Matsiyù 22:10 - Bible Dzùùngoo Unicode

¹⁰ Jòn nèè yè bo bè wɔ̀ɔ̀ shi reè rè tɔ̀un, è mòò o moò jàu, mòdzin wuu sen ɲɛn mòdzìn ɲan tsɛ, yè è sapɛ ladzyèè na. Kɔnɲɔn gbaà yè tsyɛn kpan ɲwɛyn ɲɔn reè rà.

Matsiyù 22:10 Referans Kwoze

Goo kpàdèuma rèè 7:9

Àwà, tà shɔ̀ùn kɔn, min jàma brìsi jà, mòò fa dzi nìì reè dan, è bà ni è dzii tsu tɔ. Kuan sapɛ modzin ì ni è ɲan, tsua sapɛ modzin ì ni, jàmàan rèè sapɛ modzin ì ni, kungoòmà rèè sapɛ modzin ì yè bà ni è ɲan. È na e tsiiŋnà màsà gbaaniɛn ko sààtòmòìriɛ jaaterema. È mɛ̀yɛ̀ blà fyɛ ì wɔɔ, shɔfyaa ì yè bà kuɔn è suun.

Yùxanà jɔ̀naà 2:19

È bou ɲe fi, ŋà è naà ɲe kuru waa. Yè ba na ɲe kuru, è na nà to ɲe ka. Ŋà à faumaà tà tsuru, à kpàdè fyɛu, ci è pɛn na ɲe kuru waa.

Korɛntsika reè fiiraa 12:21

Mun shiɔ̀ ci mun nà nà dɔ̀n bo rìi fa ye re mɔn kɔn, mun ne Ŋaabla mà nà bè mun màjàà ye kamà waa. Mun mà nà gɛyn mòò giri kamà, twɛy nìì reè sapɛ gooɲaan fa dɔun è to na e tsiiŋnà yè e re jaamabee fau'n kur'la lakere, yè sèè bo e re nookɔɔn goo reè, ko e re kɛ̀kɛ̀ɛ̀ybè goo reè, ko e re seeybɛybe goo reè kpɛyn waa.

Matsiyù 25:10

Àwà, è dɔ̀n beumaà ɲinin fima nɔ̀n, kɔnɲɔn kpir'là yè nà è shɔ̀ùn. Tɔ̀un, nìi reè mabyɛunà, à ko twɛy yè dɔ̀n kɔnɲɔn gbaà doùn, dziɛ̀ yè sòò.

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.

Matsiyù 13:38

Dzùà, tɔ dziɲantsiɛ. Shìmàndzin wuɔ, tɔ Jìrànxɔɔ̀ Màsà ganee dzin nèè. Vun ɲaan, tɔ Sùtan'naa mòò rèè.

Matsiyù 9:15

Yesù yè dzin è ra ci: «Kɔnɲɔn kpir'là ko e dzyeèsi rèè ni dzi ba ni esire à dzyèèsi rèè taama yè ŋununbe o ? Ŋà jisee nàa, nìi doùn, kɔnɲɔn kpir'là nà sen bo è ɲan. Tɔ̀ sii sèè, è nà sun wɔ.

Matsiyù 22:9

Tà doùn, ye bè wɔ̀ɔ̀ shi kungɔ reè rà, e ye mòò o moò jà, y'a kiri kɔnɲɔn ɲwɛɛ̀n nà."