Bib sou entènèt

Matsiyù 22:17 - Bible Dzùùngoo Unicode

¹⁷ Àwà wo raa kɛ̀sɛmàà nìi nèe goo rèe tsɛ, tɔ̀ dè mùn na: Xɔnsɔɔn yè sàrà Sezarì, Ɔ̀rɔmùn màsà kpiri blàa rè, tɔ dàaŋnà ràà, à na dàaŋnà ?»

Gade chapit la Kopi

« Previous

tounen moute ⬆

Lukì 2:1

Àyìwà, tɔ̀ waatsi rɔn, màsa bla sɔn na ni Ɔ̀rɔ̀mùn jamaan ɲàn, è bà tsùuŋnà jàmàan giri kùùn. Tɔ̀ màsaa tsoo na ci Ogisì. Tɔ̀un, Ogisì yè dzin jàmaàn mòdzian sapɛ tsoo yè sɛbɛn, è dzii yè tɔ̀.

Gade chapit la

Matsiyù 17:25

Piyɛrì ci: «Ɔ̀ɔn, à y'à sàr'la.» Àwà Piyɛrì bèu dɔ̀n tsii rɔ̀n tɔ̀un, Yesù yè tabe à y'à tey ci: «Shimɔ̀n, wo nèe jàa dzùrù ? Dzɔ̀nxɔɔ̀ tsɛ màsa reè wù yè xɔnsɔɔn ko fàànmàn ɲɛɛ̀n tsi tsi ì rìì lè ? È dzin nèè ràà, tàà tɔn'leè ?»

Gade chapit la

Kɛɛradzin neè faadziɛ 28:22

Ŋà, nìi ni wo duùn, ɲe sào ni, wo yɛ̀r'la yè tɔ̀ dè ɲe y'à myɛ̀n. Ɲe y'à tɔ̀, ci wo yɛ dzinɛ niì ɲàn, min niì sapɛ, mòdzian yè e dzunwɔɔ à ra.»

Gade chapit la

Kɛɛradzin neè faadziɛ 25:8

Ŋà, nìi Polì, tɔ̀ yeè dzin e re goò ɲàn nèe tsuru ci: «Mun na fìrìgoo pɛn faɔ̀ waa. N na fìrìgoo pɛn faɔ̀ è bè Dzyèèsìbee mòdzin neè rè sàrìyaa kàjaa tsɛ, n na fìrìgoo faɔ̀ è bè Ŋaablà re gbà blàa kàjaa tsɛ, n to na fìrìgoo pɛn faɔ̀ è bè Sezarì tsu kajaa tsɛ, Ɔ̀rɔmùn màsà kpiri blàa.»

Gade chapit la

Kɛɛradzin neè faadziɛ 17:7

Yasɔ̀n nì yè è tɔɔnsi kpiri. È na Ɔ̀rɔmùn màsà kpiri blàa rè sàrìya reè latsuɔ waa, kàtsu, è ci màsà kpiri kpɛrɛ ni, tɔ̀ tsoo yè bà ci Yesù.»

Gade chapit la

Kɛɛradzin neè faadziɛ 5:37

Tà shɔ̀ùn, Galileka kpiri sɔn yeè nà fù kɔn, tɔ̀ tsoo yè bà na ci Yudà. Jàmaàn mòdzian tsoò sɛbɛun jii riì rà, sànko è dzii yè tɔ̀, tɔ̀ raà fau tɔ̀ jiɛ rìì là. Tɔ̀ sa y'a fau mòò giri yè e gban à kpɛyn. Ŋà, tɔ̀ sa to vuu, à kpɛyn dzin neè sapɛ yeè jee.

Gade chapit la

Lukì 3:1

Àyìwà, màsa bla riì nàu tsùù Ɔ̀rɔ̀mùn jamaan kùùn tà shɔ̀ùn, è bà ni jàmaan giri kùùn, tɔ̀ màsaa tsoo na ci Tsibɛrì. Tsibɛrì raa màsàbee jii teeŋ nunaa nà, kpir'liì na Yude mar'la raa jàmààntsià, tɔ̀ tsoo na ci Pɔɔnsi Pilatsì, è ba ɔ̀rɔ̀mùka. Nìi Galile mar'la, tɔ̀ jàmààntsià tsoo na ci Erodzì. Màrà fii sɔn na ni, ci Ituri ko Tarakonitsì. Twɛy raa jàmààntsià tsoo na ci Fìlipù, è bà Erodzì raa tsìnà kpiri. Màr'lìi tsoo na ci Abilɛnɛ̀, tɔ̀ jàmààntsià tsoo na ci Lizaniyasì.

Gade chapit la

Matsiyù 22:18

Yesù yè è duungoo ɲaan tɔ̀ nìi fa, è dzin è ra ci: «Mòdzin duungoofiitsi ì, feera ye yè bà mun dzuun bomà gaa ?

Gade chapit la

Lukì 20:22

Àwà, ɲe nà wo tey ɔ, mùn yeè xɔnsɔɔn sàrà Ɔ̀rɔmùn màsà kpiri blàa rè, tɔ dàaŋnà ràà, à na dàaŋnà ?»

Gade chapit la

Swiv nou:

Lyen patwone

Piblisite

Matsiyù 22:17 - Bible Dzùùngoo Unicode

Matsiyù 22:1718 Referans Kwoze

Matsiyù 22:17
18 Referans Kwoze