Biblia Todo Logo
Bib sou entènèt

- Piblisite -




Matsiyù 6:1 - Bible Dzùùngoo Unicode

1 Yesù yè dzin kɔn ci: «Ye e yɛrɛ kaàwɔ, e re Ŋaabla shi jiɛ mà nà bà mòdzian jaara raa waa. Ye bà ni Ŋaabla shià jìì, ci mòdzian nì yè ye jà, bàràji pɛn na ni tɔ̀ ɲan ye Fà Ŋaablà re waa, tɔ̀ riì ni jìrànxɔ rɔ̀n.

Gade chapit la Kopi




Matsiyù 6:1
36 Referans Kwoze  

È nà goo o goo fa, à sapɛ faa rìì, sànko mòdzian yè ye jà. Tɔ̀ rii kamà, è Ŋaablà re gooma niì tsùa y'à shì e teen ko e sià rà, y'à sapɛ baà blà bla, yè e re mɛ̀yɛ bla reè sàn dziɛ bùsaa gbànbe, yè tɔ̀ ka à kpàdè ci ye Ŋaabla shi jiibaa.


Mòdzian yè blà wɔ è ɲan, tɔ̀ na dzi è ra Ŋaablà raà mà.


Mòdzin niì reè Ŋaablà raa, ye goo faa twɛy rè, ye yè bà tɔ̀ faa arì she. Twɛy goo rèè y'à kpàdèe, ci ye y'à kɛ̀niɔ̀n. Àwà, Ŋaabla tereòn, à taa fa myɛ̀n twɛy goo fauma rèè rè waa.


Yesù yè dzin è ra tɔ̀un ci: «È ba mòdzian jaa ra, ye yè e yɛrɛ baà mòdzin tereonma ì, ŋà, Ŋaablà y'a tɔ̀ nìi ni ye duùn. Gè niì gè blà mòdzian rè, yè bà baraka wɔɔ̀ à ɲan, tɔ̀ gèè goo xɔ Ŋaablà ma.»


Nìì reè sapɛ ci fɔ ye yè shɛn, twɛy tɔ̀ faa rìì y'à ka e yɛrɛ kpadè cɛyn gɔɔ̀n kàjaa tsɛ. À kùàn nì yɛ, è mà ye byɛn Kirisà gbaàn gɔɔ̀ kamà waa.


Ye dzia ɲɛn mun na dzùrù ! Ye ko e si fi blàbee, ye tɔ̀ rii gaa, blàbe riì to boo Ŋaablà soo pe re, ye na tɔ̀ gaa waa.


Ye e yɛrɛ kaàwɔ ! Tà tsuru, ye mà nà fɔn ɲe re faagoò tɔ̀n'nà ɲàn waa, ŋà ye yè sàrà dziitsyɛunma tàrà.


Yesù to y'à dè màxɔbe è ra ci: «Y'a jàa dɛ, ye e yɛrɛ kaàwɔ Faridziɲɛn rèè rè buru fu geè, ko Erodzì rè buru fu geè rà.»


Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn.


Yesù yè dzin è ra ci: «Ye e yɛrɛ kaàwɔ Faridziɲɛn rèè ko Sadusiɲɛn rèè rè buru fu geè rà !»


Tà shɔ̀ùn, Yesù yè dzin jàmaà nà ci: «Ye e yɛrɛ kaàwɔ ! Ye e yɛrɛ kun nàfor'la kɛ̀n gereunmaà nà. Fee kamà min tɔ̀ dè, a kɛnsɛɛn ye nàfor'la tàrà dzii o dzii, a re jaamabee na ni tɔ̀ suun dɛ !»


Àwà, ye bà mòdzin dziitsyɛunma ì, a ci ye Fà rìi ni jìrànxɔ rɔ̀n, tɔ̀ dzii tsyɛɔ̀n nìi tsuru.»


Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»


Tà doùn, a yɛrɛ kun, a re vyevyeè mà nà bà tsitsiì a ma waa.


Tɔ̀ waatsia ɲàn, mòdzian yè nà e ladzyèè giri Yesù tɛyn. È giribe ɲaanfaa suun, fɔ yè tèen e si sànkòò tsɛ. È giribee na mòdzin gbaa dànman boò. À yè è to jàmaà fi, Yesù yè goomaa dzii kun e re kàràndzin nèè jɔ̀na ka ŋe. È gooma bɔɔ soo de è ra nèe tsuru ci: «Ye e yɛrɛ kaàwɔ Faridziɲɛn rèè rè buru fu geè rà, nìi yɛ è re duungoofiibeè.


Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."


Ye ye e kɛnbaa rèè bàsɔùn goo dzibe e ra ɔ, ye ni bàràji kɛn ni tàrà tɔ̀ ɲan ? Xɔnsɔɔn tsi reè sa na tɔ̀ soo rìì fara ɔ ?


Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.


Tà doùn, ye ba nà Ŋaablà mafyɛ̀n, ye dzin ci: "Mùn Fà Ŋaablà, wo rìi ni jìrànxɔ rɔ̀n, wo tsoò fɛnɛbee nìi boò, m'à gaa ci mòdzian sapɛ y'a blàbe.


Àyìwà tɔ̀ kamà, mùn twɛy goo nìì reè myɛ̀un fɔ mùn yeè è kun e sɔbɛn ka, sànko, mùn mà nà bè shi tsɛ, nìi nà bà mùn mà ɲaan waa.


Musà y'à jàu, ci e seey Ŋaablà Jaara Modzìàn rè seey doùn, tɔ̀ nàfaà blà è geren Misiran jamaan nàfor'la sapɛ dzyeèma tsɛ. Sàr'lìi nà tàrà bònè, à jaa na ni tsuù tɔ̀ rii là.


Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.


Piyɛrì jàmaà jàu min niì, è dzin è ra ci: «Isirayɛlì mòdzin ì, fee bèe à to nèe goo fauma rèe yè ye duungoo do ? Fee y'à too ye yè bà ɲe siin too nèe tsuru ? Y'a kɛ̀sɛɛ̀ ci ɲe yɛ̀r'la raa dzi rii y'à too kpir'lee yè dzi jiì gbɛ ? Tàà ɲe yè e shi nìi faɔ̀ Ŋaablà ra, ci à tɔ̀ rii gbɛ ? À na tɔ̀ dɛ.


Swiv nou:

Piblisite


Piblisite