Matsiyù 20:5 - Bible Dzùùngoo Unicode

⁵ Twɛy yè dɔ̀n be. Bwèè wɔumaà sènfi, è bo kɔn, è tà soo fa. Bwèè nàu e jɛngɛ kɔn, è bo kɔn, à y'à fa tà tsuru.

Matsiyù 20:5 Referans Kwoze

Kɛɛradzin neè faadziɛ 10:9

Àyìwà, tɔ̀ raa gbey rɔn, faagoofadzin fiɛ̀, ko kaadzian bèkɔɔn nà shia rè, yè tsyɛnbe beè Yɔpɛ̀ wɔ̀ɔ̀ rà. Tɔ̀ y'a tàrà Piyɛr'laa Ŋaabla mafyɛn bwey wɔɔ, è tèyn gbàmaa tsɛ, ci wo nà Ŋaablà mafyɛ̀n, è kòrò bwèè ni sènfi.

Kɛɛradzin neè faadziɛ 10:3

Àyìwà, sii sɔn see ɲɛ̀rɛɛ̀ rà, bwèè màciunma na, Ŋaablà yeè gè sɔn kpadè Kɔrɔnayì rà jɛ̀y ɲan. È Ŋaablà re mɛ̀rɛ̀kɛ sɔn ja panparapa, tɔ dɔ̀ɔn à re gbàà doùn. Mɛ̀rɛ̀kɛɛ̀ yè Kɔrɔnayì kiri ci: «Kɔrɔnayì !»

Kɛɛradzin neè faadziɛ 3:1

Àyìwà, sii sɔn see ɲɛ̀rɛɛ̀ rà, è dɛ̀rɔɔ̀n yè Ŋaablà blabee waatsi riì ɲàn, Piyɛrì ko Yùxanà yè fù, yè dɔ̀n be Ŋaablà re gbà blàa rà esire.

Yùxanà 11:9

È dzin è ra ci: «Waatsi teeŋ fii rìì na ni bwèy sɔɔ̀n doùn ɔ̀n ? Àwà, mòò ye ba jìɛ bwèy rɔ̀n, à na e san nà baan waa, kàtsu vyevyeè kamà, à jɛ̀y faa cɛyn.

Yùxanà 4:6

Yàkubà rè kɔ̀r'na na ni mɔn nì. Yesù byɛunmaà jìɛ̀ doùn, è nà e tsuù tɔ̀ kɔ̀rɔ̀n dziɛ rà. Tɔ̀ y'a tàrà bwèè na gaa wɔ sènfi nòn.

Yùxanà 1:39

Yesù yè dzin è ra ci: «Ye nà, ye nà à jà.» Yè dɔ̀n be, yè b'a tsùùmaà jà. À na ɲɛ̀rɛ̀ɛ̀ dziɛ rìì lè. Yè to mɔn, yè tɔ̀ bwèè dzyeè fa ko à ka.

Matsiyù 27:45

Àwà, bwèè ni sènfi waatsi riì bwèy, tsitsiì brìsi yè wɔ jàmaàn min niì sapɛ. È to tɔ̀ tsuru, fɔ è bè suu fɔ ɲɛ̀rɛɛ̀rà dzu.

Matsiyù 20:4

È dzin twɛy rà ci: "Ye sa y'a wa faagoò rà ɛ̀rɛ̀nzhɛ̀ndzu rɔ̀n. Ye wù sàr'lìi ka mun nà tɔ̀ sìn ye ra."

Matsiyù 20:6

Ɲɛ̀rɛ̀ɛ̀ dziɛ rè kɔn, è bo. Arì she, è bè swey tsìiŋma jà wɔ̀ɔ̀ jàmà làdzyeema nɔ̀n. È tey ci: "Fee ye tsìiŋnà mìin bwèè ko e kur'la sapɛ, ye na ni faagoo ra ?"