Ɔ̀rɔ̀mùnka reè 12:10 - Bible Dzùùngoo Unicode

¹⁰ Ye e si kɛ̀n, a ci neema ì wù yè e si kɛ̀n nìi tsuru. Ye e si dàn blàbee kàjaa tsɛ.

Ɔ̀rɔ̀mùnka reè 12:10 Referans Kwoze

Filipika reè 2:3

E maà goo sɔn pɛn fa tsyɛ̀ɛ̀nɛ̀nbe tàmafa yɛ̀rɛ̀blàbe maana maànà ka waa. Ŋà ye e majàà rii, y'a jà ci dzyee rèè blà ye mà.

Dzyèèsìbee mòdzin neè 13:1

Àwà, e re neemabee doùn, y'a to kɛ̀nbààbee yè bà ni e ko e si fi kudɛyn.

Yùxanà jɔ̀naà 4:11

Mun ne kɛ̀niunma rèè, Ŋaablà ye ba mùn kɛ̀niun tɔ̀ tsuru, à wù mùn sa yeè e si kɛ̀n !

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 2:17

Ye blà wɔ mòdzian sapɛ ɲan, ye neema reè kɛ̀n, ye shi Ŋaablà jɔun, ye blà wɔ màsà kpir'là ɲàn.

Tesalonikika reè jɔ̀naà 4:9

Àwà nìi neemasia kɛ̀nbààbee, à na wɔɔ̀ mòò yè sɛbɛn ka ye re tɔ̀ ra dɛ, kàtsu ye yè e si kɛ̀n, ye yɛ̀r'leè tɔ̀ kàraun Ŋaabla re.

Galatsika reè 5:13

Àwà neema reè, nìi kpɛ̀yn ye, ye kiriu xɔrɔnbe rii kamà. Ŋà, tɔ̀ xɔrɔnbee mà bà saabu, è nà gɔɔ̀n kur'la goo ɲaan faa ka e ma waa. Ye nìi fa, tɔ̀ rii yɛ kɛ̀nbààbee doùn, ye e magoo wɔ e si ɲan.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Yùxanà jɔ̀naà 4:20

Mòò ye dzin ci wo Ŋaablà kɛniɔ̀n, tɔ̀ to y'à tàrà è neemasia kpɛynbee, à doodebaa. È ɲɛn à tsɛ, è neemasi riì jàa à na tɔ̀ kɛ̀niɔ̀n waa, à na Ŋaablà riì jàa, à dzia tɔ̀ kɛ̀n dzùrù ?

Piyɛrì fiiraa 1:7

ye neemabee bà Ŋaablà jɔun shiɲaanbeè tɛ̀y, ye kɛ̀nbààbee bà neemabee tɛ̀y.

Piyɛrì jɔ̀naà 5:5

Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Yùxanà 15:17

Tà doùn, mun ci ye yè nìi fa, tɔ̀ rii yɛ, ye e si kɛ̀n.»

Ɔ̀rɔ̀mùnka reè 13:7

Nìì wù nìi ka, ye tɔ̀ fa tɔ̀ re. Xɔnsɔɔn wù è sìn nìi rà, ye tɔ̀ sìn tɔ̀ ra, siigur'la to wù è sìn nìi rà, ye tɔ̀ sìn tɔ̀ ra. Nìi gàsin wù è tsùù, ye tɔ̀ gàsin tsuù, nìi to wù è blàbe, ye tɔ̀ blàbe.

Kɛɛradzin neè faadziɛ 4:32

Àyìwà, Yesù rè kàràndzin neè sapɛ yeè byɛ̀n soo ma, è sa dzyeèmaa yè e duungoo bà soo. È pɛn naà e suun ge baà e soo jɔnkwɛ̀y waa, ŋà, è sapɛ na e re gè bàa e si dzyèèmà ge.

Lukì 14:10

Sani e tɔ̀ fa, e kiri tɔ̀ tsuru goò rà, e be wɔ, b'à tsuù bònè kèrè. Tɔ̀ ye fa, tsùùma wùù niì reè ni jɔun, wo ye ba wù twɛy sɔn ka, mòò riì wo kiriɔ, tɔ̀ nà nà dzin wo ra nèe tsuru ci: "N dzunwɛynsi, fù e b'à tsuù jɔun." Tɔ̀ ye fa, wo ko nìi reè sapɛ tsùuŋnà ɲwɛɛ̀n nà, tɔ̀ nà bà blà rii wɔuma wo ɲan twɛy sapɛ jaa ra.

Matsiyù 20:26

Ŋà ye fi, à na wù è bà tɔ̀ tsuru waa. Ye ɲan, mòò riì sào ni wò yeè bà blà dzyee rèè mà, fɔ tɔ̀ yeè e ba è re faagoofadzin.

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

Kolosika reè 1:4

È ɲɛn à tsɛ, ye ɲɛɔ̀n Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, ɲe torò jiu tɔ̀ ɲan.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.