Bib sou entènèt

Paj dakèy
Bib sou entènèt
Ɔ̀rɔ̀mùnka reè 1:1

Ɔ̀rɔ̀mùnka reè 1:1 - Bible Dzùùngoo Unicode

¹ Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Gade chapit la Kopi

tounen moute ⬆

Ɔ̀rɔ̀mùnka reè 1:1
73 Referans Kwoze

Kɛɛradzin neè faadziɛ 9:15

Ŋà, Tsìfa Yesù yè dzin à ra ci: «Bè, kàtsu mun kpir'lee boo rìì n magoo ra. Mun nà à ka bè jàmàan kpɛrɛ mòdzin ì ko è re màsa reè rè, sànko mun mòò riì, yè tɔ̀ tɔ̀. À y'à to Isirayɛlì mòdzin neè sa yeè mun tɔ̀.

Ɔ̀rɔ̀mùnka reè 15:16

È ɲɛn à tsɛ, à mun bàu Yesù Kirisà rè faagoofadzin kun kpɛrɛ mòdzin neè rè, è mun bo ji n si e re Kùnàgoo dziɔ̀ faagoò kamà, gè riì ni à to kun kpɛrɛ mòdzin neè yè bà kwɛ̀yge, nìi dzi Ŋaablà ra, è bà fɛnɛɔ̀ Ŋaablà re Dzia baraka rɔ̀n.

Korɛntsika reè jɔ̀naà 1:1

Àyìwà mun Polì, mun nìi kiriu Ŋaablà saɔ baraka rɔ̀n, min bà Yesù Kirisà rè kɛɛradzin, ko neema kpiri Sɔsitɛnìn

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Tsitè 1:1

Mun Polì, Ŋaablà re jòn kpir'là ko Yesù Kirisà rè kɛɛradzian, Ŋaablà mun kaɔ, mun y'à jaara moo rèè wɔ ɲɛynaà tsɛ, tà ko yè sààbeen tɔ̀ è kòrò Ŋaablà jɔun shiɲaanbeè ka.

Ɔ̀rɔ̀mùnka reè 1:9

Mun faagoò faa Ŋaablà riì rè ko n duɔ̀n sapɛ ka, à Dzin Kpir'la rè Kùnàgoo Dziɔ̀ dèè doùn, tɔ̀ sa mun shɛɛrɛ, ci mun taa ni tsuù ye mà kudɛyn.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè jɔ̀naà 9:1

Mun xɔrɔnama na ni gbɛ ? Mun na kɛɛradzin gbɛ ? Mun na Yesù, mùn Tsìfaà jà ɔ̀ ? Ye na mun ne faagoò fyɛ̀ Tsìfaà ɲàn ɔ̀n ?

Tsìmotè fiiraa 1:11

Tɔ̀ Kùnàgoo Dziɔ̀ rìì kamà, Ŋaabla mun bàu waajibifabaa ko kɛɛradzin, ko kàrànfa.

Tsìmotè jɔ̀naà 1:1

Mun Polì, Yesù Kirisà rè kɛɛradzian è kòrò mùn Tsibaa Ŋaablà devuà ka, ko Yesù Kirisà, mùn si xɔ tɔ̀ niì tsɛ,

Galatsika reè 1:1

Àwà mun Polì, mun bàu kɛɛradzin. À na adamàdzin mòdzin ì nè kɛɛradzinbe waa, à to na boo adamàdzin mòdzin ɲan waa, fɔ Yesù Kirisà ko Fà Ŋaablà, tɔ̀ niì y'à kpunan bou fùn nèè fi.

Tsìmotè jɔ̀naà 2:7

Tɔ̀ rii kamà, Ŋaabla mun bàu waajibifabaa ko kɛɛradzin. È mun bà kun kpɛrɛ mòdzin neè kàrànfa, min ɲɛynaà ko sààbeen kàràn è ra. Mun sààbeen rìì dèe, mun na doò dèe waa.

Tesalonikika reè jɔ̀naà 2:2

Y'a tɔ̀ sa, ci ɲe byɛunmaà ko ɲe kuun'n kuru ɲaan faumaà shɔ̀ùn Filipi wɔ̀ rɔ̀n, Ŋaabla akiritsuu siun ɲe ra, ɲe yè dzi à re Kùnàgoo Dziɔ̀ dè ye ra, kaa gir'là ko e raà sa ɲe ka.

