Matsiyù 22:3 - Bible Dzùùngoo Unicode

³ Tɔ̀un, kɔnɲɔn ɲwɛɛ̀n ta jiumaà, à na e vu boo nìì reè rà, è re jòn nèè ka, ci yè bè twɛy kiri. Ŋà, è bèu kiri, è na e tsiì yè nà waa.

Matsiyù 22:3 Referans Kwoze

Goo kpàdèuma rèè 22:17

Àyìwà, Ŋaablà re Dzia ko kɔnɲɔn taàn, twɛy yè dzin ci: «Nà !» Mòò riì to ye gooma ree myɛ̀n, tɔ̀ tsìfa sa yeè dzin ci: «Nà !» Mìnoo ye ba ni mòò riì rà, à tsìfa yè nà. Mòò riì ye ba gaa jaamabee yuà rà, à tsìfa yè sɔn sen min maana maànà.

Ɔ̀rɔ̀mùnka reè 10:21

Isirayɛlì kàjaa tsɛ, è dzin ci: «Ŋaablà ci bwèè ko kur'la doùn w'è si foroo mòdzin ì rè, nìì reè yè e nɔɔ̀n wò dzugoomaa mà, yè bà wò sɔ̀swɛɛ̀.»

Yùxanà 5:40

Tà ko e sa ra, ye sàò na ni ye yè nà mun na, ye yè bà ni jaamabe takia tàrà waa.

Kɛɛradzin neè faadziɛ 13:45

Dzyèèsìbee mòdzin neè dziu jàmaà jà tà tsuru min niì, à goò jaaɲininbe yè è kun. Tɔ̀un, yè e maa, yè Polì sɔ̀swɛɛ̀, y'à ɲɛ̀ɛn.

Lukì 19:27

Àwà dòònuùn, mun ɲan nìì reè sào naà ni à re min tsùù ye kùùn màsàbee rà, ye nà twɛy sapɛ ka mìin, ye nà è vu n jaa ra."»

Lukì 15:28

Tsìnà kpìrìmaa tɔ̀ myɛ̀un min niì, à vunun yè ta, è nɔn ci wò fa dɔ̀n fɔɔn rè waa. À fàà yè bo na tɔ̀un, tɔ̀ yeè nà à màfyɛ̀n ci è dɔ̀n fɔɔn rè.

Lukì 13:34

Yerusalɛmunka reè, Yerusalɛmunka reè, ye nìì reè kɛɛra reè vua, Ŋaabla nìì reè kaɔ ye re, ye nìì reè twɛy dzyɛn vua ko kpàa ì ka, è bè tàrà fɔ jaa fɛ̀rɛ̀n, mun sàò na ni mun yè wo dzin nèè ladzyeè a ci tsɛ̀naà yè e dzin nèè ladzyee e tamaàn dzuun nìi tsuru, ŋà ye na gaa tɔ̀ ra waa.

Matsiyù 23:37

Yerusalɛmunka reè, Yerusalɛmunka reè, ye nìì reè kɛɛra reè vua, Ŋaabla nìì reè kaɔ ye re, ye nìì reè twɛy dzyɛn vua ko kpàa ì ka, è bè tàrà fɔ jaa fɛ̀rɛ̀n, mun sàò na ni mun yè wo dzin nèè ladzyeè a ci tsɛ̀naà yè e dzin nèè ladzyee e tamaàn dzuun nìi tsuru, ŋà ye na gaa tɔ̀ ra waa.

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Dzyèèsìbee mòdzin neè 12:25

Tà doùn, ye e yɛrɛ kun, mòò riì goomaa ye ka, e maà e nɔn tɔ̀ re goomaa lamyɛɛ̀n mà waa. Dan dan, mòò riì yè e sarau mòdzian nà Ŋaablà re goomaa ka dzɔ̀nxɔɔ̀ tsɛ, è na e tsiì yè e toro wɔ tɔ̀ re waa. Tɔ̀un, è na e tsi byɛnbee rà waa. Tɔ̀ ye ba twɛy tàrau, nìi goomaa ɲe ka è bo fɔ jìrànxɔɔ̀ doùn doun mɔn, ɲe ye e bon wɔ tɔ̀ raa goomaa nà, ɲe nà dzi tsi dzùrù ?

Matsiyù 21:34

Àwà, ɛ̀rɛ̀nzhɛ̀ndzian bo waatsi nàu wɔ, dzùtsià yè e re jòn nèè ka dzùà faagoo fa reè rè, yè bà ni wò raa nìàn sìn.

Matsiyù 9:15

Yesù yè dzin è ra ci: «Kɔnɲɔn kpir'là ko e dzyeèsi rèè ni dzi ba ni esire à dzyèèsi rèè taama yè ŋununbe o ? Ŋà jisee nàa, nìi doùn, kɔnɲɔn kpir'là nà sen bo è ɲan. Tɔ̀ sii sèè, è nà sun wɔ.

Dzyèèsìbee mòdzin neè 9:15

Tɔ̀ kamà, à bàu sòrònfabaa, è dzyèèsìbè ye dɔn ɲe ko Ŋaablà fi. Tɔ fau, kàtsu, mòdzian fìrìgoo nìì reè fau Dzyèèsìbee bɔrɔɔ waatsi rɔn, à saunmaà y'à tou, tɔ̀ yeè mɛɛy bo è mà, yè bà Ŋaablà raa. Tɔ̀ tsuru, Ŋaablà na goo dziù dòbɛy niì reè làyiri seòn, à nìì reè kiriɔ, twɛy dzia tɔ̀ tàrà.