Matsiyù 7:14 - Bible Dzùùngoo Unicode

¹⁴ Ŋà shi niì bèe jaamabee rà, tɔ̀ dɔ̀nmàdziɛ dzyɛ̀n à nɔ̀ɔ̀dzii yè bà ɲaan. Mòò bɛrɛ na tɔ̀ tàr'la waa.

Matsiyù 7:14 Referans Kwoze

Matsiyù 22:14

Mòò giri kpɛ̀yn kiriɔ, ŋà nìì reè boo jaara taki, twɛy dzyɛ̀n.»

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Marikì 8:34

Twɛy goo rèè shɔ̀ùn, Yesù yè jàmaà ko e re kàràndzin neè sa dzyeèmaa kiri kpɛ̀rɛ̀ e ra, è dzin è ra ci: «Mòò riì ye ba ni à re è gban mun kpɛyn, fɔ è ɲɛyn bo e yɛrɛ tsɛ, è gbaàn gɔɔ̀ sen, è kòmànà e gban mun kpɛyn.

Kɛɛradzin neè faadziɛ 14:22

Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Matsiyù 20:16

Bònèdzin neè nà bà tɔ̀ rii tsuru jɔundzin ì, jɔundzin neè yè bà bònèdzin ì.»

Lukì 12:32

Tà shɔ̀ùn Yesù yè dzin e re kàràndzin neè rà kɔn ci: «Ye kpɛ̀yn na giri waa, ŋà, e maà shi waa. À dzibeu ye fà Ŋaablà ra, è ye dɔ̀n e re màsàbee ɲàn.

Ɔ̀rɔ̀mùnka reè 9:32

Feera è na à tàrà ? È na à tàrà waa, è ɲɛn à tsɛ à na dan ɲɛynaà kàjaa tsɛ waa, fɔ faadziɛ goo rèè. Yè e san nà baun sàn nà baan kpàa rà.

Yùxanà 16:2

Nìi ŋaablabegba rèè, è nà ye kaa twɛy tsɛ. Waatsi to yè bà nàa waatsi ra, nìì reè ye vua, twɛy nà bà à siɛ̀n, ci ye Ŋaablà blabee rìì tɔ̀ tsuru.

Matsiyù 7:13

Ye dɔ̀n dɔ̀nmàdzii kiɲaaniàn nà. Ye tɔ̀ fa, kàtsu shi niì bèe mòdzian barama nɔ̀n, tɔ̀ dziɛ̀ blà, à shia yè bà blà. Mòò giri to dɔ̀ɔn tɔ̀ rii lè, kàtsu à dɔn dzi.

Matsiyù 7:15

Ye e yɛrɛ kaàwɔ kɛɛra doo de reè rà. È nàa ye mà, a ci saa ì, ŋà è duùn nɔ̀n, è tsuru kparan ɲan na ni.