Bib sou entènèt

Matsiyù 6:13 - Bible Dzùùngoo Unicode

¹³ Maà à to Sùtana yè dzi mùn dzuun mìn fabɛy goo fa. Mùn tsi à ra. [Tɔ̀ fa, kàtsu màsàbee, ko dzibaabee, ko blàbee sapɛ wo rìì laa kudɛyn. Àmiinà !]"»

Gade chapit la Kopi

tounen moute ⬆

Matsiyù 6:13
57 Referans Kwoze

Korɛntsika reè jɔ̀naà 10:13

Àwà dzuunbwey pɛn na na ye mà, nìi na adamàdzin mòdzin tar'la waa. Ŋà Ŋaabla vusootsi. À fa à to dzuunbwey yè ye tàrà nìi nà geren ye fàan bɛ̀r'la tsɛ waa. Dzuunbweè ye na, à nà boma dzii sin ye ra, ye yè bà ni dzi à ku.

Yùxanà 17:15

Mun na wo màfyɛ̀ɛn, ci wo yè è bo dziɲan ɲan dɛ, ŋà, mun wo màfyɛ̀ɛn nì, wo yè è tààn Sùtana mà.

Matsiyù 26:41

Ye to e jaa ra, ye Ŋaablà mafyɛ̀n, dzuunbwey mà nà e tarà waa. Mòdzin gè niì, ŋɛ̀nɛ̀ɲan wuu ni à ɲan, ŋà à ŋɔ̀n nì fyɛn.»

Goo kpàdèuma rèè 19:1

Àyìwà, tà shɔ̀ùn, min gooma vu blà myɛn è bo jìrànxɔɔ̀ doùn a ci jàma blà maànkan, tɔ dziàn fààn na ci: «Tsoo dzi yeè ɲɛn Ŋaa tsɛ ! Mìn tsi, ko nɔɔrɔɔ̀, ko dzibaabee, twɛy ɲe re Ŋaablà raa.

Tesalonikika reè fiiraa 3:3

Ŋà Tsìfaà vusootsi. À nà fààn wɔ ye ɲan, è ye tààn ɲaan mà.

Matsiyù 6:10

M'a gaa wo re Màsàbee yè jàà mùn tsɛ. Wo sàɔ faa nìi tsuru jìrànxɔ rɔ̀n, è fa tà tsuru dzɔ̀nxɔɔ̀ sa tsɛ.

Piyɛrì fiiraa 2:9

Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.

Tesalonikika reè jɔ̀naà 1:10

Ye tɔ̀ fau, ye yè bà ni à Dzin Kpir'la sèè naà màshu è bo jìrànxɔɔ̀ doùn, nìi Yesù, à tɔ̀ niì kpunan bou fùn nèè fi, è bà mùn tsià Ŋaablà re vununta nàkɔɔn nà.

Goo kpàdèuma rèè 21:4

À nà è jaa ra jaayuà sapɛ tsɛ. San fa bà ni dɛ, shìgoo fa bà ni dɛ, gɛyn vu fa bà ni dɛ, ɲìnìnbe to fa bà ni dɛ, kàtsu goo jɔna reè sapɛ gereun.»

Goo kpàdèuma rèè 3:10

Wo y'à mɔɲɔn niì fau w'e to mun ne goomaa tsɛ, mun sa nà wo màrà dzɔ̀nxɔɔ̀ tsɛ byɛnbe nakɔɔn jɔun, tɔ̀ niì nà dziɲaan ko e kur'la mòdzian sapɛ tarà, è dzuun bo.

Yùxanà jɔ̀naà 3:8

Mòò riì gooɲaan faa, tɔ Sànwɔbaà raa rìì, è ɲɛn à tsɛ fɔ dan, Sànwɔbaà ni gooɲaan faa rà. Ŋaablà Dzin Kpir'la to nàu nì, è Sànwɔbaà faadzii reè bara.

Piyɛrì jɔ̀naà 5:8

Ye e akiri to e yɛr'le, e maà cìi waa. È ɲɛn à tsɛ, ye ɲan Sànwɔbaà yè e gurugur'la a ci jɛ̀r'liì gɛyn boò, è bà mòò kunàma gaa à y'à tàà.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Korɛntsika reè fiiraa 1:20

Àwà wò rii ɲàn, Ŋaablà re làyir'lèè sapɛ bàu ɔ̀ɔn. Wò rii baraka sa ɲan mùn dziàn «Àmiinà» Ŋaablà ra, mìn nɔɔrɔ ɲɛn à tsɛ.

