Bib sou entènèt

Matsiyù 25:1 - Bible Dzùùngoo Unicode

¹ Àyìwà, Yesù yè nèe gooma bɔɔ rèe ka tàlen ban è re kɔn. À ci: «Ŋaablà re Màsàbee goo rèè nà bà a ci canguru mokun tsyeùn nèe raa goò kaatsi. Yè e re fìtsina rèè seun fene rɔn, yè bo ci ye bèe kɔnɲɔn kpiri kuuntsima nɔ̀n.

Gade chapit la Kopi

tounen moute ⬆

Matsiyù 25:1
43 Referans Kwoze

Goo kpàdèuma rèè 19:7

Mìn taama dzibe ! Ɔ̀ɔn, mìn taamadzibe brìsi fa, m'a nɔɔrɔɔ̀ kpàdè. Mìn tɔ̀ fa, kàtsu sààtòmòìriɛ rè kɔnɲɔn goo wɔu, à re tààn to yè e lamɔ̀nɔɔ̀n.

Goo kpàdèuma rèè 21:9

Tɔ̀un, gooɲaan latan neè yukuun ɲɛɛ̀nun nìi reè tsyɛɔ̀n, twɛy kuɔn mɛ̀rɛ̀kɛ ɲɛ̀ɛ̀nun nìì reè suun, twɛy soo yeè nà gooma mun ka, è dzin mun na ci: «Nà, mun nà kɔnɲɔn taàn kpàdè wo ra, sààtòmòìriɛ rè tààn.»

Goo kpàdèuma rèè 21:2

Min wɔ̀ fɛnɛɛ sa ja, Yerusalɛmun yee, tɔ jàà bo naɔ jìrànxɔɔ̀ doùn Ŋaablà tɛyn, à mabyɛɔ̀n a ci kɔnɲɔn taan nìi mawɔɔ e re kpir'la raa.

Yùxanà 3:29

Kɔnɲɔn taàn kɔnɲɔn kpir'là rìì laa. Ŋà, kɔnɲɔn kpir'là dzunwɛynsia, tɔ ni kɔnɲɔn kpir'là tààkuùn nì, è toro wɔ tsùù à re. À y'a gooma vuà myɛ̀n, à taama dzibe cɛyn. Tɔ̀ taamadzibe rèe ni a ci mun naa taamadzibeè rìì, à dzii to tsyɛun dòònuùn.

Matsiyù 13:24

Àwà, Yesù yè gooma bɔɔ kpɛrɛ dè è ra kɔn ci: «Ŋaablà re Màsàbee boo goo nìi kaatsi re, tɔ̀ rii siin: À ni a ci kpiri sɔn, nìi shìmàndzin wuu sɛun e re dzù rɔ̀n.

Goo kpàdèuma rèè 14:4

Àwà, twɛy mòdzin neè na e yɛrɛ noo taan ì ka waa, è tou tààn tɔ̀ bɛy. Sààtòmòìriɛ bèe min o min, è gbaɔn à kpɛyn. Ye rìì bàu kùngɔ màbouma jɔ̀na rèè mòdzian ɲàn, yè bà Ŋaablà ko Sààtòmòìriɛ raa.

Tsitè 2:13

Mìn tɔ̀ fa, mùn si xɔ nìi tsɛ, mìn bà ni tɔ̀ goo blàa màshua rà, ko mùn Tsibaa Yesù Kirisà, mùn ne Ŋaablà blaa nɔɔrɔ nìi nà kpàdè.

Matsiyù 22:2

«Ŋaablà re Màsàbee boo màsà kpiri sɔn ne, nìi na nà furu fa e dzin kpir'la kɔ̀.

Tsìmotè fiiraa 4:8

Àwà è sen dòònuùn, terenbee màsà baanflaa màrà tsùuŋnà mun ne. Tsìfaà, kitsikununbaa tereunmaà nà à sìn mun na jisee lataan sii sèè. À fa bà mun bàsɔùn waa, nìì reè sapɛ nà à nà jisee kɛ̀n, à nà à sìn twɛy sa ra.

