɲɛynaà tsɛ.

Piyɛrì fiiraa 1:6

ye yɛ̀rɛ̀kuan bà twɛ̀ɛ tɛ̀y, ye mɔ̀ɲɔɔn bà yɛ̀rɛ̀kuan tɛ̀y, ye Ŋaablà jɔun shiɲaanbeè bà mɔ̀ɲɔɔn tɛ̀y,

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Tesalonikika reè fiiraa 1:4

Tà tsuru, ye baɔ̀ ɲe yɛ̀rɛ̀blàbè kun Ŋaablà re ɲɛynamoo kur'lèè doùn. È ɲɛn à tsɛ, ye ɲanshiɔ̀, ye yè bà ni ɲɛynaà tsɛ. Dzuunbweè ko byɛnbee ni ye tsɛ, ŋà ye tɔ̀ sapɛ kuɔ e ɲan.

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Ɔ̀rɔ̀mùnka reè 15:4

Nìi sapɛ sɛbɛun dan, tɔ fau nì, è bà ni mùn kàràn. Tà ko twɛy gooma reè nà mɔ̀ɲɔn niì sìn mùn na, yè mùn màxɔ̀n, tɔ̀ yeè bà saabu mìn sixɔbema tarà.

Lukì 21:19

Y'a tsi e ma, tɔ̀ rii nà ye xɔɔn tsi.»

Lukì 8:15

Àyìwà, shìmàndzin neè tɔrɔnmàà bèu kòrò dzù wùù gane riì ka, mòdzin neè swey ni tɔ̀ dzù wùù ganee rìì tsuru. Yè e toro wɔɔ̀ Ŋaablà re Goomaa rè, y'à to e duùn ko duun fyɛ ka, è na boò à tsɛ waa. Twɛy mòdzin neè rìì yè e maxɔbee yè Ŋaablà sao faa kudɛyn.»

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Tsitè 2:13

Mìn tɔ̀ fa, mùn si xɔ nìi tsɛ, mìn bà ni tɔ̀ goo blàa màshua rà, ko mùn Tsibaa Yesù Kirisà, mùn ne Ŋaablà blaa nɔɔrɔ nìi nà kpàdè.

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Ɔ̀rɔ̀mùnka reè 8:25

Mùn na goo rìi jàa waa, mùn si to xɔ à tsɛ, mùn màxɔ̀unma tɔ̀ màshua.

Tsitè 3:7

Tɔ fau, gè riì ni à to, à kpàdèumaà ci mùn tereòn à ɲanwùɔ baraka rɔ̀n, mìn bà shɛnsenbaa ì, jaamabe dziù dòbɛɛ shɛɛ̀n, mùn si xɔ tɔ̀ niì tsɛ.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.

Tesalonikika reè jɔ̀naà 1:3

Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

Filipika reè 3:1

Neema reè, dòònuùn, ye e taama dzibe Tsìfaà ɲàn. Mun goo nìì reè sɛbɛun min dè ye ra, à na mun byɛɛn kàjaa pɛn tsɛ, min sèè twɛy tsɛ ye re waa. Tɔ ye sàn gbaàn nì.

Korɛntsika reè fiiraa 12:8

È ɲɛn tɔ̀ goò tsɛ, mun Tsìfaà màfyɛun fɔ jaa zhììgi, è bà ni à màbo mun na.

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Kɛɛradzin neè faadziɛ 12:5

Piyɛrì dzii tsyeeŋmaà kàsoò rà, kaadzin neè yè bà à kplatsuɔ, ɲɛynamoo kur'là kpɛ̀yn na Ŋaablà mafyɛ̀ɛn à re nìi tsuru, à na à màfyɛ̀ɛn à re tɔ̀ rii tsuru.

Kɛɛradzin neè faadziɛ 6:4

Tɔ nà à to, ɲe sa yeè dzi e shi Ŋaabla mafyɛɛ̀n ko kàr'nà raa goo rèè rà.»

Kɛɛradzin neè faadziɛ 2:42

È sen tɔ̀ jisee rà, twɛy yè e jaa tsùù kɛɛradzin neè rè kàr'nà rè. Yè dzyèè, yè e re jaamabee faa esire, a ci tseyn ko tsìnà tsuru. È bur'la tan'nà e ko e si fi, a ci Yesù y'à dèu nìi tsuru, yè bà Ŋaablà mafyɛ̀ɛn esire.

Lukì 10:20

Ye re fààn ɲinaunmaà ko e sa kwey rèè mà, e maà tɔ̀ bà e taama dzibee goo waa. Ye tsoo rìi sɛbɛunma ni arìjinɛɛ̀ doùn Ŋaablà re, ye e taama dzibe tɔ̀ rii là.»

Matsiyù 5:12

Ye e taama dzibe, taamadzibe brìsi ka, kàtsu, ye nà bàràji bla tarà Ŋaablà re. Kɛɛra niì reè dɔ̀n bou ye jɔun, è twɛy sa byɛun tɔ̀ rii tsuru.

Swiv nou:

Lyen patwone

Piblisite

Piblisite