Ɔ̀rɔ̀mùnka reè 1:5

À baraka rɔ̀n, mùn y'à ɲanwùɔ tàrau, min bà kɛɛradzin, min bà ni wɔ kuan mòdzian sapɛ ra à tsoò kamà, yè ɲɛyna fa à ra, y'à dèvuà shi jiì.

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Goo kpàdèuma rèè 1:1

Àyìwà, nèe Yesù Kirisà rè goo kpàdèuma, Ŋaabla nìi wɔu à suun, è bà ni à kpàdè e re jòn nèè rà, nìi nà fa sani dɛyn. Tà doùn, Yesù sa yeè e re mɛ̀rɛ̀kɛɛ̀ ka e re jòn kpiri Yùxanà rè, à y'à goò rèè kpàdè tɔ̀ ra.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Dzyèèsìbee mòdzin neè 5:4

Àwà, mòò pɛn na dzia Saaka Jɔundzinbee blàbee ɲɛn e yɛrɛ tsɛ waa, Ŋaablà rii mòò kir'là, à y'à bà Saaka Jɔundzin, a ci à Arunà kiriu nìi tsuru dan.

Filipika reè 2:11

Nɛɛ̀n sapɛ to y'à dè, ci Yesù Kirisà rìì Tsìfaà, è nɔɔrɔ ɲɛn Fà Ŋaablà tsɛ.

Efɛsika reè 4:11

Wò rii swey bou yè bà kɛɛradzin ì, swey yè bà kɛɛra ì, swey yè bà kùnàgòòdzìùdebaa ì, swey yè bà kplatsuubaa ì ko kààmoo ì.

Efɛsika reè 1:13

Àwà Kirisà rìì ɲàn sa, ye sààbeen goomaa myɛ̀un, nìi ye tsià Kùnàgoo Dziɔ̀ goomaa. Wò rii sa ɲan kɔn ye ɲɛyna fau, Ŋaablà to yè tàànmàshɛn tsuù ye tsɛ, à re Dzi Fɛnɛɛ tàànmàshɛɛn, à na tɔ̀ niì làyiri seòn.

Korɛntsika reè fiiraa 12:11

Mun bàuma yɛ akiribɛy, ye rìì to mun jiu à ra, è ɲɛn à tsɛ, ye rìì na wù ye yè mun goo dè, kàtsu arì mun kɛ̀nsɛɛn ma ba gèsɔn pɛn, twɛy kɛɛradzin bla reè na gereon mun tsɛ kàjaa pɛn tsɛ waa.

Korɛntsika reè fiiraa 11:5

Mun to y'à jàa ci ye twɛy nìì reè jàtsi kuàn kɛɛradzin bla ì, è na gereon mun tsɛ kàjaa pɛn tsɛ.

Korɛntsika reè fiiraa 4:5

Àwà ɲe na e yɛrɛ gooma deè waa, fɔ Yesù Kirisà, Tsìfaà. Ŋà nìi ɲe, ɲe ci ɲe ye re faagoofadzin ì nì, Yesù kamà.

Ɔ̀rɔ̀mùnka reè 1:16

Àwà Kùnàgoo Dziɔ̀ seey na ni mun na waa, kàtsu à Ŋaablà re dzibaabe rii, sànko nìì reè sapɛ ɲɛɛn Ŋaablà ra, yè dzi tsi. È jɔ̀n Dzyèèsìbee mòdzin neè tsɛ, è suu kun kpɛrɛ mòdzin neè rà.

Kɛɛradzin neè faadziɛ 22:21

Tsìfaà yè dzin mun na tɔ̀un ci: "Bo wɔ̀ rèe doùn, a wa, mun nà wo ka bè jeenà kun kpɛrɛ mòdzin ì nì nè."»

Kɛɛradzin neè faadziɛ 22:7

Min bo mɛɛy dzɔn nɔ̀n, m'a myɛ̀n, vu sɔn dziàn mun na ci: "Sɔlì, Sɔlì, feera, wo mun byɛɛn ?"

