Bib sou entènèt

Matsiyù 6:2 - Bible Dzùùngoo Unicode

² E ba nà gbakɔɔn reè kɔ̀ gè rà, maà tɔ̀ bà vuru fyɛɛ goo, sànko mòdzian sapɛ y'a ja waa. Duungoofiitsi rèè rìì tɔ̀ faa ŋaablabegba rèè doùn, ko shi reè rè. È tɔ̀ faa, sànko mòdzian yè blà wɔ ye ɲan. Sààben na, mun nì ci e ra, twɛy yè e raa bàràjia tàrau nòn.

Gade chapit la Kopi

tounen moute ⬆

Matsiyù 6:2
56 Referans Kwoze

Matsiyù 6:5

Àwà, ye ba nà Ŋaablà mafyɛ̀n, e maà bà a ci duungoofiitsi rèè waa. Nìi dzi twɛy rà, tɔ̀ rii yɛ, yè tsiì ŋaablabegba rèè doùn, tà ko shidaa reè rà, yè Ŋaablà mafyɛ̀ɛn, sànko mòdzian yè ye jà. Sààben na, mun nì ci e ra, twɛy yè e raa bàràjia tàrau nòn.

Matsiyù 6:16

Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn.

Yùxanà 5:41

Mun na gaa modzin ì yè blàbe ɲɛn mun tsɛ waa,

Dzyèèsìbee mòdzin neè 13:16

E maà e taa myɛn goowuu faa rè waa, ye bà e si dzwɛ̀maa, kàtsu, tɔ̀ tsuru saaka rèè rìì dzi Ŋaablà ra.

Lukì 20:46

«Ye e yɛrɛ kaàwɔ Sàrìyà Kaamoo reè rà. Nìi dzi è ra, yè e ɲantsyeere beè mɛ̀yɛ bla bla reè ka e ma, tà ko mòdzian yè è tswà beè blàbèma jàmà gane reè ɲàn. È ba ŋaablabegba rèè doùn, tsùùma nìì reè ni jɔun, è gaa twɛy rìì là. Mòò to ye è kiri e re jaaravi ɲwɛyn na, è ye be wɔ, è gaa tsùùma rèè sapɛ ɲan wùù reè rìì là.

Yùxanà 7:18

Mòò riì goomaa e yɛr'la tsoo ra, tɔ blabee gaa e yɛr'la rìì kɔ̀. Ŋà, mòò riì y'à gaa ci wò kabaà rìì yè blàbe, tɔ̀ raà sààben, nanmara goo pɛn na ni à tsìfa ɲan waa.

Piyɛrì jɔ̀naà 4:11

Mòò riì waajibia faa, tɔ̀ y'a fa è kòrò Ŋaablà re goomaa ka. Mòò riì faagoò faa dzyee rèè rè, tɔ̀ y'a fa è kòrò Ŋaablà re fààn siunma ka à ra. Tɔ̀ tsuru goò sapɛ doùn, nɔɔrɔ yè bà ni ɲɛn Ŋaablà tsɛ Yesù Kirisà baraka ɲan, nɔɔrɔɔ̀ ko dzibaabee tɔ̀ niì raa, waatsi sen ɲɛn waatsi tsɛ. Àmiinà !

Efɛsika reè 4:28

Mòò riì na shɔnbe faa, tɔ̀ yeè shɔnbeè dzii bà. È maxɔbe, è faagoo dàaŋma fa e yɛr'la si rèè ka, gè riì n'a to mòò riì màgoo ni gè ra, è dzi tɔ̀ kɔ̀.

Galatsika reè 2:10

È nìi bàsɔùn gaaŋ ɲe re, tɔ̀ rii yɛ ci ɲe yè e taa to gbakɔɔn reè rè. Mun sa to yè n ɲanshìu tɔ̀ faa rà.

Kɛɛradzin neè faadziɛ 10:4

Kɔrɔnayì yè mɛ̀rɛ̀kɛɛ̀ siin, à shiɲaankɔɔn yeè tey fa ci: «Fee rìì, Tsìfaà ?» Mɛ̀rɛ̀kɛɛ̀ yè dzin à ra ci: «Wo re màfyɛyn nèè, tà ko wo goowùù niì faa gbakɔɔn reè rà, Ŋaabla twɛy goo rèè kààwɔuna, à to yè e taa too wo re.

Tsìmotè jɔ̀naà 6:18

À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Ɔ̀rɔ̀mùnka reè 12:8

Nìi raà mòdzìn màxɔn, tɔ̀ yeè mòdzian màxɔ̀ɔn. Nìi raà kwɛ̀yfa, tɔ̀ yeè kwɛ̀ɛ faa, à mà e bonè siin waa. Nìi raà jɔundzinbe, tɔ̀ yeè tɔ̀ fa ko sɔ̀bɛ̀nbe ka. Mòò riì màtsur'la, tɔ̀ yeè tɔ̀ fa ko taamadzibe ka.

