Bib sou entènèt

Matsiyù 5:16 - Bible Dzùùngoo Unicode

¹⁶ Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Gade chapit la Kopi

tounen moute ⬆

Matsiyù 5:16
42 Referans Kwoze

Piyɛrì jɔ̀naà 2:12

Ye e re jaamabee fa fau'n kuru wuu ra Ŋaabla tɔ bɛy reè fi. Tɔ̀ tsuru è kɛ̀nsɛɛn ye ba doò wɔɔ̀ ye ra ci ye gooɲaanfabaa ì, è nà ye faadzii wuɔ kààwɔ, yè tsoo dzi ɲɛn Ŋaablà tsɛ tɔ̀ bo sii sèè è re.

Tsitè 2:7

Goò sapɛ doùn, wo yɛ̀r'la sa yeè bà jaakpadeyra wùù faadzii wuɔ kajaa tsɛ. Sɔ̀bɛ̀nbee ko blàbee yè jà kàr'nà doùn.

Yùxanà 15:8

Ye ye dzin cɛyn, ye y'à kpàdè tɔ̀ tsuru, ci ye mun ne kàràndzin ì taki, mun Fà Ŋaablà blabee nà kpàdè mòdzian sapɛ jaa ra.

Efɛsika reè 5:8

Dan, ye na ni tsitsiɛ̀ ɲàn, ŋà dòònuùn, Tsìfaà ɲàn, ye bàu ni vyevyeè ɲàn. Tà doùn, ye e re jaamabee fa a ci vyevyee dzin ì.

Piyɛrì jɔ̀naà 3:16

Ŋà, y'a goò fa vununmacin ko blàbe doùn, akiri wùù yeè bà ni e ɲan. Tà tsuru, ye re jaamabee fau'n kuru wuɔ doùn Kirisà ɲàn, nìì reè y'à gaa ye yè ye tsoo bara y'à bà ci ye ɲaan faa, twɛy kùngɔ yè sùùru.

Piyɛrì jɔ̀naà 4:14

Yè ba ye ɲɛ̀ɛn Kirisà tsoò kamà, ye raà wùbeu. È ɲɛn à tsɛ, nìi nɔɔrɔɔ̀ Dzia, Ŋaablà re Dzia, tɔ ni ye tsɛ.

Piyɛrì jɔ̀naà 2:9

Ŋà ye, ye bàu kun ɲankɛrɛunma, màsà kpir'là rè saakagoojaabobaa ì, jàmààndzin fɛnɛ ì, Ŋaabla nìì reè bàu e raa yè bà ni à re goo blà bla fauma rèè dè, à nìì reè kiri bou tsitsiɛ̀ ɲàn, yè nà à re vyevyee kabagoomaa nà.

Tsitè 3:14

Mùn ne ɲɛynamoo rèè sa wù yè dɛ̀ɛ̀y goowuu faa rà, è sa yeè bà ni dzi e tsiì swey màgòò wùbè ge ì ka taama. Tà tsuru, è mà bà mòdzin ì, nàfa na ni nìì reè ɲàn waa.

Tsìmotè jɔ̀naà 6:18

À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Korɛntsika reè fiiraa 9:13

Àwà tɔ̀ faagoò nàfaà kamà, è nà nɔɔrɔ ɲɛn Ŋaablà tsɛ è ɲɛn Kirisà rè Kùnàgoo Dziɔ̀ kuun'n kur'la tsɛ ye re, è kòrò ye dèvuà ka. Tà ko ye yè e si forou nìi tsuru ye yè e ko è sa ba soo, ko dzyee rèè sapɛ.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Dzyèèsìbee mòdzin neè 10:24

Y'a to mùn yeè e taa to e si re, mìn si màxɔ̀n kɛ̀nbààbee ko goowuu faa rà.

Piyɛrì jɔ̀naà 4:11

Mòò riì waajibia faa, tɔ̀ y'a fa è kòrò Ŋaablà re goomaa ka. Mòò riì faagoò faa dzyee rèè rè, tɔ̀ y'a fa è kòrò Ŋaablà re fààn siunma ka à ra. Tɔ̀ tsuru goò sapɛ doùn, nɔɔrɔ yè bà ni ɲɛn Ŋaablà tsɛ Yesù Kirisà baraka ɲan, nɔɔrɔɔ̀ ko dzibaabee tɔ̀ niì raa, waatsi sen ɲɛn waatsi tsɛ. Àmiinà !

