Matsiyù 6:14 - Bible Dzùùngoo Unicode

¹⁴ Tà shɔ̀ùn, Yesù yè dzin ci: «Àwà, ye ye ba dzyee rèè raa fìrìgoo rèè mɛɛy boò twɛy mà, ye Fà Ŋaablà riì ni jìrànxɔ rɔ̀n, tɔ̀ sa nà ye raà mɛɛy bo ye mà.

Matsiyù 6:14 Referans Kwoze

Efɛsika reè 4:32

Ye wùù fa e si ra, ye màtsuru e si ra. Ye yɛrɛ to e si re, a ci Ŋaablà sa yeè e yɛrɛ tou ye re nìi tsuru, Kirisà baraka rɔ̀n.

Marikì 11:25

Àwà e fu tsìiŋmaà Ŋaabla mafyɛɛ̀n nà, ye ba tsyèè tàraɔ̀ sɔn ma, ye e yɛrɛ to tɔ̀ tsìfa re. Tà tsuru, ye Fà Ŋaablà riì ni jìrànxɔ rɔ̀n, tɔ̀ sa nà e yɛrɛ to ye re e re fìrìgoo rèè rà. [

Kolosika reè 3:13

Ye e si re goo ku. Sɔn to y'a jà ci sɔn dɔɔ̀n wò gàsin ɲan, ye e yɛrɛ to e si re. Tsìfaà yè e yɛrɛ tou ye re nìi tsuru, e sa yeè e yɛrɛ to e si re tà tsuru.

Matsiyù 7:2

E maà tɔ̀ fa waa, kàtsu, ye mòdzian kitsia kitsiu'n kur'liì rà, ye sa nà kitsi tɔ̀ rii tsuru. Ye to dzyee rèè raà gɔ̀ɔn gè niì ka, tɔ̀ rii nà ka ye raà sa gɔn.

Yàkubà 2:13

Mòò riì ma matsuru dzyee rèè rà, Ŋaabla nà kitsia kùnùn tɔ̀ tsɛ, arì à fa màtsuru waa. Àwà màtsur'la rìì kitsia mɛɛ̀.

Matsiyù 6:12

Mùn ne fìrìgoo rèè tsìɛ̀ mɛɛy bo mùn vu ra, a ci nìì reè goo faa ɲe ra, ɲe sa tɔ̀ tsìɛ̀ mɛɛy boò twɛy mà nìi tsuru.

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

Matsiyù 5:7

Nìì reè màtsur'la, twɛy raa wùbeu, kàtsu, Ŋaablà sa nà màtsuru è ra.

Lukì 6:37

Tà shɔ̀ùn, Yesù yè dzin kɔn ci: «E maà kitsi kunun dzyee rèè tsɛ waa. Tɔ̀ ye fa, mòò fa kitsi kunùn e tsu tsɛ waa. E maà kitsi mɛɛy dzyee rèè tsɛ waa. Tɔ̀ ye fa, mòò fa kitsi mɛɛy e tsu tsɛ waa. Ye yɛrɛ to dzyee rèè rè, Ŋaablà sa nà e yɛrɛ to ye re.