Goo kpàdèuma rèè 2:10

Byɛnbe niì nà wo tàrà, maà shi tɔ̀ jɔun waa. Sànwɔbaà nà ye swey ji kàso doùn, è bà ni ye dzuun bo. Tà doùn, ye nà bwèy tsyeùn byɛnbe fa. Bà vusootsi è bè suu fɔ saàn dzu. Tà tsuru, mun nà jaamabee màsà baanflaa sìn wo ra.

Goo kpàdèuma rèè 1:18

Mun jaama. Mun saun, ŋà mun yɛ jaama, waatsi sen ɲɛn waatsi tsɛ. Saàn ko fùn nèè tàà sa neèdzian ni mun suun.

Matsiyù 5:37

E re ɔ̀ɔn ye bà ɔ̀ɔn, ɔ̀ɔɔn ye bà ɔ̀ɔɔn, dzyee gè o ge bàa tɔ̀ tɛ̀y, tɔ̀ sapɛ boò Sùtana ɲan.

Korɛntsika reè jɔ̀naà 14:16

Àwà wo ye ba baraka sìan Ŋaablà ra a xɔɔn bàsɔùn ka, mòò riì tsùuŋnà dzyee rèè ka jàmaà ɲàn, à na sɔn tɔ à jaa waa, tɔ dzia dzin dzùrù ci «Àmiinà» wo re baraka sìunma shɔ̀ùn, tɔ̀ to y'à tàrà à na à tɔ̀ wo nìi deò waa.

Matsiyù 28:20

N goo o goo dèu e ra, ye tɔ̀ sapɛ karàn è ra, y'à màrà. Àwà fɔ dziɲan yeè bè dò, màan ji o ji seroun, mun ni ye ka.»

Goo kpàdèuma rèè 19:4

Mòòbɔɔ mòo nààleèn, ko gè jaama naàleèn sa yeè e kunun gban ji dzɔn nɔ̀n tɔ̀un, yè e kuu Ŋaablà biìn y'à blàbe, tɔ̀ niì tsùuŋnà màsà gbaaniɛn tsɛ, yè dzin ci: «Àmiinà ! Tsoo dzi yeè ɲɛn Ŋaa tsɛ !»

Goo kpàdèuma rèè 5:13

Ŋaablaxɔɔ̀ doun ge reè, ko dzɔ̀nxɔɔ̀ tsɛ raa rèè, ko dzɔ̀nxɔɔ̀ dzuun naa rèè, ko kòòyua ɲàn raa rèè, gè ɲɛunmaà ko e kur'la sapɛ, mun yè è vu myɛ̀n, è dziàn ci: «Nìi tsùuŋnà màsà gbaaniɛn tsɛ, ko Sààdzìniɛn, tsoo dzia wù è ɲɛn ye rìì tsɛ. Tsoo dzia ko blàbee ko nɔɔrɔɔ̀ ko dzibaabee ye rìì laa waatsi sen ɲɛn waatsi tsɛ.

Goo kpàdèuma rèè 3:14

Àwà, ɲɛynamoo kur'lìi ni Lawodzisè wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi kir'là Àmiinà, shɛɛrɛ vusootsi taki takìà, Ŋaablà re gè ɲɛunma rèè sapɛ dzunbomaà, tɔ nìi dèe, tɔ̀ rii siin:

Dzyèèsìbee mòdzin neè 11:36

Swey kɔn, è twɛy ɲɛ̀un, yè è dɔrɔ sɛyn ka, yè jɔ̀rɔ̀kɔ ì wɔ è ra, yè è tsyee kàsoò doùn.

Tsìmotè jɔ̀naà 1:17

Màsa riì ni tsuù kudɛyn, à na saàn, à na jaà, Ŋaablà soo pee, arì she, blàbee ko nɔɔrɔɔ̀, tɔ̀ yeè ɲɛn à tsɛ, waatsi sen ɲɛn waatsi tsɛ ! Àmiinà !

Swiv nou:

Lyen patwone

Piblisite

Piblisite