Matsiyù 6:24 - Bible Dzùùngoo Unicode

²⁴ Mòò pɛn na dzia faagoo fa kùntsii fii re waa. Soo goo ma xɔbe à mà, soo goo dzibee à ra, tàmafa, è shi soo rà è soo kɔn. Ye fa dzi faagoò fa Ŋaablà re, y'a fa nàfor'la sa re waa.

Matsiyù 6:24 Referans Kwoze

Lukì 16:13

Faagoofadzin pɛn na dzia faagoo fa kùntsii fii re waa. Soo goo ma xɔbe à mà, soo goo dzibee à ra. Tàmafa, è shi soo rà, è soo kɔn. Ye fa dzi faagoò fa Ŋaablà re, y'a fa nàfor'la sa re waa.»

Yàkubà 4:4

Mòdzin terenbɛy ì Ŋaablà ka, ye na à tɔ̀ ci e dziɲaan goo rèè kɛ̀n, tɔ̀ rii yɛ e Ŋaablà goo xɔbe a ma ɔ̀n ? Mòò riì sào ni wò yeè bà dziɲaan dzunwɛynsi, tɔ̀ yeè e yɛrɛ baà Ŋaablà ɲan nì.

Galatsika reè 1:10

Àwà dòònuùn m'a gaa min byɛ̀n mòdzian nì mà ràà, tàà min byɛ̀n Ŋaablà rii mà ? Mun y'à gaa min dzibe mòdzian nì nà ɔ̀ ? Min ba na à gaa min dzibe mòdzian nì nà, mun fa bà Kirisà rè faagoofadzin waa.

Matsiyù 4:10

Yesù ci à ra tɔ̀un ci: «Bo n tɛyn Sùtana ! È ɲɛn à tsɛ, à sɛbɛɔ̀n Ŋaablà re Goomaa doùn ci: "A Tsifa Ŋaablà rii blàbe, e goo fa tɔ̀ soo pe re."»

Lukì 16:11

Àwà, nìi dziɲantsiɛ nàfor'la, mòò ma ɲɛn ye ra tɔ̀ kuun'n kur'la doùn ye re, mòo nà dzi ɲɛn ye ra dzùrù, è nàfor'la taki takìà kɛ̀ɛ̀yfa ye mà ?

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Lukì 16:9

Àwà, mun nì ci e ra, dziɲan nafor'liì ni e re, y'a sen, y'a ka mòdzin ì dzwɛ̀ma, ye dzunwɛynsi ì gaa à ka. Tɔ̀ tsuru è na dò, twɛy dzia à to, ye yè dɔ̀n Ŋaablà re gàne rɔ̀n, nìi na doò waa.»

Tsìmotè fiiraa 4:10

È ɲɛn à tsɛ Demasì nèe dziɲan ree goo rèè kɛ̀niɔ̀n nìi fa, tɔ̀ ye e nɔun mun ne è geren Tesalonikì. Keresɛnsì, tɔ dɔ̀n bèu Galatsi mar'la ɲan, Tsitè yè bè Dalamasì màr'lɔ̀ùn.