Biblia Todo Logo
Bib sou entènèt

- Piblisite -




Matsiyù 7:21 - Bible Dzùùngoo Unicode

21 Àwà, nìì reè sapɛ dziàn mun na ci: "Tsìfaà, Tsìfaà," à na ni a ci twɛy sapɛ rii nà dɔ̀n Ŋaablà re Màsà gane rɔn dɛ ! Mun Fà Ŋaablà riì ni jìrànxɔ rɔ̀n, nìì reè tɔ̀ sàɔ faa, twɛy rìì nà dɔ̀n mɔn.

Gade chapit la Kopi




Matsiyù 7:21
49 Referans Kwoze  

Nìì reè dàan sàrìyaa myɛ̀ɛ̀n bàsɔùn mà, twɛy na tereòn Ŋaablà jaa dzuun waa, ŋà nìì reè y'à shi jiɛ, twɛy rìì nà kpàdè ci è tereòn.


Tɔ̀un, Yesù yè dzin ci: «Fee kamà kudɛyn ye mun kir'là, ci Tsìfaà, Tsìfaà, mun to nìi dèe ye ra, ye na tɔ̀ faa waa ?»


E maà dàn gooma ree myɛ̀ɛ̀n bàsɔùn mà waa, ŋà ye bà à shi jiìbaa ì. Tà boshɔ̀ùn, ye e yɛrɛ maniɛ̀n,


Yesù sa yeè dzin à ra tɔ̀un ci: «À kpɛ̀yn tɔ̀ tsuru, ŋà, nìì reè yè e toro wɔɔ̀ Ŋaablà re goomaa rè, y'à bo e shi tsɛ, twɛy rìì laa wùbeu Ŋaablà re è geren kɔn.»


È dziàn ci ye Ŋaablà tɔ, tɔ̀ to y'à tàrà è faadziɛ y'à kpàdèe ci è na à tɔ̀ waa. È mòdzin kinin bouma ì, mòdzin mabaunma ì, è na dzia goowùù soo fa.


Nìì reè jɔ̀na Kùnàgoo Dziɔ̀ goomaa myɛ̀un, twɛy na dɔn mɔn waa, kàtsu, è na ɲɛn à ra y'à shi jiì waa. Àwà, à kpɛ̀yn fyɛɔ, ci mòdzin ì nà dɔ̀n tɔ̀ ɲànwɔma nɔ̀n.


Ɔ̀ɔn, mun Fà Ŋaablà saɔ rìì yɛ, mòò o moò ye Dzin Kpirimaa jà, è ɲɛn à ra, tɔ̀ yeè jaamabe dziù dòbɛɛ tàrà, mun to y'à sèè kpunan bo saàn ɲàn tsìɛ̀ sii sèè.»


Àwà, mòò riì ye ba dzibaa, tɔ̀ sa nà vya fyɛ ì wɔ tɔ̀ tsuru. Mun fa à tsoò tsùsa bo jaamabee sɛbɛɛn doùn waa, mun to nà n tsiì à ra n Fa Ŋaablà ko e re mɛ̀rɛ̀kɛ rèè jaa ra, ci m'a tsìfa tɔ̀.


Tà tsuru à mà nà e re jaamabee fa adamàdzin mòdzin neè raa kur'la goo reè tsɛ dɛ waa, ŋà à y'à fa Ŋaablà raa sàɔ tsɛ, e re waatsi dzyee faramaà doùn dzɔ̀nxɔɔ̀ tsɛ.


Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !


Àwà mun Fà rìi ni jìrànxɔ rɔ̀n, mòò riì tɔ̀ sàɔ faa, tɔ̀ rii mun tseyn kpiri, mun tseyn taan, ko mun na.»


Nìì reè yè e re vya rèè fòò fyɛɛ̀, yè bà ni dzi jaamabee gɔɔ̀ dzian sɔn tarà ɲɔn, yè dɔ̀n wɔ̀ɔ̀ doùn à dɔ̀nmàdzii reè rà, twɛy raa wùbeu !


Yesù yè sèè è dzin kɔn ci: «Sààben na, mun nì ci a ra, mòò riì ma kere yuà ko Ŋaablà re Dzia baraka rɔ̀n fyeu, tɔ̀ tsìfa na dzia dɔ̀n Ŋaablà re Màsàbee doùn waa.


È dzin ci: «Sààben na, mun nì ci e ra, ye ma e lakere, ye yè bà a ci dziin nèè fyeu, ye fa dzi dɔn Jìrànxɔɔ̀ Màsàbee doùn waa.


Mòò riì ye ba n'a re è Ŋaablà saɔ fa, tɔ nà à tɔ̀, mun ne kàr'nà ye ba boò Ŋaablà rii ɲàn, à to ye ba boò mun yɛ̀r'la rìì ɲàn o.


E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.


Mòò riì Ŋaablà saɔ faa, tɔ̀ rii mun tseyn kpiri, tɔ̀ rii mun tseyn taan, ko mun na.»


Goo sapɛ doùn, ye baraka sìn Ŋaablà ra, kàtsu tɔ̀ rii y'à sàɔ ye kàjaa tsɛ, Yesù Kirisà ɲàn.


