Matsiyù 7:7 - Bible Dzùùngoo Unicode

⁷ E ye gè o ge fyɛ̀n, à nà sìn e ra. E ye gè o ge gaa, e naà à tàrà. E ye dziɛ̀ màban, à nà san e re.

Matsiyù 7:7 Referans Kwoze

Matsiyù 21:22

Àwà, gè o ge, ye y'a gaa màfyɛɛ̀n doùn ko ɲɛyna ka, ye nà à tàrà.»

Yùxanà jɔ̀naà 3:22

Tà tsuru mìn gè o ge gaa à re, mùn tɔ̀ tàr'la, kàtsu mùn y'a dzugooma xɔù rèè màraɔ̀, mìn bà à dzibee goo reè faa.

Yùxanà 15:7

Ye ye to tsùù mun ɲan, mun ne gooma reè yè to tsùù ye ɲan, gè o ge ye e dzibe, y'a gaa, tɔ nà fa e re.

Marikì 11:24

Tɔ̀ kamà, mun nì ci e ra, e naà gè o ge gaa Ŋaabla mafyɛɛ̀n doùn, ye ɲɛn à ra, ci ye tɔ̀ tàrau, tɔ nà fa e re.

Matsiyù 6:33

Ye Ŋaablà re Màsàbee ko à re terenbee rìì gaa ŋe. Tɔ̀ ye fa, twɛy gè rèè sapɛ nà sìn ye ra, è bà twɛy tɛ̀y.

Matsiyù 7:8

Àwà, a moo o moò ye Ŋaablà fyɛn, à nà a kɔ. A moo o moò ye gè gaa à re, a naà à tàrà. A moo o moò to ye dziɛ̀ màban, Ŋaabla nà à san a re.

Yùxanà 15:16

E maà à ji e duùn, ci ye rìì mun boo e jaa ra dɛ. À na tɔ̀ tsuru waa, ŋà, mun nì ye boo n jaa ra. Mun tɔ̀ fau nì, sànko, min ye ka bè Ŋaablà re faagoò rà, faagoo nìi nàfa na do jàa waa. Tà tsuru, ye nà gè o ge gaa Fà Ŋaablà re mun tsoo ka, à nà tɔ̀ sìn ye ra.

Dzyèèsìbee mòdzin neè 11:6

Mòò riì na ɲɛɔ̀n Ŋaablà ra fyeu, tɔ̀ goo na dzia dzibe à ra waa. Àwà, mòò riì yè e kpɛr'la Ŋaablà ra fɔ è ɲɛn à ra, ci Ŋaablà ni, à to nà e gaabaa rèè sàrà.

Yùxanà 4:10

Yesù yè dzin taàn na ci: «Ŋaabla mòò kɔ̀ɔ gè niì rà, wo ye ba nà tɔ̀ tɔ̀, tà ko mòò riì yɛ yuà fyɛɔ̀n wo re, wo yè bà na tɔ̀ tɔ̀, wo rìì na nà yu fyɛ̀n à re, à to na nà yu sìn wo ra, yu rìi jaamabee sìan mòdziìn nà.»

Matsiyù 18:19

Sààben na, min bà ci e ra kɔn ci mòkun fii ye byɛn goo o goo mà ye ɲan dzɔ̀nxɔɔ̀ tsɛ, y'à gaa mun Fà Ŋaablà re, tɔ̀ riì ni jìrànxɔ rɔ̀n, à nà tɔ̀ fa è re.

Yàkubà 5:15

Àwà, tɔ̀ màfyɛɛ̀n faumaà ko ɲɛynaà ka, tɔ nà ɲìnìnkɔɔn cɛrɛmabe, Tsìfaà y'à sèè fù. È ba na gooɲaan ì faɔ̀, tɔ̀ gooɲaantsiɛ sa nà mɛɛy bo à vu ra.

Lukì 18:1

Àyìwà, twɛy goo rèè shɔ̀ùn, Yesù yè nèe gooma ree ka tàlen ban e re kàràndzin neè rè, nìi nà à kpàdè è ra, ci è wù yè bà Ŋaablà mafyɛ̀ɛn kudɛyn, è mà e gɔn vu ja kuraa.

Matsiyù 7:11

Ye ko e re ɲanbee sa, ye wù, ye yè gè niì sìn e dzin nèè rà è bà wù, ye tɔ̀ tɔ̀. Ye ye ba tɔ̀ tɔ̀, ye Fà Ŋaablà riì ni jìrànxɔ rɔ̀n, gooma na ni tɔ̀ mà waa. Nìì reè y'à fyɛ̀ɛn, à nà twɛy kɔ̀ gè rà, nìi wù.

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Ɔ̀rɔ̀mùnka reè 3:11

Akiritsi pɛn na ni, mòò pɛn na Ŋaablà gaa.

Lukì 13:25

Fɔɔntsià ye na fù waatsi riì bwèy, è tɔ̀ dziɛ̀ sòò, ye yè to da rɔ̀n, tà bwèy, ye nà dziɛ̀ mà baan, ye yè dziàn nèe tsuru ci: "Mùn tsìfaà, dziɛ̀ san mùn ne !" À nà dzin ye ra tɔ̀un ci: "Mun na ye tɔ̀ waa."