Ɔ̀rɔ̀mùnka reè 1:8 - Bible Dzùùngoo Unicode

⁸ Àwà, mun nà n ne goomaa jɔ̀n nìi ka, tɔ̀ rii yɛ, Yesù Kirisà baraka rɔ̀n, min tswɛ̀y fa n ne Ŋaablà re ye sapɛ kamà, è ɲɛn à tsɛ, ye re ɲɛynaà gooma dèe dziɲantsiɛ min niì sapɛ.

Ɔ̀rɔ̀mùnka reè 1:8 Referans Kwoze

Ɔ̀rɔ̀mùnka reè 16:19

Ye Tsìfaà dzugoomaa shi jiì nìi faa, mòdzian sapɛ tɔ̀ tɔ̀. Tà doùn, ye kàjaa tsɛ, mun taama dzi. Ŋà mun nìi gaa, tɔ̀ rii yɛ ci wùɔ kàjaa tsɛ, ye yè bà akiritsi. Ɲaan kàjaa tsɛ, noo mà bà ni ye kpà waa.

Korɛntsika reè jɔ̀naà 1:4

Kudɛyn mun baraka sìan n ne Ŋaablà ra ye kamà, è ɲɛn Ŋaablà ɲanwùù siunmaà tsɛ ye ra Yesù Kirisà ɲàn.

Ɔ̀rɔ̀mùnka reè 6:17

Mìn tswɛ̀y fa Ŋaablà re, è ɲɛn à tsɛ, ye na gooɲaan rè jon ì, ŋà ye kàr'nìi tàrau, ye tɔ̀ shi jiiŋ e duɔ̀n sapɛ ka.

Piyɛrì jɔ̀naà 4:11

Mòò riì waajibia faa, tɔ̀ y'a fa è kòrò Ŋaablà re goomaa ka. Mòò riì faagoò faa dzyee rèè rè, tɔ̀ y'a fa è kòrò Ŋaablà re fààn siunma ka à ra. Tɔ̀ tsuru goò sapɛ doùn, nɔɔrɔ yè bà ni ɲɛn Ŋaablà tsɛ Yesù Kirisà baraka ɲan, nɔɔrɔɔ̀ ko dzibaabee tɔ̀ niì raa, waatsi sen ɲɛn waatsi tsɛ. Àmiinà !

Piyɛrì jɔ̀naà 2:5

Ye sa bàu a ci kpàà jaama ì, ye yè ka gbà ji, Ŋaablà re Dzia rè gbà. Ye yè bà saakagoojaabobaa jàmàkùrù fɛnɛ, ye bà ni saaka ì bo Ŋaablà re nìi dzi à ra, Yesù Kirisà baraka rɔ̀n.

Dzyèèsìbee mòdzin neè 13:15

Yesù baraka rɔ̀n, mùn yeè tsoo dzi ɲɛɛn Ŋaablà tsɛ kudɛyn, tɔ̀ yeè bà mùn ne saaka bokɔɔn à re. Tɔ̀ dzuɔn, Ŋaablà tsoò yè bà ni mùn dzu waatsi sapɛ.

Kolosika reè 1:3

Ɲe re Ŋaabla mafyɛyn nèè doùn ye re, kudɛyn ɲe baraka sìan Ŋaablà ra, mùn Tsìfa Yesù Kirisà Fàà.

Filipika reè 1:3

Mun taa ye na ye mà waatsi o waatsi, mun baraka sìan n ne Ŋaablà ra.

Efɛsika reè 1:15

Tɔ̀ kamà, ye ɲɛɔ̀n Tsìfa Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, mun toro jiumaà tɔ̀ goomaa ɲàn,

Filipika reè 1:11

E ɲantsyɛunmaà terenbee dziàn nà è bo Yesù Kirisà rè, tɔ̀ yeè blàbe ko tsoo dzi ɲɛn Ŋaablà tsɛ.

Efɛsika reè 5:20

Ye baraka sìan mùn Fà Ŋaablà ra waatsi sapɛ, goo sapɛ doùn, mùn Tsìfa Yesù Kirisà tsoo ra.

