Bib sou entènèt

Matsiyù 26:39 - Bible Dzùùngoo Unicode

³⁹ Tà shɔ̀ùn è kpɛrɛ̀ be jɔun dɛyn, è bè e kunun gban, è kuu, è Ŋaablà mafyɛ̀n ci: «Mun Fà Ŋaablà, è ba dzia fa, byɛnbe riì nàkɔɔn yɛ mun tàrà, à dàn gbànbe n na. Tà ko e sa ra, mun naa sàɔ mà fa dɛ, wo raà rìì yè fa.»

Gade chapit la Kopi

tounen moute ⬆

Matsiyù 26:39
27 Referans Kwoze

Yùxanà 6:38

Mòò riì mun ka naɔ, mun jàà boo jìran nɔ̀n, min nà tɔ̀ raa sàɔ rìì fa, mun na naɔ̀ n yɛr'la raa sàɔ fa waa.

Filipika reè 2:8

È yɛrɛ majàaŋ, è to Ŋaablà dzugoomaa tsɛ fɔ saàn dzu, gbaàn gɔɔ̀ saàn yɛ̀r'la.

Matsiyù 26:42

È ma bo è ra kɔn e jaa fiira ɲan, è bè Ŋaablà mafyɛ̀n ci: «Mun Fà Ŋaablà, byɛnbe ree jɔun ma ba dzia bo bou'n kuru pɛn fɔ è mun tàr'li, wo sàɔ yè fa.»

Dzyèèsìbee mòdzin neè 5:7

È Yesù to e re jaamabee rà dziɲan doùn, à Ŋaablà mafyɛ̀un fyɛ̀ùn'n kur'la, nìi doùn è vu bou fààn na, fɔ è bè wɔ jaayu boma à re. À re màjaa kamà, dzi ni Ŋaablà riì rà à y'à tsi saàn rà, tɔ̀ sa to y'à re màfyɛɛ̀n latsi.

Yùxanà 5:30

Mun yɛ̀r'la na dzia goo sɔn pɛn fa n yɛrɛ ma waa. Fà Ŋaablà ye nìi dè mun na, mun naa kitsia kùn'na tɔ̀ rii tsɛ, mun ne kitsia to tereòn. À tereòn, kàtsu mun na n yɛr'la raa sàɔ gaa dɛ, ŋà, mòò riì mun ka naɔ, mun tɔ̀ raa sàɔ rìì gaa.

Yùxanà 14:31

Ŋà, fɔ dziɲan y'a tɔ̀, ci mun Fà Ŋaablà kɛniɔ̀n, à to ye nìi ji mun jɔun, mun tɔ̀ rii faa. Ye fù, m'a wa, mìn bo mìin.»

Yùxanà 18:11

Yesù yè dzin Piyɛr'là tɔ̀un ci: «A re kaamun'nà sèè wɔ e taàn doùn. Mun Fàà ci byɛnbe riì yè mun tàrà, tɔ̀ na wù è mun tàrà gbɛ ?»

Yùxanà 11:41

Tɔ̀un, yè kpàa bo kɔ̀ɔ̀ dziɛ rà. Àwà, Yesù yè e jaà ɲansen jìran kèrè, è dzin ci: «Mun Fàà, wo y'à toro wɔ nìi fau mun ne, mun baraka sìan wo ra, è ɲɛn tɔ̀ tsɛ.

Matsiyù 20:22

Yesù yè dzin ci: «Ye nìi gaa, ye na tɔ̀ tɔ̀ dɛ ! Byɛnbe niì nà mun tàrà, tɔ̀ ni dzi ku ye ɲan ɔn ?» È ci à ra ci: «Ɔ̀ɔn, tɔ nà dzi ku ɲe ɲan.»

Matsiyù 24:24

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara Modzìàn, doodebaa ì yè fù, ci ye kɛɛra ì. È nà tàànmàshɛn bla bla ì, ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Goo kpàdèuma rèè 19:10

Tɔ̀un, min kunun gban ji à sàn dzuun, ci mun nà n kuu à bììn, m'a blàbe. È dzin mun na ci: «M'a tɔ̀ fa waa ! Mun sa wo faagoofasià sɔn ni, tà ko wo neemasi reè kòòsi, twɛy nìì reè yè e shiɔ̀ Yesù rè shɛɛrɛbee rà. Ŋaablà rii blàbe. Àwà, kɛɛra goòmà rèè ni Yesù rè shɛɛrɛbee rìì tsɛ.»

Kɛɛradzin neè faadziɛ 10:25

Àwà, Piyɛrì nàu wɔ, à ci e ye dɔ̀n fɔɔn rè min niì, Kɔrɔnayì yè nà à kùùntsi. È kunun gban à bììn, à tswà blàbèma.

Lukì 17:16

À nàu wɔ Yesù tsɛ min niì, è kunun gban à bììn, è jaà kuu dzùà tsɛ, è tswɛ̀y fa à re. Jàa tɔ̀ kpir'la na Samarika rii.

Marikì 13:22

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara modzìàn, doodebaa ì yè fù, ci ye kɛɛra ì. È nà tàànmàshɛn ì ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Yùxanà 5:19

Yesù yè goomaa sèè sen tɔ̀un, è dzin è ra ci: «Sààben na, mun nì ci e ra, Dzin Kpirimaa na dzia goo sɔn pɛn fa e yɛrɛ waa, è nìi fakɔɔn ja e Faà rè boshɔ̀ùn. Fàmaa nà goo o goo rìì fa, Dzin Kpirimaa sa tɔ̀ soo rìì faa,

Swiv nou:

Lyen patwone

Piblisite

Piblisite