Bib sou entènèt

Paj dakèy
Bib sou entènèt
Ɔ̀rɔ̀mùnka reè 1:13

Ɔ̀rɔ̀mùnka reè 1:13 - Bible Dzùùngoo Unicode

¹³ Neema reè, mun n'a re y'a tɔ̀, ci m'a gaa jaa giri fau min bè bo ye kpà, ŋà è bè suu fɔ dòònuùn dzu, mun na dzi be ŋe waa. Àwà, mun nìi gaa, tɔ̀ rii yɛ, mun yè n ne faagoò nàfaà tàrà ye re mɔn a ci m'a tàrau kun kpɛrɛ ì sa re nìi tsuru.

Gade chapit la Kopi

tounen moute ⬆

Ɔ̀rɔ̀mùnka reè 1:13
38 Referans Kwoze

Kɛɛradzin neè faadziɛ 19:21

Twɛy goo rèè sapɛ shɔùn, Ŋaablà re Dzia baraka rɔ̀n, Polì y'à ji e duùn ci wo nà dɔ̀n bo Maseduwanin jamaan ɲàn, wò yeè dɔ̀n bo Akayi jamaan ɲàn, wò yeè bè Yerusalɛmùn. À yè bà na à dèe sa, ci wò wɔumaà shɔ̀ùn mɔn, fɔ wò yeè nà bè Ɔ̀rɔmùn sa.

Filipika reè 4:17

À na ni a ci mun blàbè ge ì rìì gaa dɛ. Mun nìi gaa, tɔ̀ rii yɛ, sɔn ye bà ye re wùɔ tɔ̀n'nà tɛ̀y, è giribe.

Tsìmotè fiiraa 4:17

Ŋà, Tsìfaà wɔu mun na. À fààn wɔu mun ɲan, gè riì ni à to mun baraka ɲan, Kùnàgoo Dziɔ̀ waajibia yè fa à dzii yè tsyɛn, kun neè sapɛ y'a myɛ̀n. Mun tsiu jɛ̀r'la dziɛ̀ rà.

Tesalonikika reè jɔ̀naà 4:13

Àyìwà neema ì, nìì reè saɔ nòn, mùn sàò na ni ye yè to sɔn tɔ bɛy twɛy raa goò kàjaa tsɛ waa. Tɔ mà nà bà ye taamaŋununbe goo a ci sixɔbema na ni nìì reè rè waa.

Tesalonikika reè jɔ̀naà 2:18

È ɲɛn tɔ̀ tsɛ, ɲe sàò na ni ɲe yè bè bo ye kpà, mun Polì yɛ̀r'la y'à jaa gaa jaa soo, fii tsuru fau, ŋà Sùtana ɲe jɔun shuu.

Korɛntsika reè fiiraa 1:8

Àwà neema reè, byɛnbe riì ɲe tàrau Azhi mar'lɔùn, à na ɲe sào, ye yè to tɔ̀ tɔ̀ bɛy waa. Ɲe byɛun fɔ è bè geren. À tsun vùnbeu fɔ è bè geren ɲe fàan bɛ̀r'la tsɛ. Ɲe si tsu naà xɔ à tsɛ ci ɲe nà jaamabe fa dɛ.

Korɛntsika reè jɔ̀naà 12:1

Àyìwà neema reè, nìi Ŋaablà re Dzia rè goo rèè kàjaa tsɛ, mun sàò na ni ye to twɛy goo rèè tɔ̀ bɛy waa.

Korɛntsika reè jɔ̀naà 10:1

Àwà neema reè, mun sàò na ni ye yè to nèe goo rèe tɔ̀ bɛy waa. Ŋaamun'na bàu ni ɲe fàbɔɔ rèè sapɛ tsɛ è boumaà doùn Misiran jamaan doùn, è sapɛ to kòòyu xeo fuuŋ.

