Matsiyù 4:21 - Bible Dzùùngoo Unicode

²¹ È kpɛrɛ̀ bèu jɔun kɔn, è keresima fii kpɛrɛ jà. Soo tsoo Yàkubà, soo tsoo yè bà Yùxanà, è fàà tsoo Zhebedè. Twɛy na ni e fa Zhebedè ka konkor'na doùn, yè bà e re yɔ̀ rèè lamɔn'na. Tɔ̀un, Yesù yè è kiri.

Matsiyù 4:21 Referans Kwoze

Marikì 3:17

Yàkubà ko e raa keresi Yùxanà yè ɲɛn Piyɛrì tsɛ, Zhebedè dzin kpiri fii rèè. Yesù yè twɛy tsoo wɔ ci Bɔrinɛzhɛsì, nìi dzuɔn yɛ, è ni a ci ŋaa kpìn'na.

Matsiyù 10:2

Twɛy mòkun teeŋ fii nìì reè kiriu kɛɛradzin neè, twɛy tsoo rèè rìì siin nèe: jɔ̀naà tsoo Shimɔ̀n, à tsoò sɔn, ci Piyɛrì. Tɔ̀ raa tseyn nìi tsoo Andère, tɔ̀ yeè gban. Zhebedè dzin kpiri Yàkubà ko Yùxanà yè gban.

Kɛɛradzin neè faadziɛ 12:2

Tɔ̀un, nìi kɛɛradzin Yùxanà raa tsìnà kpiri Yàkubà, à y'à to, yè tɔ̀ vu kaamunun ka.

Yùxanà 21:2

Shimɔn Piyɛrì tà ko Tomà, tɔ̀ niì kir'là fìrìkàmaa ko Natanayɛlì è bo Kanà wɔ̀ rɔ̀n, Galile mar'la ɲàn, ko Zhebedè raa dzin kpir'leè ko kàràndzin fii kpɛ̀rɛ̀kuru ì twɛy sapɛ na ni esire.

Marikì 5:37

Tɔ̀un Yesù bèkɔɔn ŋaablabegbaà kùntsiɛ̀ rè tsii rɔ̀n, Piyɛrì, ko Yàkubà, ko Yàkubà raa keresi Yùxanà boshɔ̀ùn, à na à to mòò pɛn yè b'a ka waa.

Matsiyù 26:37

À bèkɔɔn, è Piyɛrì ko Zhebedè dzin kpiri fii rèè kiri bà e tɛy. Tɔ̀un à taama yè nà e maa è ŋununbee, à duungoo yeè bà doò.

Matsiyù 17:1

Àyìwà bwèy tsùnmɛn tà shɔ̀ùn, Yesù yè Piyɛrì, ko Yàkubà, ko tɔ̀ raa keresi Yùxanà kiri gban e ra, è bè tèyn è ka jèn gbààn sɔn tsɛ, yè bà ni mɔn e si.

Matsiyù 4:20

Tɔ̀ nɔ̀nkɔɔrɔn, twɛy yè e raa yɔ̀ rèè bàto mɔn, yè e gban à kpɛyn.

Matsiyù 4:22

Tɔ̀ nɔ̀nkɔɔrɔn, twɛy yè konkor'na ko e faà sa to mɔn, yè e gban Yesù kpɛyn.