Kɛɛradzin neè faadziɛ 20:24

Mun kpɛ̀yn na sɔɔn n yɛr'la raa jaamabee kpɛyn dɛ, kàtsu, tɔ̀ na gèsɔn pɛn mun ne waa. Mun nìi kaà, Tsìfa Yesù faagoo nìi kɛ̀ɛ̀yfaɔ̀ mun mà, min dzi tɔ̀ fa, m'a vyɛ̀ e daùn. Tɔ̀ rii yɛ, min mòdzian toro kɔ̀ Kùnàgoo Dziɔ̀ rà, Ŋaablà ɲanwùɔ goomaa.

Goo kpàdèuma rèè 22:9

È dzin mun na ci: «Ayi, m'a tɔ̀ fa waa ! Mun sa wo faagoofasià sɔn ni, wo neema kɛɛra reè kòòsi, ko nèe kìtaabu rèe gooma reè màràbaa rèè kòòsi. Ŋaablà rii blàbe !»

Kolosika reè 1:25

Mun bàu tɔ̀ ɲɛynamoo kur'là rìì lè faagoofabaa, è kòrò Ŋaabla faagoo rìi kɛ̀ɛ̀yfaɔ̀ mun mà ye kàjaa tsɛ, nìi yɛ min Ŋaablà re goomaa dè, m'a dzii tsyɛn.

Efɛsika reè 1:1

Mun Poli, Yesù Kirisà rè kɛɛradzian Ŋaablà saɔ baraka rɔ̀n, nèe mun ne sɛbɛn è sìn Ŋaablà re mòò rèè rà Efɛsì wɔ̀ rɔ̀n, nìì reè ɲɛɔ̀n Yesù Kirisà rà.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Ɔ̀rɔ̀mùnka reè 16:18

È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.

Ɔ̀rɔ̀mùnka reè 15:29

M'a tɔ̀ min ba nà bè ye re, mun ko Kirisà rè dzwɛ dziitsyɛunmaà nì nà bè.

Ɔ̀rɔ̀mùnka reè 11:13

Àyìwà dòònuùn, ye nìì reè kun kpɛrɛ mòdzin neè, mun goomaa ye rìì là. Mun goomaa ye rìì là, è ɲɛn à tsɛ mun kun kpɛrɛ mòdzin neè raa kɛɛradzian, mun to blà wɔɔ̀ n ne faagoò ɲàn.

Kɛɛradzin neè faadziɛ 27:23

Àwà, mun Ŋaablà riì raa, min bà faagoò faa à re, tɔ̀ re mɛ̀rɛ̀kɛ sɔn nàu e yɛrɛ kpadè mun na fen nɔ̀n.

Kɛɛradzin neè faadziɛ 26:1

Àyìwà, màsà kpiri Agiripà yè dzin Pol'là tɔ̀un ci: «Goomaa ni wo re. Nìi ni wo re, wo y'à dè a re goò ɲàn, a dzia tɔ̀ dè.» Polì yè e sià fù tɔ̀un, è dzin e re goò ɲàn nèe tsuru ci:

Kɛɛradzin neè faadziɛ 13:9

Tà doùn, nìi Sɔlì, yè bà à kir'là sa, ci Polì, tɔ̀ ɲantsyɛunmaà Ŋaablà re Dzi Fɛnɛɛ rà, è jaà gban to twɛ̀y ɲan goofabaà jaakɔɔ doùn, è dzin à ra ci:

Yùxanà 15:15

Mun na ye kir'là faagoofadzin ì dɛ, kàtsu nìi faagoofadzian, tɔ̀ na sɔn tɔɔ̀ e kuntsiɛ̀ rè goo rèè ɲàn waa. Ŋà, mun ye kir'là n dzunwɛynsi ì, kàtsu, mun goo o goo myɛ̀un n Fa Ŋaablà re, mun y'à tou ye yè tɔ̀ sapɛ tɔ.

Yùxanà 12:26

Mòò riì ye ba n'a re w'e faagoò fa mun ne, fɔ è gban mun kpɛyn. Tɔ̀ tsuru, mun ye ba ni min niì, mun ne faagoofadzian sa nà bà ni mɔn. Mòò riì ye ba ni faagoò rà mun ne, Fà Ŋaabla nà blà wɔ tɔ̀ ɲan.

