Bib sou entènèt

Matsiyù 26:64 - Bible Dzùùngoo Unicode

⁶⁴ Yesù yè dzin à ra ci: «Wo rìì y'à dèu. Ŋà, mun nì ci e ra, nèe shɔ̀ùn, ye nà Adamà dziàn tsùuŋma jà Dzitsi Ŋaablà sirama si jaa rè, tà shɔ̀ùn, y'a nàkɔɔn ja jìrànxɔ rɔ̀n mun'na tsɛ.»

Gade chapit la Kopi

tounen moute ⬆

Matsiyù 26:64
26 Referans Kwoze

Marikì 14:62

Yesù yè dzin tɔ̀un ci: «À mun nì. Ye nà Adamà dziàn tsùuŋma jà Dzitsi Ŋaablà sirama si jaa rè, tà ko y'a nàkɔɔn ja è bo jìrànxɔ rɔ̀n mun'na tsɛ.»

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Goo kpàdèuma rèè 1:7

À siin nèe, à nàa mun'na ɲàn. Jaadzin sapɛ nà à jà, arì nìì reè y'à vɔ̀ tsɔu. Dzɔ̀nxɔɔ̀ tsɛ tsua sapɛ nà gɛyn à kamà. Àmiinà !

Dzyèèsìbee mòdzin neè 12:2

Àwà Yesù, mùn jaà gban tsùuŋma yè to tɔ̀ rii là, kàtsu mìn bà ɲɛɔ̀n Ŋaablà ra, wò rii tɔ̀ shia dzii saun, è bà à dziitsyɛnbaa. À yè e tsiiŋ, y'à gban gɔɔ̀ rà, y'à vu. Tɔ̀ yeè fa, tɔ̀ na ba à seè goo waa, kàtsu à taa na ni taamadzibe mà, Ŋaabla nìi lamɔnɔ̀n tsùuŋnà à re. Dòònuùn, è tsuuŋnà Ŋaablà sirama si jaa rè.

Lukì 21:27

Tɔ̀un, Adamà dziàn nàkɔɔn nà jà mun'na tsɛ, dzi brisi yè bà ni à ɲan, nɔɔrɔ brìsi yè bà ni à tsɛ.

Matsiyù 24:30

Tà doùn, Adamà dziàn tàànmàshɛn nà e kpadè ŋaablaxɔɔ̀ rà. Tɔ̀un, dzɔ̀nxɔɔ̀ tsɛ kuan sapɛ nà gɛyn yè Adamà dziàn nàkɔɔn ja mun'na tsɛ, dzi brisi ko nɔɔrɔ brìsi doùn.

Matsiyù 26:25

Yudasì rìi na nà à jàànfa, tɔ̀ y'a tey ci: «Kàrànfaà, à mun nì gbɛ ?» Yesù yè dzin à ra ci: «Wo rìì y'à dèu.»

Matsiyù 25:31

Yesù yè dzin kɔn ci: «Adamà dziàn ye na nà e nɔɔrɔɔ̀ doùn waatsi riì bwèy, à ko mɛ̀rɛ̀kɛ rèè sapɛ, à nà e tsuù e re màsà gbaaniin nɔɔrɔmaa tsɛ.

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Goo kpàdèuma rèè 20:11

Tà shɔ̀ùn, min màsà gbàànììn fyɛ bla sɔn ja, tà ko mòò riì tsùuŋnà à tsɛ. Dzɔ̀nxɔɔ̀ ko jìrànxɔɔ̀ sa yeè vwɛ̀yn bo à jaaterema tɔ̀un, jaa na ɲɛn è mà dɛ.

Tesalonikika reè jɔ̀naà 4:16

Ɲe fa dɔ̀n twɛy jɔun waa, kàtsu Tsìfaà rè shia sìunmaà, mɛ̀rɛ̀kɛ rèè kùntsii blàa sɛ̀ɛ̀y vuà yè bo, Ŋaablà yeè vur'la fyɛ, à nà jàà bo na jìrànxɔ rɔ̀n. Tɔ̀un, nìì reè saun yè bà ni Kirisà ɲàn, twɛy jɔ̀na nà sèè kpunan.

Kɛɛradzin neè faadziɛ 1:11

Twɛy yè dzin è ra ci: «Galileka reè, fee rìì ye tsìiŋnà mìin, ye yè bà Ŋaablaxɔɔ̀ siɛ̀n ? Yesù nìi bou ye fi, è sen fu bè jìrànxɔɔ̀ doùn, à sen fu bèu nìi tsuru, ye nà à sèè jàà nakɔɔn ja sii sɔn see tɔ̀ fau'n kuru soo rà.»

Yùxanà 18:37

Pilatsì y'à tey tɔ̀un ci: «Tà bwèy, wo màsa rii kɛ̀ ?» Yesù yè dzin à ra ci: «Wo rìì ci mun màsa. Mun kere kùàn nì, min nà dziɲaan doùn, min sààbeen dè. Sààbeen dzi mòò o moò rà, twɛy sapɛ yeè e toro wɔɔ̀ mun ne goomaa rè.»

Lukì 22:70

È sapɛ yeè dzin tɔ̀un ci: «Tà bwèy, wo rìì Ŋaablà Dzin Kpir'la kɛ̀ ?» È dzin è ra ci: «Ye yɛ̀r'leè sa to yɛ à dèe nòn ɔn, à mun nì.»

Matsiyù 27:11

Àyìwà yè bè Yesù tsìì jàmààntsià jaaterema tɔ̀un, jàmààntsià y'à tey ci: «Wo rìì Dzyèèsìbee mòdzin neè rè màsà kpir'là ɔ̀ ?» Yesù ci à ra ci: «Wo rìì ci tɔ̀ tsuru.»

Ɔ̀rɔ̀mùnka reè 14:10

Ŋà wo do, fèe kamà wo yè bà a neemaa jààkia ? Wo sa do, feera wo sa yeè bà a neemaa kɔɔ̀n ? Àwà mùn soo sookɔɔn sapɛ nà e tsiì Ŋaablà re kitsikununma nɔ̀n, è kitsia kùnùn mùn tsɛ.

Matsiyù 8:20

Yesù yè dzin à ra ci: «Kɔ̀ɔ̀ rìì ni tsɛ̀ kùn kpar'nèè rè, è dɔ̀ɔn min niì. Jìran nɔ̀n kɛ̀yn neè, tàn yè bà ni twɛy rè, yè e ɲɛɛn min niì. Ŋà Adamà dziàn, gàne na ni tɔ̀ tsoo ra, à nà e kungɔ wɔ min niì waa.»

Matsiyù 16:28

Sààben na, mun nì ci e ra, nìì reè tsìiŋnà mìin, swey fa san fyeu ni è na Adamà dziàn nàkɔɔn ja e re màsàbee doùn.»

Matsiyù 22:44

"Mùn Tsìfa Ŋaabla dziun mun Tsìfaà rà ci: Nà a tsuù n sirama si jaa rè, fɔ min b'à ɲan rèè sapɛ wɔ dò a san dzuun."

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Lukì 22:69

Ŋà, è sen dòònuùn nà, Adamà dziàn nà e tsuù Dzitsi Ŋaablà sirama si jaa rè.»

Swiv nou:

Lyen patwone

Piblisite

Piblisite