Matsiyù 8:5 - Bible Dzùùngoo Unicode

⁵ Àyìwà, Yesù dɔ̀nkɔɔn Kapɛrinaxumùn wɔ̀ rɔ̀n, kaadzin jɛrɛ̀blàtsi sɔn yeè e kpɛrɛ̀ à ra, à y'à màfyɛ̀n.

Matsiyù 8:5 Referans Kwoze

Matsiyù 27:54

Kaadzin jɛrɛ̀blàtsià ko kaadzin dzyee niì reè sapɛ na Yesù kplatsuɔ, twɛy tɔ̀ dzɔ̀nxɔ̀ɔ̀mà kpin'na ko goo dzyee fauma rèè jàu min niì, yè shi fɔ è bè geren. È ci: «Sààben na, nèe Ŋaablà Dzin Kpir'la rìì taki.»

Kɛɛradzin neè faadziɛ 27:43

Ŋà, kaadzin kuntsiɛ na n'a re è Polì tsi nìi fa, tɔ̀ kamà, kaadzin neè n'a re yè nìi fa, è kaa tɔ̀ tsɛ. Nìì reè yuà tɔ̀, è shi sin, ci twɛy jɔ̀na yeè e tsyɛn ji yu rɔ̀n, yè kpee kaa.

Kɛɛradzin neè faadziɛ 27:31

Ŋà, Polì yè dzin kaadzin kuntsiɛ ko kaadzin dzyee reè rà ci: «Nèe rèe ma to konkor'na doùn fyeu, e na naà dzi tsi saàn rà dɛ.»

Kɛɛradzin neè faadziɛ 23:17

Àwà, kaadzin jɛrɛ̀blàtsi nìi na ni faagoò rà, Polì yè tɔ̀ kiri, è dzin tɔ̀ ra ci: «A Yɛrɛ to, e bè kpirimɛyn nee ka kaadzin kuntsii blaa rè, gooma n'a re, à y'à dè à ra.»

Matsiyù 4:13

Àwà è Nazarɛtsì wɔ̀ɔ̀ bàto tɔ̀un, è bè e tsuù Kapɛrinaxumùn wɔ̀ rɔ̀n, Galile yu blàa dziire, Zabulɔnìn màr'là, ko Nɛfitalì màr'là ɲàn.

Kɛɛradzin neè faadziɛ 27:13

Fyɛn tswɛyrii sɔn yeè nà e maa, tɔ̀ yeè bo naà wòròdùù tɔɔn kpàkèrè. È na à siɛ̀n, ci tɔ na dzia à to mìn tɔ̀ gàneè kaa kun n dzi. Myɛ̀ɛ̀n kunun gbanàkàntàn nìi konkor'na tsìɛ, yè tɔ̀ bo. Tɔ̀ bou, konkor'na yè e maa è bèe Kɛrɛtsi jamaan tenteèn dzii kpɛyn.

Kɛɛradzin neè faadziɛ 23:23

Tà shɔ̀ùn, kaadzin kuntsii blaa yè e re kaadzin jɛrɛ̀blàtsi fii kiri suu, è dzin è ra ci: «Ye kaadzin caànmoò fii ladzyeè, shùtsi mùey ko tsyeùn, ko kpiri caànmoò fii tànman reè yè bà ni è re. E sapɛ yeè e mabyɛ̀n, fen nèe ɲan, e naà bè Sezare wɔ̀ rɔ̀n.

Kɛɛradzin neè faadziɛ 22:25

Kaadzin neè yè dɔ̀n Polì ka tɔ̀un, y'à shì, ci ye nà à dɔrɔ sɛyn ka. È ci e y'a dɔrɔ, kaadzin jɛrɛ̀blàtsi rìi na tsìiŋnà mɔn, Polì yè tɔ̀ tey ci: «Àwà, sàrìyaa mòò riì baɔ̀ Ɔ̀rɔ̀mùnka, à dàaŋnà sàrìyaa doùn, ye y'à tsìfa ban, kitsi mà bà kùnuɔ̀n à tsɛ ɔn ?»

Marikì 15:39

Kaadzin jɛrɛ̀blàtsi rìi na ni mɔn Yesù jaaterema, tɔ̀ y'a xɔn bou'n kuru jau tà tsuru min niì, è dzin ci: «Sààben na, nèe kpir'lee na Ŋaablà Dzin kpir'la rìì taki.»

Marikì 2:1

Àyìwà bwèy dànman tà shɔ̀ùn, Yesù yè e kpɛyn sèè Kapɛrinaxumùn wɔ̀ rɔ̀n. Mòdzian yè nà à myɛ̀n, ci à ni gbàà doùn.

Matsiyù 9:1

Àyìwà, Yesù yè dɔ̀n konkoron sɔn doùn tɔ̀un, è yu blàa sèè fuu, è dɔ̀n be e re wɔ̀ rɔ̀n.

Matsiyù 11:23

Wo Kapɛrinaxumùn wɔ̀ɔ̀, wo yè bà à siɛ̀n ci wo ɲan nà sen fɔ jìrànxɔɔ̀ rà rìì gbɛ ? Fyeu ! Wo ma nà jàà rii fɔ jààndamaan doùn ! Tɔ nà fa, kàtsu, kabagoo goo niì reè fau Kapɛrinaxumùn, twɛy yè bà na fau Sodomùn wɔ̀ɔ̀ rìì doùn, arì she Sodomùn na nà bà ni ŋe.

Kɛɛradzin neè faadziɛ 9:38

Àwà, Lidà wɔ̀ɔ̀ ko Yɔpɛ̀ wɔ̀ɔ̀ sa ni e si tɛyn, Yɔpɛ̀ kàràndzin neè yè bà na à myɛɔ̀n, ci Piyɛrì ni Lidà. Tɔ̀un, yè mòkun fii ka Piyɛrì kpɛyn, ci yè b'a kiri. Twɛy bèu wɔ, yè dzin à ra ci: «Ɲe wo màfyɛ̀ɛn, a y'a tabe na mùn ne dòonen ɲan.»