Bib sou entènèt

Matsiyù 8:4 - Bible Dzùùngoo Unicode

⁴ Yesù yè dzin à ra ci: «Maà à dè mòò pɛn na dɛ ! B'à yɛrɛ kpadè saakagoojaabobaà rìì là. Tà shɔ̀ùn, Musà rè sàrìyaa ci saaka kaatsi rìi yè bo, è kpàdè ci wo cɛrɛmabeu, e bè tɔ̀ ka. Tɔ nà bà wo cɛrɛmabeumaà shɛɛrɛbe è re.»

Gade chapit la Kopi

tounen moute ⬆

Matsiyù 8:4
31 Referans Kwoze

Lukì 17:14

Yesù yè è jàu min niì, è dzin è ra ci: «Y'a wa, ye bè e yɛrɛ kpadè saaka goojaabo reè rà.» Yesù tà dèu è ra, yè dɔ̀n bè. È ni shia tsɛ, è sapɛ yeè cɛrɛmabe.

Lukì 5:14

Tà shɔ̀ùn, Yesù y'à dè màxɔbe à ra ci: «Maà à lakɛɛ̀y mòò rà dɛ ! B'à yɛrɛ kpadè saakagoojaabobaà rìì là. Musà rè sàrìyaa ci saaka kaatsi rìi yè bo, e tɔ̀ bo a fɛnɛbeumaà kamà. Tɔ nà bà wo cɛrɛmabeumaà shɛɛrɛbe è re.»

Marikì 7:36

Tà shɔ̀ùn, à y'à dè màxɔbe è ra, ci è mà à gooma de mòò pɛn na. Ŋà à tɔ̀ dèe è ra vu rìi mà, è sa y'a gbango beè tɔ̀ vuà mà.

Matsiyù 9:30

Tɔ̀ nɔ̀nkɔɔrɔn ko e sa, è jaa rèè yè san. Tɔ̀ ɲan à y'à dè màxɔbe è ra ci: «E maà à to mòò pɛn y'à tɔ̀.»

Marikì 6:11

E ye be gàne o gàne ɲan, twɛy gànèdzin neè yè bè e nɔn ci e fa e jaà ye re, è to mà e toro wɔ e re goomaa rè, e bokɔɔn mɔn, ye san nà kpankpaàn ban ji to. Tɔ nà bà shɛɛrɛbe è re, è kpàdè ci è ɲaan fau.»

Marikì 5:43

À y'à dè màxɔbe è ra tɔ̀un, ci è màà à to mòò pɛn y'à tɔ̀ waa. Tà shɔ̀ùn, è dzin è ra, ci yè ɲwɛyn sìn à ra, à y'à ɲɔn.

Matsiyù 17:9

Àyìwà, è jàà bokɔɔn jèèn tsɛ, Yesù y'à dè màxɔbe è ra ci: «E nìi jàu, e maà à dè mòò pɛn jaa ra, fɔ Adamà dziàn yè bè sèè kpunan bo fùn nèè fi.»

Matsiyù 10:18

Mun kamà, è nà bè ye ka jàmààntsi ì ko màsa ì rè, ye yè bà ni kitsi. Tɔ̀ saabu ɲan, ye nà mun shɛɛrɛbe fa è ko kun kpɛrɛ mòdzin neè rè.

Matsiyù 6:1

Yesù yè dzin kɔn ci: «Ye e yɛrɛ kaàwɔ, e re Ŋaabla shi jiɛ mà nà bà mòdzian jaara raa waa. Ye bà ni Ŋaabla shià jìì, ci mòdzian nì yè ye jà, bàràji pɛn na ni tɔ̀ ɲan ye Fà Ŋaablà re waa, tɔ̀ riì ni jìrànxɔ rɔ̀n.

Matsiyù 5:17

Àyìwà Yesù ye dzin kɔn ci: «E maà à siin ci mun naɔ̀ sàrìyaa gooma reè, tàmafa Kɛɛra reè rè gooma reè mɛɛy rìì dɛ ! Mun na naɔ̀ è mɛɛy waa, mun naɔ̀ è bo e shi tsɛ rìì.

Yùxanà 8:50

Mun na blàbe gaa n yɛrɛ kɔ waa. Mòo ni, nìi y'à gaa mun kɔ̀, à to nà kitsia kùnùn, è mun dzià sìn mun na.

Yùxanà 7:18

Mòò riì goomaa e yɛr'la tsoo ra, tɔ blabee gaa e yɛr'la rìì kɔ̀. Ŋà, mòò riì y'à gaa ci wò kabaà rìì yè blàbe, tɔ̀ raà sààben, nanmara goo pɛn na ni à tsìfa ɲan waa.

Yùxanà 5:41

Mun na gaa modzin ì yè blàbe ɲɛn mun tsɛ waa,

Lukì 21:13

Twɛy goo rèè rìì nà à to, ye yè bà mun shɛɛrɛ mòdzian jaa ra.

Marikì 8:30

Tɔ̀un, Yesù y'à dè màxɔbe è ra, ci è mà wò gooma de mòò pɛn na.

Matsiyù 16:20

Tɔ̀ ɲan, à y'à dè màxɔbe kàràndzin neè rà, ci è mà dzin mòò pɛn jaa ra, ci wo Ŋaablà Jaara Modzìàn waa.

Matsiyù 3:15

Yesù yè dzin à ra ci: «À to tɔ̀ yeè fa dòònuùn. Àwà, Ŋaablà ci nìi sapɛ tereòn farama, à wù ɲe yè tɔ̀ bo e shi tsɛ tà tsuru.» Tɔ̀un, Yùxanà yè e tsiì, à jaara yeè fòò.

Marikì 13:9

Ye e yɛrɛ kaàwɔ ! È nà ye wɔ kitsikun'neè suun, è to nà ye dɔrɔ e re ŋaablabegba rèè doùn. Mun kamà, è nà bè ye ka jàmààntsi rèè ko màsa reè rè. Tɔ nà bà saabu, ye yè mun shɛɛrɛbe fa twɛy rè.

Marikì 3:12

Ŋà, Yesù na à dè màxɔbee è ra, ci è mà à to è tɔ̀ wo mòò riì waa.

Marikì 9:9

Àwà, è jàà bokɔɔn jèèn tsɛ, Yesù y'à dè màxɔbe è ra, ci è nìi jàu, è mà tɔ̀ lakɛɛ̀y mòò pɛn jaa ra, fɔ Adamà dziàn yè bè sèè kpunan bo fùn nèè fi.

Lukì 4:41

Kwey rèè na boò kweykɔɔn reè giri kpɛyn ko gɛyn bo rii ka. Tɔ̀ gɛyn bokɔɔn doùn, è na dziàn Yesù rà ci: «Wo rìì Ŋaablà Dzin Kpir'la.» Kwey rèè na tà dèe Yesù rà, kàtsu, è na à tɔ̀, ci wò rii Ŋaablà Jaara Modzìàn, nìi kir'là ci Kirisà. Ŋà, à na e jaa xe boò è ra, à dè màxɔbe è ra, ci wò ma tà myɛ̀n è dzu waa.

Lukì 8:56

À goò yè ji dziɛ̀n ker'làgè rèè sa dzii tsɛ. Tɔ̀un, Yesù yè dzin è ra, ci è mà à goò lakɛɛ̀y mòò pɛn na waa.

Lukì 9:21

Tɔ̀ ɲan, Yesù y'à dè màxɔbe è ra, ci è mà à goomaa dè mòò pɛn jaa ra waa.

Swiv nou:

Lyen patwone

Piblisite

Piblisite