Bib sou entènèt

Matsiyù 23:13 - Bible Dzùùngoo Unicode

¹³ Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Gade chapit la Kopi

tounen moute ⬆

Matsiyù 23:13
25 Referans Kwoze

Lukì 11:52

Sàrìyà Kaamoo reè, byɛnbe ye nìn ! Ye twɛ̀ɛ gbàà dzii sòoŋ, y'a nèèdzian ji e kpɛyn. Ye fa dɔ̀n, dɔ̀n kuru to ni nìì reè rà, e fa à to twɛy yè dɔ̀n.»

Matsiyù 23:29

Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye kɛɛra reè fùnkɔɔ reè lamɔnɔ̀n jia, ye yè mòdzin tereonma rèè raa rèè lamɔnɔ̀ùn'n kuru wube.

Matsiyù 23:27

Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye ni a ci mòòkɔɔ ì, nìì reè ma fyɛɔ. È darɔɔ̀n na gè wùbè san, tɔ̀ to y'à tàrà, è doùn nèè tsyɛɔ̀n mòdzìn xɔ rèè rìì là, ko gè nooŋmaà kaatsià sapɛ.

Matsiyù 23:23

Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn kàtsu ye yè e re nankɔɔ rɔ̀n gè tsìrà myɛyn neè sapɛ yaà boò, nìi nànàye rèè ko e ge rèè, ŋà goo nìì reè goo kùnma taki sàrìyaa doùn, ye twɛy boo e si bònè, nìi yɛ e teren, e màtsuru, e bà ɲɛɔ̀n Ŋaablà ra. Twɛy rìì na goo farama taki reè, ŋà dzyee rèè tsu to mà bà boo si bònè waa.

Kɛɛradzin neè faadziɛ 8:1

Nìi Sɔlì, tɔ̀ sa kpɛ̀ynto yè e tsiiŋ Etsiyɛnìn vua rà. È sen tɔ̀ jisee rà, yè byɛnbe xɔù mɛɛy ɲɛynamoo kur'là tsɛ Yerusalɛmùn wɔ̀ɔ̀ min niì sapɛ. Tɔ̀un, è sapɛ yeè vwɛ̀yn jee Yude mar'la, ko Samari mar'la ɲàn. Kɛɛradzin neè bàsɔùn nì yè to.

Tsìmotè fiiraa 4:15

A sa y'a yɛrɛ kaàwɔ à ra, kàtsu è dzun wɔu ɲe re gooma reè rà kɔsɔbɛ.

Tsìmotè fiiraa 3:8

Àwà, Zhanɛsì ko Zhanbɛrɛsì yè e dzun wɔu Musà rà nìi tsuru dan, y'à sɔ̀swɛy, tɔ̀ soo tsuru, twɛy mòdzin neè sa yeè e dzun wɔɔ̀ sààbeen rà, y'à sɔ̀swɛy. È mòdzin akiri barauma ì, è to na gèsɔn wùbee ɲɛynaà kàjaa tsɛ waa.

Kɛɛradzin neè faadziɛ 13:8

Nìi Bariyesù, twɛ̀y ɲan goofabaà, è na tɔ̀ kir'là Gɛ̀rɛ̀kì goòmà nɔ̀n sa, ci Elimasì. Tɔ̀ na e tsiì Barinabasì ko Sɔlì rà waa, kàtsu, à sàò na n'a re, wò yeè jàmààntsià kùnàn ban, à mà ɲɛn Yesù rà waa.

Kɛɛradzin neè faadziɛ 5:40

È byɛ̀un tɔ̀ mà, yè kɛɛradzin neè sèè kiri dɔ̀n e shɔùn. È nàu wɔ, yè è dɔrɔ sɛɛn ka, yè dzin è ra, ci ye mà à myɛ̀n, ci è goomau Yesù tsoo ka dɛ. Tà shɔ̀ùn, yè kòmànà è bàji, ci yè bèe.

Kɛɛradzin neè faadziɛ 5:28

«Ɲe to y'à dè màxɔbeu ye ra, ci ye mà gèsɔn dè mòò rà nèe tsoò soo re ka dɛ. À yɛ nèe, ye Yerusalɛmùn wɔ̀ɔ̀ sapɛ tsyɛn jiu ko e re kàr'nà ka, ye sàò to ni à re, ye yè ɲe rìì bà à saàn kùngɔ.»

Yùxanà 9:34

Yè dzin à ra ci: «Ci dzùrù ! Fɔ wo yè kere, gooɲaantsiɛ ni wo vu ra, è sen wo sàn nèè rà, fɔ wo kùngɔɔ̀ rà, wo to ci, wo yè ɲe kàràn ?» È tɔ̀ dèu min niì, y'à kaa bo ŋaablabegbaà doùn.

Yùxanà 9:24

Àwà, yè jaana kpiri jaa dzii saunmaà kiri kɔn e jaa fii ra ɲan, yè dzin à ra ci: «Blà wɔ Ŋaablà ɲan e sààben de. Ɲe y'à tɔ̀, ci nèe kpir'lee gooɲaanfabaa rìì.»

Yùxanà 9:22

À ker'là gè rèè tɔ̀ dèu, kàtsu, è na shiɔ̀ Dzyèèsìbee mòdzin neè jɔundzin neè jɔun. Twɛy na byɛ̀n faɔ̀ à mà, ci mòò o moò ye e tsiì à ra, ci Yesù rìì Ŋaablà Jaara Modzìàn, tɔ̀ tsìfa nà kaa ŋaablabegbaà tsɛ.

Matsiyù 23:25

Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye yè e re yukuun neè ko ɲwɛyn ɲɔɔn kondo rèè bòùn nèè fòò fyɛɛ̀, tɔ̀ to y'à tàrà, è doùn nèè tsyɛɔ̀n ye re nanmara goo reè ko ye juu ɲaan nà.

Matsiyù 3:7

Àwà Yùxanà y'à jàu Faridziɲɛn rèè giri, ko Sadusiɲɛn rèè giri nàa, sànko wò yeè è jaara foò Ŋaablà re shia goo rèè rà, è dzin è ra ci: «Fɔnfwɛyn kuru ì, tsì rii vwɛ̀yn jaa kpàdèu ye ra, Ŋaablà re vununta nàkɔɔn jɔun ?

Matsiyù 23:16

Byɛnbe ye nìn, kurukunbaa jaana ì ! Ye dziàn ci: "Mòò ye e kɛɛ̀y Ŋaablà re gbà blàa tsɛ, tɔ̀ kɛ̀ɛ̀ na daàn waa. Ŋà, à ye e kɛɛ̀y gbà blàa sɛn'na tsɛ, tɔ kuàn."

Swiv nou:

Lyen patwone

Piblisite

Piblisite