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Korɛntsika reè jɔ̀naà 11:2

Mun tsoo dzi ɲɛɛn ye tsɛ, è ɲɛn à tsɛ, goo gè o ge, ye taa ni mun mà, mun to kàr'nìi sìun ye ra, y'a màraɔ̀ a ci m'a sìun ye ra nìi tsuru.

Matsiyù 20:1

Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n.

Matsiyù 13:47

Yesù ci kɔn: «Ŋaablà re Màsàbee boo ji kuan yɔ̀ sa re. À maaŋmaà yu rɔ̀n, à ji kaatsià sapɛ kuàn.

Matsiyù 13:38

Dzùà, tɔ dziɲantsiɛ. Shìmàndzin wuɔ, tɔ Jìrànxɔɔ̀ Màsà ganee dzin nèè. Vun ɲaan, tɔ Sùtan'naa mòò rèè.

Goo kpàdèuma rèè 4:5

Ŋaà myɛ̀ɛ̀nkɔɔn, ko gooma vuà, ko ŋaà kpìnìn vuà na boò màsà gbaaniɛn nà, sàden ɲɛ̀ɛ̀nun yè bà na deèn à jaaterema. Tɔ Ŋaablà re dzi ɲɛɛ̀nun nèè rìì.

Korɛntsika reè fiiraa 11:2

Ye kàjaa tsɛ, tsyɛ̀ɛ̀nɛ̀nbe ni mun ɲan, a ci à ni Ŋaablà sa re nìi tsuru. È ɲɛn à tsɛ, mun ye màkuɔn kpiri soo re, nìi Kirisà, mun to ni à re ye yè sìn à ra a ci canguru kpiri goo tɔ bɛy, nìi fyɛɔ.

Matsiyù 9:15

Yesù yè dzin è ra ci: «Kɔnɲɔn kpir'là ko e dzyeèsi rèè ni dzi ba ni esire à dzyèèsi rèè taama yè ŋununbe o ? Ŋà jisee nàa, nìi doùn, kɔnɲɔn kpir'là nà sen bo è ɲan. Tɔ̀ sii sèè, è nà sun wɔ.

Matsiyù 5:16

Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Kɛɛradzin neè faadziɛ 20:8

Ɲe na e ladzyèeŋnà gbà nìi doùn sangasoò jìran nɔ̀n, fìtsina giri dzu na wɔɔ mɔn.

Matsiyù 13:31

È gooma bɔɔ soo kpɛrɛ dè è ra kɔn ci: «Jìrànxɔɔ̀ Màsàbee boo kaanindzin ne, mòo nìi seun è b'a sì e re dzù rɔ̀n.

Matsiyù 25:7

Tɔ̀un canguru mokun tsyeùn nèe sapɛ yeè kpunan. È kpunaun, yè e re fìtsina rèè dzu bo.

Yùxanà 18:3

Yesù ko e re kàràndzin neè ni tɔ̀ gàne rɔ̀n, Yudasì, tà ko kaadzin kuru sɔn yeè nà e kungɔ bo mɔn, Ŋaablà re gbà blàa kplatsuubaa rèè swey sa na ni è ka. Saaka Jɔundzin neè, ko Faridziɲɛn rèè rìì na twɛy ka naɔ è bà Yudasì tɛ̀y. È ci e ye nà bo, fìtsina rèè, ko kaan deunma rèè, ko màràmàge rèè rìì na ni è suun.

Goo kpàdèuma rèè 8:10

Tà shɔ̀ùn, mɛ̀rɛ̀kɛɛ̀ zhììgìraa yè vur'la fyɛ. Swɛyn brìsi yè shɛn bo jìran nɔn, à deon a ci sàkɔ̀ɔ̀dziira, è nà mɛɛy ba rèè tara zhiigia tara soo tsɛ, ko donkungɔ reè.

Swiv nou:

Lyen patwone

Piblisite

Piblisite