Ɔ̀rɔ̀mùnka reè 1:18 - Bible Dzùùngoo Unicode

¹⁸ Àwà, mòdzian shibɛybeè Ŋaablà jɔun ko è re terenbɛybeè kamà, Ŋaablà re vununtaà yè e kpadeò è bo jìran nɔ̀n. È re terenbɛy goo reè saabu rɔ̀n, è sààbeen màmɛnɛɔn.

Ɔ̀rɔ̀mùnka reè 1:18 Referans Kwoze

Efɛsika reè 5:6

E maà à to mòò pɛn yè e san fìrì e re gooma nafà bɛy ì ka waa. Tɔ̀ rii y'à to Ŋaablà re vununtaà wɔɔ̀ à dzugoomaa shi jiì bɛy reè tsɛ.

Ɔ̀rɔ̀mùnka reè 1:32

Y'à tɔ̀ y'à fyɛ ci Ŋaabla kitsi riì kùn'na twɛy goo rèè fabaa rèè tsɛ, tɔ saàn rìì. Tà ko e sa ra, è na daàn twɛy goo rèè faa mà waa, ŋà nìì reè sa y'a faa, y'à màkuàn twɛy rè.

Kolosika reè 3:6

Twɛy goo kaatsi rèè rìì bàa saabu, Ŋaablà re vununtaà yè wɔ mòdzin mabaunma rèè tsɛ.

Tesalonikika reè fiiraa 2:10

Nìì reè ni e bar'la shia tsɛ, à nà terenbɛy goo kaatsià sapɛ fa è bà ni twɛy sàn fìrì. È ɲɛn à tsɛ twɛy yè e nɔun sààbeen mà è na e tsiì y'à kɛ̀n waa, tɔ̀ niì na nà è tsi.

Ɔ̀rɔ̀mùnka reè 6:13

E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re.

Ɔ̀rɔ̀mùnka reè 5:9

Tà doùn, è ba kpàdèu nòn ci ɲe tereòn à tsìɛn baraka rɔ̀n, fèe y'à toò kɔn ɲe fa tsi Ŋaablà re vununtaà rà à baraka rɔ̀n ?

Ɔ̀rɔ̀mùnka reè 4:15

Àwà sàrìyaa, tɔ nàa Ŋaablà re vununtaà rìì ka, ŋà sàrìya na ni min niì, à bar'la gooma tsu na ni mɔn waa.

Ɔ̀rɔ̀mùnka reè 1:28

È na e tsiì yè Ŋaabla tɔ cɛyn nìi fa waa, tɔ̀ kamà Ŋaablà sa yeè è ko e akiri ɲaan to e si ra, yè goo dàà bɛɛ faa.

Ɔ̀rɔ̀mùnka reè 2:3

Nìì ree twɛy goo rèè faa w'e bà è jààkia, wo sa to tɔ̀ soo rìì faa, w'e bà à kɛ̀sɛɛ̀ ci wo nà a tsi Ŋaablà raa kitsia rà gbɛ ?

Ɔ̀rɔ̀mùnka reè 1:19

Tɔ̀ to y'à tàrà è dzia nìi tɔ̀ è bo Ŋaablà re, tɔ fyɛɔ. Ŋaablà yɛr'la tɔ̀ kpàdèu è ra.

Ɔ̀rɔ̀mùnka reè 5:6

È mùn to ŋɔ̀n fyɛ̀nbeè ɲàn, waatsi kpadèumaà doùn, nìì reè na shia Ŋaablà jɔun waa, Kirisà saun twɛy mòdzin neè kamà.

Ɔ̀rɔ̀mùnka reè 3:9

Àwà, à ni dzùrù ? Ɲe Dzyèèsìbee mòdzin neè fyan dzyee rèè mà gbɛ ? Ayi dɛrɛ ! M'a dè kpàdèu nòn, ci Dzyèèsìbee mòdzin o, kun kpɛrɛ mòdzin o, gooɲaan fààn ɲinaɔn è sapɛ ma.

Tesalonikika reè fiiraa 2:6

Dòònuùn, gè riì y'à jɔun shuɔ̀ sani à yɛ̀rɛ̀ kpàdè bwey yè wɔ, ye tɔ̀ tɔ̀.