Matsiyù 26:33 - Bible Dzùùngoo Unicode

³³ Piyɛrì yè dzin à ra ci: «Wo to kɛ̀nsɛɛn ye ba è sapɛ mɛɛ̀ saabu, tɔ̀ fa mun tàrà byɛ.»

Matsiyù 26:33 Referans Kwoze

Lukì 22:33

Piyɛrì yè dzin à ra ci: «Tsìfaà, à bàu wo jikɔɔn kàso rìì doùn ò, à yɛ̀rɛ̀ to bàu wo san nì ò, à ni mun sa ma, mun y'à fa wo ka.»

Filipika reè 2:3

E maà goo sɔn pɛn fa tsyɛ̀ɛ̀nɛ̀nbe tàmafa yɛ̀rɛ̀blàbe maana maànà ka waa. Ŋà ye e majàà rii, y'a jà ci dzyee rèè blà ye mà.

Ɔ̀rɔ̀mùnka reè 12:10

Ye e si kɛ̀n, a ci neema ì wù yè e si kɛ̀n nìi tsuru. Ye e si dàn blàbee kàjaa tsɛ.

Marikì 14:29

Piyɛrì yè dzin à ra ci: «Tɔ̀ to kɛ̀nsɛɛn ye ba è sapɛ mɛɛ̀ saabu, tɔ̀ fa mun tàrà byɛ.»

Yùxanà 21:15

Àyìwà, è nàu ɲwɛɛ̀n ɲɔn dò waatsi riì bwèy, Yesù yè Shimɔn Piyɛrì tey ci: «Yùxanà dzin kpiri Shimɔ̀n, nèe rèè mun kɛ̀niɔ̀n nìi tsuru, wo mun kɛ̀niɔ̀n è geren tɔ̀ tsɛ ɔ ?» Piyɛrì yè dzin à ra ci: «Ɔ̀ɔn kɛ̀ Tsìfaà, wo yɛ̀r'la y'à tɔ̀, ci wo goò dzi mun na.» Yesù yè dzin à ra ci: «Tà doùn, n ne sààdzin neè kɔ̀ ɲwɛyn.»

Matsiyù 26:32

Yesù yè dzin kɔn ci: «Min na sèè kpunan bo saàn ɲàn waatsi riì bwèy, mun nà bè ye shù Galile mar'lɔùn.»

Matsiyù 26:34

Yesù yè dzin à ra ci: «Sààben na, mun nì ci a ra, she fen nèe ɲan ko e sa, sani tsɛ̀keen yè ben, wo na bà à dè jaa zhììgi faɔ̀ nòn ci wo na mun tɔ̀ waa.»