Matsiyù 23:15 - Bible Dzùùngoo Unicode

¹⁵ Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye yè e ɲantsyeere beè dzɔ̀nxɔɔ̀ ko kòòyua sa tsɛ min niì sapɛ, sànko ye yè bà ni mòò sɔn tàrà ba e re dzinɛɛ mòdzin. À to ye dzi tarà nòn, y'a faa fɔ è bà jààndàmàn dòùn dzin, è geren ye tsɛ shìɲaan jaa fii.

Matsiyù 23:15 Referans Kwoze

Efɛsika reè 2:3

Ɲe sapɛ, ɲe sa na twɛy mòdzin neè kur'li. Ɲe sa na gɔɔ̀n kur'la goo ɲaan neè shi jiɛ dan, ɲe y'à sàɔ faa, ɲe yè e gban kɛ̀sɛmà ɲaan neè kpɛyn. Àwà, è ɲe to tà tsuru, Ŋaablà re vununtaà na ni ɲe sa tsɛ, a ci dzyee rèè.

Kɛɛradzin neè faadziɛ 13:43

Jàmaà nàu jee waatsi riì bwèy, Dzyèèsìbee mòdzin neè, ko nìì reè dɔɔ̀n è re dzinɛɛ ɲàn, è giri yè e gban Polì ko Barinabasì kpɛyn. Tà doùn, Polì ko Barinabasì yè làtsìì gooma ì giri dè è ra, yè è màxɔ̀n, ci Ŋaabla xɛɛrɛ nìi faa è re, yè e shi tɔ̀ ra.

Kɛɛradzin neè faadziɛ 13:10

«Mòdzìn ɲan, nanmaramoo ! Sànwɔbaà dzin, goowuubarabaa. A fa mùn Tsìfaà rè shi tereonma rèè nwɛɛ̀n dziibà ɔ̀ ?

Kɛɛradzin neè faadziɛ 14:2

Ŋà, Dzyèèsìbee mòdzin neè swey na e tsiì Tsìfaà rà waa. Twɛy yè siin tɔ̀un, nìì reè na Dzyèèsìbee mòdzin ì waa, yè twɛy dzu wɔ kàràndzin neè kpɛyn.

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

Galatsika reè 6:12

Nìì reè sapɛ ci fɔ ye yè shɛn, twɛy tɔ̀ faa rìì y'à ka e yɛrɛ kpadè cɛyn gɔɔ̀n kàjaa tsɛ. À kùàn nì yɛ, è mà ye byɛn Kirisà gbaàn gɔɔ̀ kamà waa.

Galatsika reè 4:17

Nìì reè yɛ e ɲanshiɔ̀ ye raa goò rà, è na à faa wùù tsɛ waa. È nìi gaa, tɔ̀ rii yɛ yè ye vyɛ̀ bo ɲe ra, ye yè bà ni e shi ye ra.

Matsiyù 5:22

Ŋà, mun nì ci e ra, mòò o moò nà e vunun ta e modzìnsia ka, tɔ wù è kitsi. Mòò riì nà e modzìnsia ɲɛ̀n ci à manan, à wù tɔ̀ yeè kitsi kitsi kunun kur'là mòdzin neè rè. Mòò riì to nà e modzìnsia ɲɛ̀n ci à fàkɔɔn, tɔ wù jààndamaan sàà ka.

Kɛɛradzin neè faadziɛ 17:13

Tesalonikì wɔ̀ɔ̀ Dzyèèsìbee mòdzin neè y'à myɛ̀un min niì, ci Polì ì Beereka reè sa toro kɔ̀ɔ Ŋaablà re goomaa nà, yè jàà mɔn, yè bè twɛy mòdzin neè duùn wɔ, yè fù ji màànkaan ka wɔ̀ɔ̀ min niì sapɛ.

Kɛɛradzin neè faadziɛ 14:19

Tà doùn, Dzyèèsìbee mòdzin ì yè bo Pisidzi jamaan Antsiyɔshì, ko Ikoniyɔmùn yè nà. È nàu, yè mòdzian duùn wɔ, yè Polì dzyɛn kpàà ì ka, a ci è n'a vu. Tà shɔ̀ùn, y'à siɛ̀n ci à saɔn nìi fa, y'à geren, yè b'a ji wɔ̀ɔ̀ bònè.

Kɛɛradzin neè faadziɛ 2:10

Swey boò Firizhi, swey boò Panfili, swey boò Misiran jamaan ɲàn, Libi jamaan gàne nìi reè ni Sirɛnìn wɔ̀ɔ̀ tɛyn, swey boò mɔn, swey yè bà boò Ɔ̀rɔ̀mùn jamaan nɔn.

Kɛɛradzin neè faadziɛ 6:5

Àwà, tɔ̀ goomaa yè bà kàràndzin dzyee reè sapɛ sao, yè byɛ̀n tɔ̀ mà. Tɔ̀un, yè Etsiyɛnìn bo, tɔ̀ kpir'la na e shiɔ̀ Ŋaablà ra, à ɲan ye bà tsyɛɔ̀n Ŋaablà re Dzi Fɛnɛɛ rà. Fìlipù yè bà tɔ̀ tɛ̀y, ko Porokolì, ko Nikanɔrì, ko Tsimɔ̀n, ko Parimenasì, ko Nikola. Nikola, tɔ̀ na boò wɔ̀ sɔn ɲan, ci Antsiyɔshì. À na dɔɔ̀n Dzyèèsìbee mòdzin neè rè dzinɛɛ ɲàn dan, è kòmànà e ba Yesù rè kàràndzin neè kur'la tɛ̀y.

Matsiyù 5:29

Àwà, sani a sirama sia rè jaadzian yè bà saabu e gooɲaantsii tarà, à kwey bo, a maa jeenà. E fɔn a gɔɔ̀n gàne soo ɲan, tɔ fyan a ko e kur'la yè bè jààndaman.

Matsiyù 3:7

Àwà Yùxanà y'à jàu Faridziɲɛn rèè giri, ko Sadusiɲɛn rèè giri nàa, sànko wò yeè è jaara foò Ŋaablà re shia goo rèè rà, è dzin è ra ci: «Fɔnfwɛyn kuru ì, tsì rii vwɛ̀yn jaa kpàdèu ye ra, Ŋaablà re vununta nàkɔɔn jɔun ?

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.