Bib sou entènèt

Matsiyù 20:23 - Bible Dzùùngoo Unicode

²³ Yesù ci è ra ci: «À kpɛ̀yn nà dzi ku ye ɲan. Ŋà, nìi mun sirama si jaa re tsùù goo, ko ɲɔ̀nmà sì jaa re tsùù goo, tɔ̀ na ni mun suun waa. Mun Fà Ