Bib sou entènèt

Matsiyù 5:12 - Bible Dzùùngoo Unicode

¹² Ye e taama dzibe, taamadzibe brìsi ka, kàtsu, ye nà bàràji bla tarà Ŋaablà re. Kɛɛra niì reè dɔ̀n bou ye jɔun, è twɛy sa byɛun tɔ̀ rii tsuru.

Gade chapit la Kopi

tounen moute ⬆

Matsiyù 5:12
51 Referans Kwoze

Lukì 6:23

Twɛy goo rèè sapɛ ye ba faa ye ra waatsi riì bwèy, ye e taama dzibe, ye tsyɛn tsyɛn, kàtsu, ye nà bàràji bla tarà Ŋaablà re. È fà rèè sa twɛy goo soo rìì fau Ŋaablà re kɛɛra reè rà.

Yàkubà 1:2

N neema ì, byɛnbee kaatsi gè o ge nà e tarà e ɲɛunmaà kamà Yesù rà, y'a sapɛ ba taamadzibe goo bla.

Kolosika reè 3:24

Ye b'a tɔ̀ ci ye nà sàrà tàrà Tsìfaà rè, nìi nà bà shɛn. Ye faagoò faa Tsìfa rìi rè, à Kirisà rìì.

Piyɛrì jɔ̀naà 4:13

Ŋà ye yè e nin jà nìi faɔ̀ Kirisà rè byɛnbee ɲàn, ye e taama nì dzibe. Ye tɔ̀ fa, gè riì ni à to à nɔɔrɔɔ̀ nà e kpadè sii riì seè, tɔ̀ sa ye bà e re taamadzibe brìsi.

Kolosika reè 1:24

Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.

Ɔ̀rɔ̀mùnka reè 5:3

À na tɔ̀ bàsɔùn waa, byɛnbe niì ni ɲe tsɛ, tɔ ɲe wàsaɔ kɔn è geren, kàtsu m'à tɔ, ci byɛnbee nàa ko mɔ̀nɲɔn ka,

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Dzyèèsìbee mòdzin neè 11:6

Mòò riì na ɲɛɔ̀n Ŋaablà ra fyeu, tɔ̀ goo na dzia dzibe à ra waa. Àwà, mòò riì yè e kpɛr'la Ŋaablà ra fɔ è ɲɛn à ra, ci Ŋaablà ni, à to nà e gaabaa rèè sàrà.

Tesalonikika reè jɔ̀naà 2:15

Ye rìì Tsìfa Yesù ko kɛɛra reè sa vuu, ye rìì to byɛnbe shiu ɲe sa ra. È goo na dzi Ŋaablà ra waa, è to mòdzian sapɛ ɲan ì.

Filipika reè 2:17

Ŋà, arì mun kɛ̀nsɛɛn ye ba nà kon a ci mììngè saaka rìì è ɲɛn ye re ɲɛynaà saakaà ko a faagoò tsɛ, mun taama dzi, mun taama to yè bà dzi ye sapɛ ka.

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

Kɛɛradzin neè faadziɛ 5:41

Kɛɛradzin neè taama dzibeuma brìsi yè bo kitsi kunun kur'là mòdzin neè tɛyn, kàtsu y'à jàu, ci à dzibeu Ŋaablà ra rìì, yè ye byɛn, yè ye seey Yesù tsoò kamà.

Matsiyù 6:16

Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn.

Korɛntsika reè jɔ̀naà 3:8

Gèè sìbaà, ko à kɔ̀baà, è sapɛ soo, è soo soo sapɛ to nà sàrà è kòrò è re faagoò rìì ka.

Lukì 6:35

È ba ye, ye e ɲan rèè kɛ̀n, ye goowùɔ fa. Ye tsìì wɔ mòò rà, e maà e ɲɛyn ji tsuù tɔ̀ tsɛ waa. E ye tɔ̀ fa, e naà bàràji bla tarà. Tɔ nà à kpàdè mòdzian nà sa, ci Ŋaablà riì ni jìran nɔ̀n, ye tɔ̀ dzin ì. Wò rii wù mùn sapɛ dzyeèmaa ka, goowuu tɔ bɛy sen ɲɛn mòdzìn ɲan tsɛ.

Kɛɛradzin neè faadziɛ 16:25

Feèn ci e ye wɔ e tar'la mà, Polì ko Silasì na Ŋaablà mafyɛ̀ɛn, yè ye ì cèe, nìi reè tsoo dzi ɲɛɛn Ŋaablà tsɛ. Nìi kàsòdzìn dzyee reè, twɛy na e toro wɔɔ è re.

Lukì 13:34

Yerusalɛmunka reè, Yerusalɛmunka reè, ye nìì reè kɛɛra reè vua, Ŋaabla nìì reè kaɔ ye re, ye nìì reè twɛy dzyɛn vua ko kpàa ì ka, è bè tàrà fɔ jaa fɛ̀rɛ̀n, mun sàò na ni mun yè wo dzin nèè ladzyeè a ci tsɛ̀naà yè e dzin nèè ladzyee e tamaàn dzuun nìi tsuru, ŋà ye na gaa tɔ̀ ra waa.

Dzyèèsìbee mòdzin neè 11:26

Musà y'à jàu, ci e seey Ŋaablà Jaara Modzìàn rè seey doùn, tɔ̀ nàfaà blà è geren Misiran jamaan nàfor'la sapɛ dzyeèma tsɛ. Sàr'lìi nà tàrà bònè, à jaa na ni tsuù tɔ̀ rii là.

Filipika reè 1:29

È ɲɛn à tsɛ, Ŋaablà yeè e ɲanwùɔ kpàdèu ye ra rii, ye yè bà ni ɲɛn Kirisà rà, tà ko ye yè byɛn à kamà sa.

Dzyèèsìbee mòdzin neè 10:34

Ɔ̀ɔn, kàsòdzin neè raa byɛnbee, ye tɔ̀ fau twɛy ka. Nìi to bàu ye suun ge reè tsiumaà, ye taama dzibeu tɔ̀ ra, kàtsu y'a tɔ̀ ci ye gè tàraɔ̀ nìì tsuru na ni waa, dò to na ni à mà waa.

Dzyèèsìbee mòdzin neè 11:33

Twɛy mòdzin neè sapɛ ɲɛunmaà kamà Ŋaablà ra, è dziu màsa ì rà, yè goo tereonma fa. Ŋaablà na làyiri nìì reè seòn è re, twɛy bou e shi tsɛ è re. È jɛ̀rɛ ì dzii rèè kpàrau.

Yàkubà 5:10

Àwà, kɛɛra niì reè goomau Tsìfaà tsoo ra, ye e taa to twɛy rè, n neema ì. È byɛun yè e mɔɲɔn nìi tsuru, e sa y'a fa tɔ̀ tsuru.

Swiv nou:

Lyen patwone

Piblisite

Piblisite