Goo kpàdèuma rèè 22:6

Mɛ̀rɛ̀kɛɛ̀ yè dzin mun na kɔn ci: «Nèe gooma ree reè fyɛɔ, yè bà sààbèn goòmà ì. Goo nìi nà fa sani dɛyn, mùn Tsìfa Ŋaablà riì yè e re kɛɛra reè akiri kɔ̀ɔ, tɔ̀ yeè e re mɛ̀rɛ̀kɛɛ̀ ka nau, è nà tɔ̀ kpàdè e re jòn nèè rà.»

Dzyèèsìbee mòdzin neè 7:26

Tà doùn, mùn màgoo na ni Saaka Jɔundzin niì kaatsi ra taki, tɔ Yesù rìì. À fɛnɛɔ̀, jààma na n'a na, à na gooɲaan pɛn fa ja, à sen bou gooɲaan fa reè ɲàn, è sen teyn fɔ ŋaablaxɔɔ̀ dààn rà.

Kɛɛradzin neè faadziɛ 26:14

Ɲe sapɛ yeè bo mɛɛy dzɔn nɔ̀n. Min vu sɔn myɛn, tɔ dziàn mun na ɲe re kungoòmà ɲàn ci: "Sɔlì, Sɔlì, feera, wo yè bà mun byɛɛn ? Wo yè bà ni dzi shɔ dzii swɛyswɛɛ̀ tan, tɔ dziì xɔ wo ra."

Kɛɛradzin neè faadziɛ 21:40

Kaadzin kuntsii blaa yè tɔ̀ shi sin à ra. Tɔ̀un, Polì tsìiŋma yè to mɔn dɔ̀nmàdziɛ tèynma rèè tsɛ, è si ŋààn jàmaà nà. Tɔ fau min niì, mòdzian sapɛ yeè e ŋɔn nìn kpleu. Tɔ̀un, Polì yè gooma è ka Dzyèèsìbee mòdzin neè rè goomaa ɲàn.

Yùxanà 15:20

Mun gooma niì dèu ye ra, ye e taa to tɔ̀ re. Mun dziun ye ra ci: "Faagoofadzian na blà e kuntsiɛ̀ mà waa." Yè ba byɛnbe ɲɛun mun tsɛ, è nà byɛnbe ɲɛn ye sa tsɛ. Yè ba mun ne goomaa tou e duùn, è nà ye raà sa to e duùn.

Marikì 1:14

Àyìwà Yùxanà kun jiumaà shɔ̀ùn kàsoò doùn, Yesù yè dɔ̀n be Galile mar'lɔùn, è Ŋaablà re Kùnàgoo Dziɔ̀ waajibia faa.

Korɛntsika reè fiiraa 2:12

Àyìwà, min bè wɔ Torowasì wɔ̀ rɔ̀n tɔ̀un, ci mun nà Kirisà rè Kùnàgoo Dziɔ̀ dè. Mun wɔu mɔn, min b'a jà Tsìfaà dziɛ san jiɔ̀ mun ne mɔn.

Korɛntsika reè fiiraa 11:7

Mun nàu Ŋaablà re Kùnàgoo Dziù rìi dè ye ra maana, min n majàà, min ye ɲansen, tɔ bàu gooɲaan fauma mun ne gbɛ ?

Tesalonikika reè jɔ̀naà 2:8

ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Tesalonikika reè jɔ̀naà 2:9

Àwà neema reè, ye taa ni ɲe re faagoo xɔɔ̀ ko ɲe re byɛnbee rè. Ɲe faagoò fau feèn ko bwèè sa, ɲe mà nà bà ye sɔn ne seyn waa, ɲe yè Ŋaablà re Kùnàgoo Dziɔ̀ dè ye ra.

Piyɛrì jɔ̀naà 4:17

Àwà kitsia dziikun bwèy wɔu, à to jɔ̀ɔn Ŋaablà re gbàdòùndzin neè rìì tsɛ. À to ye ba jɔ̀ɔn ɲe rìì tsɛ, nìì reè na e tsiiŋnà yè ɲɛn Ŋaablà re Kùnàgoo Dziɔ̀ goomaa nà, twɛy raà nà e latan dzùrù ?

Swiv nou:

Lyen patwone

Piblisite

Piblisite