Biblia Todo Logo
Bib sou entènèt

- Piblisite -




Matsiyù 7:13 - Bible Dzùùngoo Unicode

13 Ye dɔ̀n dɔ̀nmàdzii kiɲaaniàn nà. Ye tɔ̀ fa, kàtsu shi niì bèe mòdzian barama nɔ̀n, tɔ̀ dziɛ̀ blà, à shia yè bà blà. Mòò giri to dɔ̀ɔn tɔ̀ rii lè, kàtsu à dɔn dzi.

Gade chapit la Kopi




Matsiyù 7:13
38 Referans Kwoze  

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.


Mun nì dɔ̀nmàdziɛ, mòò riì ye dɔn mun ne, tɔ nà tsi. À tsìfa nà dɔ̀n, è bo e saoma, è dziira gaa ɲwɛyn jà.


Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.


À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»


Ye goo rìì fa, nìi nà à kpàdè, ci ye yè e re jaamabee fau'n kur'la lakereò.


È ɲɛn tɔ̀ tsɛ, Tsìfaà ci: «Ye bo è fi, ye e dan gbànbe è ra. E maà e dzyɛn gè nooŋma pɛn na. Tɔ̀un, mun nà n tsiì ye ra.»


Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.


Mòò o moò tsoo sɛbɛunma na ja jaamabee sɛbɛɛn doùn, twɛy sapɛ yeè maa sà blà rɔn.


È lataan rìì yɛ, yè bara. È doòn rìì yè è re ŋaablà, goo rìi yè è seè goo, yè e yɛrɛ blabee tɔ̀ rii ka, è to na e kɛsɛɛ̀ gèsɔn pɛn na dzɔ̀nxɔɔ̀ tsɛ raa goo rèè tɛ̀y waa.


Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.


Dòònuùn, ye sèè bo e re gooɲaan neè kpɛyn, ye e re jaamabee fau'n kur'la lakere, ye sèè na Ŋaablà ra, sànko e re gooɲaan tsìɛ̀ yè mɛɛy bo e vu ra.


Tɔ̀un, à y'à maa dɔn bè kɔ̀ɔ̀ tsun gbloùntòò doùn, è dziɛ̀ tsyee à mà, è tàànmàshɛɛn tsùù tɔ̀ tsɛ, à mà nà to kun neè mòdzian sàn fìrì dɛ, fɔ jii gbaa soo yeè bè tsyɛn. Tɔ̀ ye tsyɛn gbaa nìi bwèy, à nà foro bàji kɔn, è waatsi dɛɛnin fa.


Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.


Àwà twɛy mòdzin neè nà bè byɛnbe dobɛɛ ɲàn tɔ̀un. Mòdzin tereonma rèè, twɛy yè bè jaamabe dziù dòbɛɛ ɲàn.»


Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.


Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.


Àwà, à na Ŋaablà sao, è re vununtaà ko e re dzibaabee kpàdè mòdzin ì nà, nìì reè kiriɔ vununtaà mòdzin neè. È na wɔɔ bara, ŋà, è mɔɲɔun è tɛyn cɛyn.


Tɔ̀ fau'n kuru soo tsuru, ye ɲan mòò o moò ma e ɲɛyn bo e suun ge reè sapɛ tsɛ, tɔ̀ tsìfa na dzia bà mun ne kàràndzin waa.»


Kparan ɲan blaa yè maa bo jìrànxɔɔ̀ doùn tɔ̀un, tɔ̀ niì myɛn bɔrɔɔ, è bà kir'là Sànwɔbaà ko Sùtana, nìi mòdzian sàn fìr'la dzɔ̀nxɔɔ̀ tsɛ. À ko e kpɛyn mɛ̀rɛ̀kɛ rèè sa yeè maa dzɔ̀nxɔɔ̀ tsɛ.


Twɛy kpiri fii rèè ci e ye bo Yesù tɛyn waatsi riì bwèy, yè bè, Piyɛrì yè dzin Yesù rà ci: «Kàrànfaà, mìn bà ni mìin tɔ wù dɛ. Mùn nà bùù gba vyama zhiigi kun, wo raa soo, Musà raa soo, ko Àliì raa soo.» Piyɛrì kpɛ̀yn na goomaa nì, ŋà, à naà à tɔ̀, wo nìi dèe waa.


Ŋà shi niì bèe jaamabee rà, tɔ̀ dɔ̀nmàdziɛ dzyɛ̀n à nɔ̀ɔ̀dzii yè bà ɲaan. Mòò bɛrɛ na tɔ̀ tàr'la waa.


Swiv nou:

Piblisite


Piblisite