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Piyɛrì jɔ̀naà 3:1

Nìi ye tàan rèè sa, ye e majàà e re kpir'leè rè. Tà tsuru è swey ma ba e tsiiŋnà yè ɲɛn Ŋaablà re Goomaa nà, yè dzi tarà bà Ŋaablà raa e re tààn fau'n kuru wuɔ saabu ɲan, à mà bà gooma tsu ka waa.

Kɛɛradzin neè faadziɛ 9:36

Àyìwà, wɔ̀ sɔn na ni, ci Yɔpɛ̀. Tàan sɔn na ni tɔ̀ wɔ̀ rɔ̀n, tɔ̀ sa yeè bà na Yesù rè kàràndzin. Tɔ̀ taàn tsoo na ci Tàbità. Gɛ̀rɛ̀kì goòmà nɔ̀n, ci 'Dɔrɔkasì', nìi dzuɔn ci Dagbɛ. Tɔ̀ taàn na goowùɔ faa kudɛyn, è bà wɔɔ̀ gbakɔɔn reè rà.

Tsìmotè jɔ̀naà 5:25

Tɔ̀ fau'n kuru soo rà faadzii wuu reè sa tɔ̀ɔ tabe. Nìì reè to na tɔ ŋe, twɛy tsu mɛnɛunma fa to waa.

Matsiyù 5:45

Ye tɔ̀ fa, sànko ye bà ni ba e Fa Ŋaablà dzin ì, tɔ̀ riì ni jìrànxɔ rɔ̀n, è bà e re bwèè boò mòdzìn ɲan reè ko mòdzin wuu reè sa re, è ŋaà nàa mòdzin tereunma rèè, ko terenbɛy reè sa re.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsìmotè jɔ̀naà 2:10

Ŋà è raa màwɔɔ ye byɛ̀n faadzii wuu ì rìì mà, a ci tàan nìì reè ci ye shia Ŋaablà jɔun, twɛy raa faadziɛ ni nìi tsuru.

Galatsika reè 1:24

È to na nɔɔrɔ ɲɛɛn Ŋaablà tsɛ, è ɲɛn mun goò tsɛ.

Tsitè 3:4

Ŋà waatsi riì bwèy, mùn Tsibaa Ŋaablà re wùɔ ko à re kɛ̀nbààbee yè e kpadèu adamàdzin nèè kàjaa tsɛ,

Korɛntsika reè jɔ̀naà 14:25

À duungoo nà bo da, è kunun gban è kuu e jaà tsɛ, è Ŋaablà blabe, è dzin sààben na, Ŋaabla ni ye fi.

Lukì 11:2

Yesù yè dzin è ra ci: «Ye ba nà Ŋaablà mafyɛ̀n, y'a dè nèe tsuru ci: "Mùn fà Ŋaablà, wo tsoò fɛnɛbee nìi boò, m'à gaa ci mòdzian sapɛ y'a blàbe. M'à gaa wo re màsàbee yè jàà mùn tsɛ.

Matsiyù 9:8

Jàmaà tɔ̀ jàu min niì, yè shi. Yè tsoo dzi ɲɛn Ŋaa tsɛ, kàtsu, à tɔ̀ tsuru dzibaabe siun adamàdzin mòdzin neè rà.

Matsiyù 23:5

È nà goo o goo fa, à sapɛ faa rìì, sànko mòdzian yè ye jà. Tɔ̀ rii kamà, è Ŋaablà re gooma niì tsùa y'à shì e teen ko e sià rà, y'à sapɛ baà blà bla, yè e re mɛ̀yɛ bla reè sàn dziɛ bùsaa gbànbe, yè tɔ̀ ka à kpàdè ci ye Ŋaabla shi jiibaa.

Matsiyù 6:16

Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn.

Matsiyù 23:9

E to mà mòò pɛn kiri dzɔ̀nxɔɔ̀ tsɛ ci e fa waa, kàtsu fà soo pe rii ni ye re, nìi jìrànxɔ rɔ̀n Fàà.

Matsiyù 6:9

Tà doùn, ye ba nà Ŋaablà mafyɛ̀n, ye dzin ci: "Mùn Fà Ŋaablà, wo rìi ni jìrànxɔ rɔ̀n, wo tsoò fɛnɛbee nìi boò, m'à gaa ci mòdzian sapɛ y'a blàbe.

Swiv nou:

Lyen patwone

Piblisite

Piblisite