Matsiyù 5:45 - Bible Dzùùngoo Unicode

⁴⁵ Ye tɔ̀ fa, sànko ye bà ni ba e Fa Ŋaablà dzin ì, tɔ̀ riì ni jìrànxɔ rɔ̀n, è bà e re bwèè boò mòdzìn ɲan reè ko mòdzin wuu reè sa re, è ŋaà nàa mòdzin tereunma rèè, ko terenbɛy reè sa re.

Matsiyù 5:45 Referans Kwoze

Lukì 6:35

È ba ye, ye e ɲan rèè kɛ̀n, ye goowùɔ fa. Ye tsìì wɔ mòò rà, e maà e ɲɛyn ji tsuù tɔ̀ tsɛ waa. E ye tɔ̀ fa, e naà bàràji bla tarà. Tɔ nà à kpàdè mòdzian nà sa, ci Ŋaablà riì ni jìran nɔ̀n, ye tɔ̀ dzin ì. Wò rii wù mùn sapɛ dzyeèmaa ka, goowuu tɔ bɛy sen ɲɛn mòdzìn ɲan tsɛ.

Kɛɛradzin neè faadziɛ 14:17

Tà to y'à tàrà, à goo ì ka à kpàdèe kudɛyn ci wo wù, kàtsu à ŋaà jàa ye re, è bo ŋaablaxɔ rɔ̀n, è ye re shìman reè wùbe e waatsi ɲan. Ɔ̀ɔn, wò rii ɲwɛɛ̀n ka ye laboò, è ye ɲantsyɛn taamadzibeè rà.»

Efɛsika reè 5:1

Tà doùn, Ŋaabla ye nìì reè kɛ̀niɔ̀n e dzin, ye bà à shɔ̀ùnminanbaa ì.

Matsiyù 5:9

Nìì reè y'à gaa jaancin yè bà ni, twɛy raa wùbeu, kàtsu, è nà kiri Ŋaablà dzin ì.

Yùxanà 13:35

Ye ye ba e si kɛ̀niɔ̀n, è sapɛ nà à tɔ̀ tɔ̀ rii là, ci ye mun ne kàràndzin ì.»

Yùxanà jɔ̀naà 3:9

Mòò o moò kere bou Ŋaablà re, tɔ̀ na gooɲaan faa waa, kàtsu Ŋaablà re gètsua ni à ɲan. À na dzia gooɲaan fa waa kàtsu à kere boo Ŋaablà re.

Filipika reè 2:15

Tà tsuru ye bà ni ba mòdzin ì, jààma na ni nìì reè rà waa, yè bà fyɛɔ. Ye bà Ŋaablà dzin ì, fyɛ̀ na ni nìì reè rà waa, nèe waatsi ree mòdzin neè fi, twɛy nìì reè na tereòn waa, yè bà baraɔ̀. Ye den den è fi vyevyee tsuru, dziɲaan doùn.