Matsiyù 8:29 - Bible Dzùùngoo Unicode

²⁹ Tɔ̀un, yè sɛ̀ɛ̀y ci: «Ŋaablà Dzin Kpir'la, fee ni wo ko ɲe fi ? Wo naɔ̀ mìin, wo yè nà gooɲaan fa ɲe ra, sani à waatsi yeè wɔ rìì gbɛ ?»

Matsiyù 8:29 Referans Kwoze

Marikì 1:24

È dzin ci: «Nazarɛtsika kpiri Yesù, fee rìì ni mùn fi ? Wo naɔ̀ ɲe bar'li gbɛ ? Wo mòò riì kuru, mun y'à tɔ̀. Wo Ŋaablà re Mòdzìn fɛnɛ ka naumaà nì.»

Lukì 4:34

«Nazarɛtsika kpiri Yesù, fee rìì ni mùn fi ? Wo naɔ̀ ɲe bar'li gbɛ ? Wo mòò riì kuru, mun y'à tɔ̀. Wo Ŋaablà re Mòdzìn fɛnɛ ka naumaà nì.»

Yàkubà 2:19

Wo ɲɛɔ̀n à ra ci Ŋaabla soo. Tɔ wù. Ŋà e b'a tɔ̀ ci kwey rèè sa ɲɛɔ̀n tɔ̀ ra, fɔ è mà yè bà sɔ̀ɔn shiɲaanbeè rè.

Marikì 5:7

È sɛ̀ɛ̀y fààn na ci: «Yesù, Jìran nɔ̀n Ŋaablàa Dzin Kpir'la, fee rìì ni mùn fi ? A yɛrɛ sa rii to, a fa Ŋaablà kamà, a maà gooɲaan fa n na waa.»

Lukì 8:28

À dziu Yesù jà min niì, è gɛyn vu jaa soo bo, è nà e maa ji à sàn dzuun, è sɛ̀ɛ̀y fààn na ci: «Yesù, Jìran nɔ̀n Ŋaablàa Dzin Kpir'la, fee rìì ni mùn fi ? Mun wo màfyɛ̀ɛn nì, maà gooɲaan fa n na waa !»

Piyɛrì fiiraa 2:4

Àwà, mɛ̀rɛ̀kɛ nìì reè gooɲaan fau, Ŋaablà na twɛy to mɔn waa. À jɔ̀rɔ̀kɔ wɔu è ra, à yè è ji tsitsiì brìsià ɲàn jààndamaan doùn, è ni min niì, yè bà kitsia jisee màshua.

Matsiyù 4:3

Tɔ̀un, dzuunbweyfabaà yè e kpɛrɛ̀ à ra, è dzin à ra ci: «Wo rìì ye ba Ŋaablà Dzin Kpir'la taki, dzin nèe kpàà ree reè rà, ci yè e lakere ba buru ì.»

Yùxanà 2:4

Ŋà, Yesù yè dzin à ra ci: «Naà, tɔ̀ goò ni mun ko wo sɔn suun ɔn ? Mun naa waatsia na wɔ ŋe waa.»

Lukì 4:41

Kwey rèè na boò kweykɔɔn reè giri kpɛyn ko gɛyn bo rii ka. Tɔ̀ gɛyn bokɔɔn doùn, è na dziàn Yesù rà ci: «Wo rìì Ŋaablà Dzin Kpir'la.» Kwey rèè na tà dèe Yesù rà, kàtsu, è na à tɔ̀, ci wò rii Ŋaablà Jaara Modzìàn, nìi kir'là ci Kirisà. Ŋà, à na e jaa xe boò è ra, à dè màxɔbe è ra, ci wò ma tà myɛ̀n è dzu waa.

Yudè 1:6

Mɛ̀rɛ̀kɛ nìì reè na to e re kùntsììbee tsììma nɔn waa, ŋà è bou e yɛr'là gbaa doùn, twɛy shì ji tsuuŋma ni jɔ̀rɔ̀kɔ ì ka kudɛyn tsitsiì brìsià ɲàn, yè kitsia jisee blaa màshu ji tsuù.

Kɛɛradzin neè faadziɛ 16:17

Tɔ̀ tàànmɛ̀yn kweykɔɔn yè e gban tsùù ɲe ko Polì kpɛyn, è sɛ̀ɛ̀y beè fààn na ci: «Nèe kpir'lee reè jìran nɔ̀n Ŋaablàa rè faagoofadzin ì nì. Goo nìi mòò tsià, è naɔ̀ tɔ̀ rii dè e ra !»

Marikì 3:11

Nìì reè to kweykɔɔn twɛy ye ba na à jàu, è na e kunun gban jia à bììn, yè sɛ̀ɛ ci: «Wo Ŋaablà Dzin Kpir'la rìì.»

Matsiyù 8:30

Tɔ̀ y'a tàrà, bɛ̀y kuru brìsi sɔn dan na gbàn è ra, twɛy yè bà ni ɲwɛɛ̀n nà.