À mà bà è jaa ra goo bàsɔùn, a ci y'a faa ye yè dzibe mòdzin ì nà waa. Y'a fa rii, ci ye Kirisà rè jon ì, è bà Ŋaablà saɔ fakɔɔn ko e duɔ̀n sapɛ ka.


È ɲɛn à tsɛ Ŋaablà saɔ rìì yɛ, goowùɔ fakɔɔn, tɔ̀ yeè mòdzin akiribɛy ko goo jaa tɔ bɛy reè dziɛ̀ tsyee.


À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."


Nìi Ŋaablà sao, tɔ̀ rii yɛ, ye yè bà fɛnɛɔ̀, ye yè e yɛrɛ taàn kɛ̀kɛ̀ɛ̀ybeè mà.


Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.


Fɔɔntsià ye na fù waatsi riì bwèy, è tɔ̀ dziɛ̀ sòò, ye yè to da rɔ̀n, tà bwèy, ye nà dziɛ̀ mà baan, ye yè dziàn nèe tsuru ci: "Mùn tsìfaà, dziɛ̀ san mùn ne !" À nà dzin ye ra tɔ̀un ci: "Mun na ye tɔ̀ waa."


Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.


Ɲɔ̀ɔ̀nmɛɛ̀n yè dɔ̀n mɔnsɛyn kɔɔ rè, tɔ̀ fa dzi gètsià dɔ̀ɔ̀n mà Ŋaablà re Màsàbee doùn.»


A jaadzian nì to ye ba bàa tsoo, à y'à dɔn gooɲaan ɲan, à kwey bo a ra, a maa. Tɔ̀ fa, kàtsu a ko a jaa sɔɔ̀n yè dɔ̀n Ŋaablà re màsàbee doùn, tɔ fyan, sani a ko à fiɛ̀ sa yeè maa jààndamaan doùn.


Min bà ci e ra kɔn, ci ɲɔ̀ɔ̀nmɛɛ̀n yè dɔ̀n mɔnsɛyn kɔɔ rè, tɔ̀ fa dzi gètsià dɔ̀ɔ̀n mà Ŋaablà re Màsàbee doùn.»


Tɔ̀ fau'n kuru soo rà, ye soo sookɔɔn sa ma e tsiì yeè e yɛrɛ to e koòsì dzyee reè rè ko e duɔ̀n sapɛ ka, mun Fà Ŋaablà riì ni jìrànxɔ rɔ̀n, tɔ̀ sa nà ye kun tɔ̀ kuun'n kur'la rìì là.»


Mòò riì mun goo xɔbee e yɛrɛ ma, tɔ̀ tsìfa mun Fà Ŋaablà sa goo xɔbee e yɛrɛ ma.


È ma bo è ra kɔn e jaa fiira ɲan, è bè Ŋaablà mafyɛ̀n ci: «Mun Fà Ŋaablà, byɛnbe ree jɔun ma ba dzia bo bou'n kuru pɛn fɔ è mun tàr'li, wo sàɔ yè fa.»


Yesù yè dzin à ra ci: «Yonasì dzin kpiri Shimɔ̀n, wo raà wùbeu, kàtsu, nìi nèe sààben nee dèu wo ra, à na adamàdzin mòdzin waa, ŋà mun Fà Ŋaablà riì ni jìrànxɔ rɔ̀n, à wò rii.


À nà è màrà ko myɛ̀ɛ̀nbere ka, à yè è ci ci a ci mòo dzùtsyɛn cià nìi tsuru.


Ye ye ba mun tɔ̀, ye nà mun Fàà sa tɔ. È sen dòònuùn nà, y'a tɔ̀ nòn, ye yè bà à jaɔ̀ sa.»


Àwà, Yesù yè dzin è ra ci: «Mun Fàà ni tsuù faagoò rà fɔ è bè suu dòònuùn dzu, mun sa to ni faagoò rà.»


Tà shɔ̀ùn è kpɛrɛ̀ be jɔun dɛyn, è bè e kunun gban, è kuu, è Ŋaablà mafyɛ̀n ci: «Mun Fà Ŋaablà, è ba dzia fa, byɛnbe riì nàkɔɔn yɛ mun tàrà, à dàn gbànbe n na. Tà ko e sa ra, mun naa sàɔ mà fa dɛ, wo raà rìì yè fa.»


Tà doùn, ye e yɛrɛ kaàwɔ, e maà nà to nèe dziin nèe rèè sɔn kɔn waa. Mun nì ci e ra, è re mɛ̀rɛ̀kɛ rèè ni jìrànxɔɔ̀ doùn kudɛyn, mun Fà Ŋaablà ka.


Sààben na, min bà ci e ra kɔn ci mòkun fii ye byɛn goo o goo mà ye ɲan dzɔ̀nxɔɔ̀ tsɛ, y'à gaa mun Fà Ŋaablà re, tɔ̀ riì ni jìrànxɔ rɔ̀n, à nà tɔ̀ fa è re.


Àwà, è dɔ̀n beumaà ɲinin fima nɔ̀n, kɔnɲɔn kpir'là yè nà è shɔ̀ùn. Tɔ̀un, nìi reè mabyɛunà, à ko twɛy yè dɔ̀n kɔnɲɔn gbaà doùn, dziɛ̀ yè sòò.


Swiv nou:

Piblisite


Piblisite