Matsiyù 6:10 - Bible Dzùùngoo Unicode

¹⁰ M'a gaa wo re Màsàbee yè jàà mùn tsɛ. Wo sàɔ faa nìi tsuru jìrànxɔ rɔ̀n, è fa tà tsuru dzɔ̀nxɔɔ̀ sa tsɛ.

Matsiyù 6:10 Referans Kwoze

Dzyèèsìbee mòdzin neè 10:36

E ye dzin ci ye Ŋaablà saɔ fa, è bà ni e re làyiri seunmaà bo e shi tsɛ, à wù y'a tsi e ma.

Yùxanà 4:34

Yesù yè dzin è ra ci: «Mun naa ɲwɛɛ̀n nì yɛ, mòò riì mun kaɔ, min tɔ̀ sàɔ shi jiì, à to faagoo rìi kɛ̀ɛ̀yfaɔ̀ mun mà, min tɔ̀ fa vyɛ e daùn.

Matsiyù 26:42

È ma bo è ra kɔn e jaa fiira ɲan, è bè Ŋaablà mafyɛ̀n ci: «Mun Fà Ŋaablà, byɛnbe ree jɔun ma ba dzia bo bou'n kuru pɛn fɔ è mun tàr'li, wo sàɔ yè fa.»

Matsiyù 12:50

Àwà mun Fà rìi ni jìrànxɔ rɔ̀n, mòò riì tɔ̀ sàɔ faa, tɔ̀ rii mun tseyn kpiri, mun tseyn taan, ko mun na.»

Tesalonikika reè jɔ̀naà 5:18

Goo sapɛ doùn, ye baraka sìn Ŋaablà ra, kàtsu tɔ̀ rii y'à sàɔ ye kàjaa tsɛ, Yesù Kirisà ɲàn.

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Yùxanà 6:40

Ɔ̀ɔn, mun Fà Ŋaablà saɔ rìì yɛ, mòò o moò ye Dzin Kpirimaa jà, è ɲɛn à ra, tɔ̀ yeè jaamabe dziù dòbɛɛ tàrà, mun to y'à sèè kpunan bo saàn ɲàn tsìɛ̀ sii sèè.»

Kolosika reè 1:9

È ɲɛn tɔ̀ tsɛ, fɔ jisee riì ɲe twɛy kùnàgoo reè myɛ̀un, kudɛyn ɲe ni Ŋaabla mafyɛɛ̀n nà ye re. Ɲe y'à gaa Ŋaablà re, è ye ɲantsyɛn e saɔ twɛ̀ɛ rà, è kòrò à re Dzia rè akiriblabeè sapɛ, ko à re akiridzibeè sapɛ ka.

Efɛsika reè 6:6

À mà bà è jaa ra goo bàsɔùn, a ci y'a faa ye yè dzibe mòdzin ì nà waa. Y'a fa rii, ci ye Kirisà rè jon ì, è bà Ŋaablà saɔ fakɔɔn ko e duɔ̀n sapɛ ka.

Matsiyù 7:21

Àwà, nìì reè sapɛ dziàn mun na ci: "Tsìfaà, Tsìfaà," à na ni a ci twɛy sapɛ rii nà dɔ̀n Ŋaablà re Màsà gane rɔn dɛ ! Mun Fà Ŋaablà riì ni jìrànxɔ rɔ̀n, nìì reè tɔ̀ sàɔ faa, twɛy rìì nà dɔ̀n mɔn.

Piyɛrì jɔ̀naà 2:15

È ɲɛn à tsɛ Ŋaablà saɔ rìì yɛ, goowùɔ fakɔɔn, tɔ̀ yeè mòdzin akiribɛy ko goo jaa tɔ bɛy reè dziɛ̀ tsyee.

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Lukì 22:42

À ci: «Mun Fàà, è ba a sao, byɛnbe riì nàkɔɔn yɛ mun tàrà, à dàn gbànbe n na. Ŋà, mun naa sàɔ mà fa dɛ, wo raà rìì yè fa.»

Yùxanà 7:17

Mòò riì ye ba n'a re è Ŋaablà saɔ fa, tɔ nà à tɔ̀, mun ne kàr'nà ye ba boò Ŋaablà rii ɲàn, à to ye ba boò mun yɛ̀r'la rìì ɲàn o.

Goo kpàdèuma rèè 19:6

Tà shɔ̀ùn min vu sɔn myɛn kɔn, tɔ boo jàma blà maànkan ne. À ni a ci yu blà tsuuru vu, è bà ni a ci ŋaa kpinin vu blà. À dziàn ci: «Tsoo dzi yeè ɲɛn Ŋaa tsɛ ! Tɔ̀ yeè fa, kàtsu mùn Tsìfa Ŋaablà, Dzitsi Ŋaablà ye e re màsàbee tsùuŋ.

Tesalonikika reè jɔ̀naà 4:3

Nìi Ŋaablà sao, tɔ̀ rii yɛ, ye yè bà fɛnɛɔ̀, ye yè e yɛrɛ taàn kɛ̀kɛ̀ɛ̀ybeè mà.

Kɛɛradzin neè faadziɛ 21:14

Ɲe y'à bo gbau e akir'là tsɛ nìi fa, ɲe tsu na sɔɔ̀n à kpɛyn dɛ, ɲe yè dzin bàsɔùn nì ci: «Arì she, nìi Tsìfaà sàɔ, tɔ̀ yeè fa.»

Kɛɛradzin neè faadziɛ 13:22

Tà shɔ̀ùn, Ŋaablà yeè nà Sawulì maa bo màsàbee tsɛ, è Dawudà bà è re màsa. Ŋaabla dziun Dawudà raa goò rìì ɲàn nèe tsuru ci: "Mun mòò riì jaɔ̀, è bà mun dzibee moo, tɔ Yesè dzin kpiri Dawudà rìì. À nà mun sàɔ sapɛ fa."