Kɛɛradzin neè faadziɛ 24:17

Àwà, mun jii giri fau, mun na wɔ Yerusalɛmùn waa. Tɔ̀ rii shɔ̀ùn, mun sèè nau, min nà wɔ ɲe re kuan mòdzin neè rà ɲɛyn ka, min saaka sa bo Ŋaablà re.

Kɛɛradzin neè faadziɛ 10:31

È dzin mun na ci: "Kɔrɔnayì ! Ŋaabla wo re màfyɛyn nèè kuun. Wo to goowùù niì faa gbakɔɔn reè rà, à twɛy kààwɔuna, à to yè e taa too wo re.

Kɛɛradzin neè faadziɛ 10:2

Tɔ̀ kpir'la na shia Ŋaablà jɔun, à ko e re fɔɔn re dzin neè sa yeè bà na Ŋaablà blabee kudɛyn. À naà Dzyèèsìbee mòdzin waa, à to na wɔɔ̀ Dzyèèsìbee mòdzin gbakɔɔn gir'la, è bà Ŋaablà mafyɛ̀ɛn kudɛyn.

Kɛɛradzin neè faadziɛ 9:36

Àyìwà, wɔ̀ sɔn na ni, ci Yɔpɛ̀. Tàan sɔn na ni tɔ̀ wɔ̀ rɔ̀n, tɔ̀ sa yeè bà na Yesù rè kàràndzin. Tɔ̀ taàn tsoo na ci Tàbità. Gɛ̀rɛ̀kì goòmà nɔ̀n, ci 'Dɔrɔkasì', nìi dzuɔn ci Dagbɛ. Tɔ̀ taàn na goowùɔ faa kudɛyn, è bà wɔɔ̀ gbakɔɔn reè rà.

Yùxanà 13:29

Yudasì ɲɛyn marabaà nìi fa, swey na à siɛ̀n, ci Yesù dziɔn à ra rii, ci è bè Geren n tsɛɛ̀ sɛr'là gè rèè fì, tàmafa è bè gbakɔɔn reè kɔ̀.

Yùxanà 5:44

Ye dzia ɲɛn mun na dzùrù ! Ye ko e si fi blàbee, ye tɔ̀ rii gaa, blàbe riì to boo Ŋaablà soo pe re, ye na tɔ̀ gaa waa.

Lukì 6:42

Tɔ ni wo jaà tsɛ ɔ, wo dzia dzin a modzìnsia rà dzùrù ci: "N neema, à to m'a jaa tsɛ ɲɔ̀ùniɛ̀n bo", tɔ̀ to y'à tàrà gɔ̀ɔ blà riì ni wo raà tsɛ, wo jaa na ni tɔ̀ ra waa. Mòdzin duungoofiitsi ! A jaa tsɛ raa gɔ̀ɔ blàa bo ŋe. Tɔ̀ ye fa, wo nà jɛ̀y fa cɛyn, wo yè dzi a modzìnsia raa ɲɔ̀ùniɛ̀n bo.»

Marikì 12:39

È ba ŋaablabegba rèè doùn, tsùùma nìì reè ni jɔun, è gaa twɛy rìì là. Mòò to ye è kiri e re jaaravi ɲwɛyn na, è ye be wɔ, è gaa tsùùma rèè sapɛ ɲan wùù reè rìì là.

Filemɔ̀n 1:7

Àwà Filemɔ̀n, wo ɲan kɛ̀nbààbee kamà, mun taama dzibeu cɛyn, min fààn tarà, è ɲɛn à tsɛ, wo baraka ɲan, n neema kpiri, Ŋaa re mòdzin neè vunun ciun.

Tesalonikika reè jɔ̀naà 2:6

Ɲe na blàbe gaa è bo mòdzin ì nè. Ɲe na à gaa ye re, ɲe to na à gaa mòò kpɛrɛ ì rè.

Kɛɛradzin neè faadziɛ 11:29

Tà dzuà doùn, kàràndzin niì reè ni Antsiyɔshì, twɛy yè byɛ̀n à mà, ci ye e si ji e si tsɛ, è sa ko e bɛrɛ. Tɔ̀ tsuru, ye kàràndzìnsi niì reè ni Yude mar'la ɲàn, ye nà tɔ̀ ka bè è re, y'à ka e yɛrɛ dzwɛma.

Lukì 13:15

Tɔ̀un, Tsìfa Yesù yè dzin à ra nèe tsuru ci: «Mòdzin duungoo fii ì ! Tsì rii dzia dzin ye ɲan, ci wò na e re nìì rèè, ko e re shùkwɛ̀yn neè for'là è bè è mìn ɲànwɔsiɛ̀ mà. Tɔ̀ na fara ɔ ?

Lukì 12:56

Mòdzin duungoofiitsi ì ! Twɛy tàànmàshɛn niì reè faa ŋaablaxɔɔ̀ ko dzɔ̀nxɔɔ̀ tsɛ, ye twɛy dzuun tɔ. Feera goo nìì reè faa ɲe re dòònuùn naa waatsi ree ɲan, ye ci ye na twɛy dzuun tɔ ?

