Bib sou entènèt

Matsiyù 6:9 - Bible Dzùùngoo Unicode

⁹ Tà doùn, ye ba nà Ŋaablà mafyɛ̀n, ye dzin ci: "Mùn Fà Ŋaablà, wo rìi ni jìrànxɔ rɔ̀n, wo tsoò fɛnɛbee nìi boò, m'à gaa ci mòdzian sapɛ y'a blàbe.

Gade chapit la Kopi

tounen moute ⬆

Matsiyù 6:9
43 Referans Kwoze

Goo kpàdèuma rèè 4:11

«Mùn Tsìfaà ko mùn ne Ŋaablà, wo wù nɔɔrɔɔ̀ ko blàbee, ko dzibaabee ka. Wo wù tɔ̀ ka, kàtsu wo gè sapɛ ɲɛun. À bàu wo sàò yè bà ni, wo to yè è ɲɛn.»

Ɔ̀rɔ̀mùnka reè 8:15

Ye na Dzi taraɔ̀ nìi ye bàa jòn, è shiɲaanbe ka ye ra yeu dɛ waa, ŋà à Dzi rii, nìi ye bàa làmɔ̀nɔ̀n dzin ì à y'à to mìn vu bo ci: «Bàa, ɲe Fàà !»

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Goo kpàdèuma rèè 5:12

È na dziàn fààn na ci: «Sààdzìniin niì vuu è bà saaka, tɔ wù ko dzibaabee ka. À wù ko gètsìfàbee ka, à wù ko akiriblabee ka, à wù ko fàan ka, à wù blàbee ka, à wù à nɔɔrɔɔ̀ yè kpàdè, è bà wù tsoo dzi yeè ɲɛn à tsɛ.»

Matsiyù 7:11

Ye ko e re ɲanbee sa, ye wù, ye yè gè niì sìn e dzin nèè rà è bà wù, ye tɔ̀ tɔ̀. Ye ye ba tɔ̀ tɔ̀, ye Fà Ŋaablà riì ni jìrànxɔ rɔ̀n, gooma na ni tɔ̀ mà waa. Nìì reè y'à fyɛ̀ɛn, à nà twɛy kɔ̀ gè rà, nìi wù.

Matsiyù 26:29

Sààben na, mun nì ci e ra, è sen dòònuùn nà, mun fa ɛ̀rɛ̀nzhɛ̀ndzian yu mìn dɛ fyeu, fɔ jisee riì, mun nà à yeo mìn ye ka mun Fà Ŋaablà re Màsà gane rɔn»

Matsiyù 23:9

E to mà mòò pɛn kiri dzɔ̀nxɔɔ̀ tsɛ ci e fa waa, kàtsu fà soo pe rii ni ye re, nìi jìrànxɔ rɔ̀n Fàà.

Matsiyù 5:16

Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Lukì 15:18

Mun nà sèè be n faà rà, min bè dzin à ra ci: Aa, bàa, mun fìriu Ŋaablà re, mun na shimagoo fa wo ka waa.

Piyɛrì jɔ̀naà 1:17

Tà doùn, ye ba Ŋaablà kir'la ci e fa, tɔ̀ niì kitsia kùn'na mòdzian soo sookɔɔn sapɛ tsɛ è kòrò è faadziɛ ka à na mɛɛ̀ mòò tsɛ, ye shi tɔ̀ jɔun e re bwèy fii tɔnɔnbe doùn jaamabe fakɔɔn nà dzɔ̀xɔɔ̀ tsɛ.

Tsìmotè jɔ̀naà 6:16

Wò rii soo pe na saàn waa, è bà ni vyevyee ɲan, mòo na dzia e kpɛrɛ̀ nìi rà. Mòò pɛn na à jà jà ŋe, mòò to na dzia à jà. Arì she, blàbee ko dzibaabe dobɛɛ yè bà à raa ! Àmiinà !

Lukì 15:21

Tɔ̀un, è dzin e faà rà ci: "Bàa, mun fìriu Ŋaablà re, mun na shimagoo fa wo ka waa. À na wù min kiri wo dzin dɛ waa."

Lukì 2:14

«Blàbee Ŋaablà rii laa, fɔ Ŋaablaxɔɔ̀ jiraàn doùn mɔn. Nìì reè to ni dzɔ̀nxɔɔmaà tsɛ, twɛy yè bà à sàò rà modzìn ì, à re jaancin yè bà ni twɛy tsɛ.»

Matsiyù 6:14

Tà shɔ̀ùn, Yesù yè dzin ci: «Àwà, ye ye ba dzyee rèè raa fìrìgoo rèè mɛɛy boò twɛy mà, ye Fà Ŋaablà riì ni jìrànxɔ rɔ̀n, tɔ̀ sa nà ye raà mɛɛy bo ye mà.

Matsiyù 6:6

Ŋà, nìi wo, e ba nà Ŋaablà mafyɛ̀n, dɔ̀n be fɔ a re gbàà jaane, e dziɛ̀ tsyee a ma, a Fa Ŋaablà mafyɛ̀n, tɔ̀ niì ni tɔ̀ gàne mɛnɛunma nɔ̀n. Tɔ̀ tsuru, wo Fà Ŋaablà riì goo mɛnɛunma rèè jàa, tɔ nà à tsìì sàrà wo re.

Matsiyù 5:48

Àwà, ye bà mòdzin dziitsyɛunma ì, a ci ye Fà rìi ni jìrànxɔ rɔ̀n, tɔ̀ dzii tsyɛɔ̀n nìi tsuru.»

Galatsika reè 1:1

Àwà mun Polì, mun bàu kɛɛradzin. À na adamàdzin mòdzin ì nè kɛɛradzinbe waa, à to na boo adamàdzin mòdzin ɲan waa, fɔ Yesù Kirisà ko Fà Ŋaablà, tɔ̀ niì y'à kpunan bou fùn nèè fi.

Yùxanà 20:17

Yesù yè dzin à ra ci: «Maà n kun tsìì to waa, kàtsu mun na teyn be Fà Ŋaablà kpakèrè ŋe waa. Bè neema karàndzin neè rìì kpɛyn, e bè dzin è ra, ci mun ci mun tèyn beè n Faà rè, è bà ye sa Fa. Ɔ̀ɔn, ci mun tèyn beè n ne Ŋaablà re, ye sa re Ŋaablà.»

Matsiyù 26:42

È ma bo è ra kɔn e jaa fiira ɲan, è bè Ŋaablà mafyɛ̀n ci: «Mun Fà Ŋaablà, byɛnbe ree jɔun ma ba dzia bo bou'n kuru pɛn fɔ è mun tàr'li, wo sàɔ yè fa.»

Ɔ̀rɔ̀mùnka reè 1:7

Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Matsiyù 10:29

Kɛ̀ynììn fii na gɔɔ̀ tanma soo ɔ ? Ŋà, è soo na mɛɛ̀ dzɔ̀nxɔɔ̀ tsɛ fyeu, ye Fà Ŋaablà tɔ mà bà ni à ɲan waa.

Swiv nou:

Lyen patwone

Piblisite

Piblisite