Matsiyù 4:17

Àwà Yesù yè e maaŋ tɔ̀ rii ɲàn, è waajibia faa è dziàn mòdzian nà ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Goo kpàdèuma rèè 12:10

Tà shɔ̀ùn, min gooma vu brìsi sɔn myɛn è bo jìrànxɔɔ̀ doùn, tɔ dziàn ci: «Dòònuùn ɲe re Ŋaablà yeè mùn tsi, tɔ̀ waatsi wɔu. À re dzibaabee ko à re màsàbee, ko à Jaara Modzìàn rè fàan waatsi yeè bà wɔu. Tɔ̀ waatsi wɔu, kàtsu mùn neema reè jààkibaà kaa jàà bou jìrànxɔɔ̀ doùn. Wò rii na è jààkia feèn ko bwèè sa ɲe re Ŋaablà biìn.

Piyɛrì jɔ̀naà 4:2

Tà tsuru à mà nà e re jaamabee fa adamàdzin mòdzin neè raa kur'la goo reè tsɛ dɛ waa, ŋà à y'à fa Ŋaablà raa sàɔ tsɛ, e re waatsi dzyee faramaà doùn dzɔ̀nxɔɔ̀ tsɛ.

Dzyèèsìbee mòdzin neè 10:7

Tà doùn, min dzin ci: "Mun siin nèe Ŋaablà, mun nàa, min nà wo sàɔ fa, a ci à sɛbɛɔ̀n mun ne goò ɲàn kìtaabuà doùn nìi tsuru."»

Lukì 19:38

Yè dziàn ci: «Màsa riì nàa mùn Tsìfa Ŋaablà tsoo ra, dzwɛ yè bà ni tɔ̀ kpɛyn ! Jaancin yè bà ni jìran nɔ̀n, tsoo dzi yeè ɲɛn Ŋaa tsɛ fɔ jìrànxɔɔ̀ doùn doùn mɔn !»

Marikì 3:35

Mòò riì Ŋaablà saɔ faa, tɔ̀ rii mun tseyn kpiri, tɔ̀ rii mun tseyn taan, ko mun na.»

Matsiyù 16:28

Sààben na, mun nì ci e ra, nìì reè tsìiŋnà mìin, swey fa san fyeu ni è na Adamà dziàn nàkɔɔn ja e re màsàbee doùn.»

Marikì 11:10

Màsàbe riì nàkɔɔn yɛ nèe, mùn fàbɔɔ Dawudà rè màsàbee, dzwɛ yè bà ni tɔ̀ kpɛyn ! Tsoo dzi yeè ɲɛn Ŋaa tsɛ fɔ jìrànxɔɔ̀ doùn doùn mɔn !»

Goo kpàdèuma rèè 11:15

Àyìwà, mɛ̀rɛ̀kɛɛ̀ ɲɛ̀ɛ̀nùnaa yè vur'la fyɛ tɔ̀un. Gooma vu blà ì yè bo jìrànxɔɔ̀ doùn, twɛy dziàn ci: «Dòònuùn, dziɲaan màsàbee wɔu mùn Tsìfa Ŋaablà ko e Jaara Moò suun. À nà màsàbee fa waatsi sen ɲɛn waatsi tsɛ.»

Goo kpàdèuma rèè 20:4

Tà shɔ̀ùn, min màsà gbaaniìn ì jà. Nìì reè nàu e tsuù twɛy tsɛ, dzi yeè sìn è ra, yè kitsia kùnùn. Nìì reè kùngɔ kùnuun, Yesù rè shɛɛrɛbee ko Ŋaablà re goomaa kamà, ko nìì reè na kpar'na blàbe, è na à ɲɛɛ̀n blàbe, à re tàànmàshɛɛn to na ji è teen ko è sià rà waa, min twɛy xɔn reè jà. È sèè bàu jaama ì yè e tsuù màsàbee rà ko Ŋaablà Jaara Moò ka, fɔ jii gbaa soo.

Dzyèèsìbee mòdzin neè 1:14

Mɛ̀rɛ̀kɛ rèè Ŋaablà re kɛɛra ì rìì, jaa na nìì reè jàa waa, yè bà ni Ŋaablà re faagoò rà. Nìì reè wù yè tsi gbey, Ŋaablà yeè è ka bèe, yè bè wɔ twɛy rà.

Kolosika reè 1:13

À mùn tsi bou tsitsiɛ̀ fàan suun, è bè mùn ka e Dzin Kpiri kɛniunmaà rè màsàbee gàne rɔ̀n,

Lukì 19:11

Àwà, è mòdzian to twɛy gooma reè lamyɛɛ̀n nà, Yesù yè geren goomaa rè ko gooma bɔɔ soo ka. È tsyɛnbeumaà Yerusalɛmùn wɔ̀ɔ̀ rà, mòdzian na à siɛ̀n tɔ̀ ɲan, ci Ŋaablà re Màsàbee nàkɔɔn ni yɛ e yɛrɛ kpadè tà nɔ̀nkɔɔrɔn.

Kɛɛradzin neè faadziɛ 22:14

È dzin mun na kɔn ci: "Ɲe fàbɔɔ rèè rè Ŋaablà na wo bo tsùuŋnà e jaara, sànko, nìi y'à sàɔ, wo yè tɔ̀ tɔ̀. Mòò sɔn nìi tereòn tɔ̀ yeè bà Yesù, wo yè tɔ̀ jà, tà ko wo y'à vu myɛ̀n.