Lukì 12:33

Ye e suun ge reè gɔɔ, ye gbakɔɔn reè kɔ̀ à ɲɛɛn nà. Ye nàfòrò marama lamɔnɔ̀n tsùù, nìi na dzia bara waa. Ye nàforo marà tsùù e yɛrɛ jɔun gbey, nàfor'liì na dzia dò waa, shɔn ì fa dzi à tàrà shɔn, daa ì tsu to fa dzi dɔn à ɲan mɔn.

Lukì 11:43

Faridziɲɛn rèè, byɛnbe ye nìn ! A jà min tɔ̀ dè, ye ye dɔn ŋaablabegba gè o ge doùn, mòdzian jaa nà bà ni ye ra tsùùma nìì reè ɲàn, twɛy rìì dzi ye ra. Mòdzian yè bà ye blàbe tswa beè jàmà gane reè ɲàn, tɔ̀ rii dzi ye ra.

Lukì 11:41

Y'a to Ŋaablà yeè e duɔ̀n fòò fyɛ. Tɔ nà goò sapɛ fyɛ ye re.

Lukì 6:24

Ye nìì reè to gètsi ì dòònuùn, byɛnbe ye nìn, kàtsu, ye yè e re xɛɛrɛɛ̀ tàrau nòn.

Marikì 7:6

Tɔ̀ yeè dzin è ra ci: «Kɛɛra Esayì gooma niì dèu ye duungoofiitsi rèè tsɛ, tɔ wùbeu taki, a ci à sɛbɛɔ̀n nìi tsuru ci: "Nèe mòdzin nee reè mun blàbee e dzii rìì ka. È duùn nɔ̀n, è dan gbàn mun na.

Matsiyù 24:51

Tà doùn, à nà à kuun'n kuru ɲaan fa, a ci duungoofiitsi rèè kuàn nìi tsuru. Gɛyn boo, ko ɲiun taa rìì nà bà ni mɔn.»

Matsiyù 23:6

Ɲwɛyn bla gane reè ɲàn è gaa tsùùma wùù reè rìì là. À to ye ba ŋaablabegba rèè doùn, è jɔun naa tsùùma rèè rìì gaa.

Matsiyù 22:18

Yesù yè è duungoo ɲaan tɔ̀ nìi fa, è dzin è ra ci: «Mòdzin duungoofiitsi ì, feera ye yè bà mun dzuun bomà gaa ?

Matsiyù 16:3

À to ye ba gbishɛɛ̀mà nɔ̀n, ye dziàn ci ŋaà nà nà she, kàtsu jìrànxɔɔ̀ xeò è bà ŋaatsi. Àwà ŋaablaxɔɔ̀ rà raa goo fakɔɔn reè, ye twɛy gɔ̀ngɔn tɔ bo e si ɲan, ye to na dzia nèe waatsi ree ɲan raa tàànmàshɛn reè tɔ̀ bo e si ɲan feera ?

Matsiyù 15:7

Duungoofiitsi ì ! Kɛɛra Esayì y'à dè fyɛu ye raa goo rìì tsɛ nèe tsuru ci:

Matsiyù 7:5

Mòdzin duungoofiitsi, a jaa tsɛ raa gɔ̀ɔ blàa bo ŋe. Tɔ̀ ye fa, wo nà dzi a modzìnsia jaa tsɛ raa ɲɔ̀ùniɛ̀n jà cɛyn, wo y'à bo.

Matsiyù 5:18

Sààben na, mun nì ci e ra, fɔ ŋaablaxɔɔ̀ ko dzɔ̀nxɔɔ̀ sa yeè bè dò, arì Ŋaablà re sàrìyaa goomadziniin, tàmafa à sɛbɛndziniin, tɔ̀ pɛn fa dò waa, fɔ goo rèè sapɛ yeè bè fa do.

Matsiyù 6:3

Ŋà, nìi wo e ba nà gbakɔɔn reè kɔ̀ gè rà, sirama sia nìi fau, maà à to ɲɔ̀nmà sia yè sɔn tɔ tɔ̀ ɲan waa.

Matsiyù 23:5

È nà goo o goo fa, à sapɛ faa rìì, sànko mòdzian yè ye jà. Tɔ̀ rii kamà, è Ŋaablà re gooma niì tsùa y'à shì e teen ko e sià rà, y'à sapɛ baà blà bla, yè e re mɛ̀yɛ bla reè sàn dziɛ bùsaa gbànbe, yè tɔ̀ ka à kpàdè ci ye Ŋaabla shi jiibaa.

Korɛntsika reè jɔ̀naà 13:3

Mun to kɛ̀nsɛɛn ye n suun gee sapɛ tanan tanan gbakɔɔn reè rà ɲwɛyn, min n gɔɔ̀n sìn è dzu, kɛ̀nbààbe ma ba ni mun ɲan, mun na gèsɔn wùbee waa.

Swiv nou:

Lyen patwone

Piblisite

Piblisite