Matsiyù 24:14

Ŋaablà re Màsàbee Kùnàgoo Dziù rèe nà dè dziɲantsiɛ min niì sapɛ, è bà shɛɛrɛbe dziɲantsiɛ kun neè sapɛ re. Tà shɔ̀ùn, dziɲan lataan yè kòmànà wɔ.

Efɛsika reè 3:21

arì she, nɔɔrɔ yè ɲɛn tɔ̀ tsɛ ɲɛynamoo kur'là doùn ko Yesù Kirisà ɲàn waatsia sapɛ modzin ì rè, waatsi sen ɲɛn waatsi tsɛ. Àmiinà !

Kɛɛradzin neè faadziɛ 11:28

Mòò sɔn na ni è ɲan, tɔ̀ tsoo yè bà ci Agabusì. Tɔ̀ yeè fù, è dzin Ŋaablà re Dzia baraka rɔ̀n, ci sani dɛyn, dzu bla nà ji dziɲantsiɛ min niì sapɛ. Tɔ̀ dzu rèe nàu ji Ɔ̀rɔmùn màsà kpiri blà sɔn ni naa waatsi ɲan, nìi tsoo ci Kloodzì.

Lukì 2:1

Àyìwà, tɔ̀ waatsi rɔn, màsa bla sɔn na ni Ɔ̀rɔ̀mùn jamaan ɲàn, è bà tsùuŋnà jàmàan giri kùùn. Tɔ̀ màsaa tsoo na ci Ogisì. Tɔ̀un, Ogisì yè dzin jàmaàn mòdzian sapɛ tsoo yè sɛbɛn, è dzii yè tɔ̀.

Kɛɛradzin neè faadziɛ 28:22

Ŋà, nìi ni wo duùn, ɲe sào ni, wo yɛ̀r'la yè tɔ̀ dè ɲe y'à myɛ̀n. Ɲe y'à tɔ̀, ci wo yɛ dzinɛ niì ɲàn, min niì sapɛ, mòdzian yè e dzunwɔɔ à ra.»

Ɔ̀rɔ̀mùnka reè 10:18

Ŋà mun ci ɔ, Dzyèèsìbee mòdzin neè na à myɛ̀n ni gbɛ ? Y'à myɛun dɛrɛ ! Gooma ree dèbaa rèè vuà bou dzɔ̀nxɔɔ̀ min niì sapɛ. È bè fɔ dzɔ̀nxɔɔ̀ dààn rà, è re goomaa dziu fɔ mɔn.

Korɛntsika reè fiiraa 2:14

Baraka yè sìn Ŋaablà ra, wò riì mùn bàa dzibaa e ka waatsia sapɛ doùn Kirisà baraka rɔ̀n, à y'à to ɲe saabu rɔ̀n Kirisà yè tɔ̀ min niì sapɛ, a ci ɲinin kinin dziù.

Efɛsika reè 1:16

kudɛyn mun baraka sìan Ŋaablà ra ye kamà, mun taa to yè bà ni ye mà n ne Ŋaabla mafyɛyn nèè doùn.

Tesalonikika reè jɔ̀naà 1:2

Kudɛyn ɲe baraka sìan Ŋaablà ra ye kamà, ɲe yè bà ye sapɛ gooma deè e re Ŋaabla mafyɛyn nèè doùn.

Tesalonikika reè jɔ̀naà 2:13

Tɔ̀ kamà, kudɛyn ɲe baraka sìan Ŋaablà ra sa, è ɲɛn à tsɛ ye y'à re gooma niì myɛ̀un ɲe re, ye na e tsiì à ra, ci à adamàdzin mòdzin ì nè gooma waa, ŋà ci à Ŋaablà re gooma ni taki, nìi faagoò faa ye ɲɛynamoo rèè ɲàn.

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

Tsìmotè fiiraa 1:3

Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Filemɔ̀n 1:4

Kudɛyn mun baraka sìan n ne Ŋaablà ra. Wo tsoò ni tsuù mun dzu n ne Ŋaabla mafyɛyn nèè doùn.