Matsiyù 20:7 - Bible Dzùùngoo Unicode

⁷ È ci à ra ci: "Mòò pɛn na ɲe seòn faagoo ra nìi fa waa, tɔ̀ rii kamà, ɲe ni mìin." À ci: "E sa yeè bè faagoò rà mun ne ɛ̀rɛ̀nzhɛ̀ndzu rɔ̀n."

Matsiyù 20:7 Referans Kwoze

Dzyèèsìbee mòdzin neè 6:10

Mòdzin niì reè Ŋaablà raa, ye goo faa twɛy rè, ye yè bà tɔ̀ faa arì she. Twɛy goo rèè y'à kpàdèe, ci ye y'à kɛ̀niɔ̀n. Àwà, Ŋaabla tereòn, à taa fa myɛ̀n twɛy goo fauma rèè rè waa.

Kolosika reè 1:26

Tɔ gòndo, nìi na mɛnɛn tsùuŋnà fɔ waatsi gbaan waatsia sapɛ modzian mà, è bà kpàdèu dòònuùn Ŋaablà re mòò rèè rà.

Efɛsika reè 6:8

Ye bà à tɔ̀ ci mòdzian soo soo sapɛ, xɔrɔn sen jòn tsɛ, a wùù riì fau, a naà tɔ̀ sàr'là rìì tàrà Tsìfaà rè.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Kɛɛradzin neè faadziɛ 4:16

Tɔ̀ sijaa doùn, yè e si tey ci: «Ɲe to nà fee rìì fa nèe rèè rà sa ? È yɛ kabagoo goo bla riì faɔ̀ nèe, à na fa mɛnɛn doùn, Yerusalɛmunka reè sapɛ to sɔn tɔ à ɲan. Tà doùn, ɲe fa dzi à sɔ̀swɛy waa.

Yùxanà 9:4

Vyevyeè ni waatsi riì bwèy, mòò riì mun ka naɔ, tɔ̀ raa faagoò wù è fa tɔ̀ rii bwèy. Tà boshɔ̀ùn dzɔɔ̀n ye na tsì, mòò pɛn fa dzi faagoo fa dɛ.

Matsiyù 20:1

Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n.

Matsiyù 20:6

Ɲɛ̀rɛ̀ɛ̀ dziɛ rè kɔn, è bo. Arì she, è bè swey tsìiŋma jà wɔ̀ɔ̀ jàmà làdzyeema nɔ̀n. È tey ci: "Fee ye tsìiŋnà mìin bwèè ko e kur'la sapɛ, ye na ni faagoo ra ?"

Matsiyù 20:8

Àwà bwèè nàu dò, dzùtsià yè dzin e re ɲɛyn goojaabobaà rà ci: "Faagoofadzin neè kiri e sàrà. A jɔ̀n bònèdzin neè tsɛ, è bè suu fɔ jɔundzin neè rà."