Kolosika reè 1:6

Tɔ̀ Kùnàgoo Dziɔ̀ dziu ye sa tsɛ a ci à dziu dziɲaan min niì sapɛ nìi tsuru è bà dzin bèe jɔun. À tɔ̀ soo sa faa ye fi, fɔ jisee riì ye Ŋaablà ɲanwùɔ gooma myɛun, y'a tɔ̀ sààben na.

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Yùxanà 15:16

E maà à ji e duùn, ci ye rìì mun boo e jaa ra dɛ. À na tɔ̀ tsuru waa, ŋà, mun nì ye boo n jaa ra. Mun tɔ̀ fau nì, sànko, min ye ka bè Ŋaablà re faagoò rà, faagoo nìi nàfa na do jàa waa. Tà tsuru, ye nà gè o ge gaa Fà Ŋaablà re mun tsoo ka, à nà tɔ̀ sìn ye ra.

Yùxanà 4:36

Mòò riì shìmaan gaa, tɔ̀ yeè e raa sàr'là tàr'la nòn. Àwà, à shìmàndzian nì ladzyeè tsùɔ jaamabe dziù dòbɛɛ kamà. Tɔ̀ tsuru, mòò riì shìmaan sìa, ko mòò riì y'à gaa, twɛy fiɛ̀ sa taama dzibee e si re.

Tesalonikika reè fiiraa 2:7

È ɲɛn à tsɛ, mòdzìn ɲaan faadzii mɛnɛunmaà goo rèè ni sààn nòn, ŋà nìi y'à jɔun shuɔ̀, fɔ tɔ̀ yeè bo mɔ̀n ŋe.

Korɛntsika reè fiiraa 2:14

Baraka yè sìn Ŋaablà ra, wò riì mùn bàa dzibaa e ka waatsia sapɛ doùn Kirisà baraka rɔ̀n, à y'à to ɲe saabu rɔ̀n Kirisà yè tɔ̀ min niì sapɛ, a ci ɲinin kinin dziù.

Korɛntsika reè jɔ̀naà 9:2

Mun kɛ̀nsɛɛn ma ba kɛɛradzin dzyee rèè rè, ye re kpɛyn, mun kɛɛradzin. È ɲɛn à tsɛ, ye rìì mun ne kɛɛradzinbee tàànmàshɛn tsuuŋma Tsìfaà ɲàn.

Kɛɛradzin neè faadziɛ 21:19

Polì yè è tswà tɔ̀un. Tswɛ̀ɛ shɔ̀ùn, Polì goo o goo rìì fau Ŋaablà baraka rɔ̀n, è bà na ni kun kpɛrɛ mòdzin ì fi, è bo tɔ̀ sapɛ jaa mà, à y'à dè è ra.

Kɛɛradzin neè faadziɛ 15:12

Tà doùn jàmaà sapɛ yeè e mɛnshɛ̀n, yè e toro wɔ tsùù Polì ko Barinabasì rè. Mòdzin niì reè kun kpɛrɛ mòdzin ì, Ŋaablà baraka rɔ̀n, è dziu goo blà bla niì reè, ko kabagoo goo niì reè fa, è to twɛy mòdzin neè fi, yè tɔ̀ lakɛɛ.

Kɛɛradzin neè faadziɛ 14:27

Àyìwà, è wɔu Siiri jamaan Antsiyɔshì tɔ̀un, yè ɲɛynamoo kur'là mòdzian ladzyeè. Tà doùn, Ŋaablà baraka rɔ̀n, è dziu goo o goo rìì fa jìɛ̀ doùn, tà ko nìì reè kun kpɛrɛ mòdzin neè, Ŋaabla dziɛ saun twɛy rè nìi tsuru, sànko è sa yeè ɲɛn à ra, yè tɔ̀ sapɛ kpunan bo è ra.

Yùxanà 12:24

Sààben fyan, mun nì ci e ra, fɔ gèdzian yè ji dzù rɔ̀n a ci gè saunma, è kòmànà xe bo. Tɔ̀ ma fa fyeu à toò tɔ̀ rii tsuru soo ke. À ye ji dzù rɔ̀n è xe bo, à dzin gir'lì wɔɔ̀.

Kɛɛradzin neè faadziɛ 1:15

Àwà, sii sɔn see, kàràndzin neè yè nà e ladzyèè kɔn, è giribee yè bà na mòkun caànmoò ko dzin mòò boò. Tɔ̀ sii sèè, nìi Piyɛrì, tɔ̀ yeè fù, è tsiì è fi, è dzin nèe tsuru ci:

Kɛɛradzin neè faadziɛ 28:14

Mùn wɔu tɔ̀ wɔ̀ rɔ̀n, mìn Yesù rè kàràndzin ì jà mɔn. Twɛy y'à gaa mùn ne, ci mìn shikun soo fa ye ka mɔn. Àwà, mùn bèu bèu'n kur'liì rà Ɔ̀rɔmùn, tɔ̀ rii siin.

Ɔ̀rɔ̀mùnka reè 1:12

Mun nìi gaa tɔ̀ rii yɛ, ye ko mun yè bè dzi e si màxɔ̀n ɲɛynaà doùn. Ye raa ɲɛynaà yè mun màxɔ̀n, mun sa raà yè ye màxɔ̀n.

Ɔ̀rɔ̀mùnka reè 7:1

N neema ì, mun goomaa sàrìyaa tɔ̀baa ì rìì ka. Ye na à tɔ̀ ci è mòdzin jaamakɔɔn to, ci à ni sàrìyaa dzuun ɔn ?

Korɛntsika reè jɔ̀naà 1:10

Àwà neema ì, mun ye màxɔ̀ɔn nìi rà, tɔ̀ rii yɛ, ci mùn Tsìfa Yesù Kirisà tsoò kamà, ye e vuà ji soo, e fi mà vyɛ̀ waa. Kɛ̀sɛmà soo yeè bà ni e sapɛ re, ko akiri soo.

Korɛntsika reè jɔ̀naà 14:20

N neema ì, akir'la kàjaa tsɛ, e maà bà dziinkòòmɛ̀yn ì waa. Gooɲaan kpɛ̀yn kàjaa tsɛ, ye bà dziinkòòmɛ̀yn ì, ŋà akir'la kàjaa tsɛ, ye bà jaaratsii ì.

Korɛntsika reè jɔ̀naà 14:26

Tà doùn n neema ì, fee rìì wù è fa ? Ye ye e ladzyèè, sɔn dzia ye ceè, sɔn yeè mòò kàràn tàmafa è goò sɔn kpadè. Sɔn yeè gooma kun kpɛrɛ goòmà ì ɲàn, tàmafa à y'à dzuun de. Goò sapɛ yeè fa rii, è ka fààn wɔ mòdzian sapɛ ɲan.

Galatsika reè 3:15

Àwà n neema ì, mun nà gooma, è kòrò adamàdzin mòdzin naa goo fau'n kur'la ka. Nìi mòdzin ne shɛn sen sɛbɛ̀n fauma, è ba faɔ̀ e shi tsɛ taki, mòò pɛn na dzia à mɛɛy, mòò pɛn to na dzia gè bà à tɛ̀y.

Galatsika reè 6:18

Arì she, mùn Tsìfa Yesù Kirisà ɲanwùɔ yè bà ni e tsɛ n neema ì ! Àmiinà !

Filipika reè 1:22

Ŋà è mun to jaamabee rà, min ba dzia faagoo fa kɔn nàfa ni nìi ɲàn, mun na à tɔ̀ mun nà nìi sen waa.

Kolosika reè 1:10

Tà tsuru, e jiì saàn yè bà ni byɛn Tsìfaà sàɔ mà, e goo yè dzibe à ra kàjaa sapɛ tsɛ. E faadzii wuɔ yè dzin ì wɔ, ye bɔɔ bè jɔun Ŋaablà tɔɔ̀ ɲàn.

Swiv nou:

Lyen patwone

Piblisite

Piblisite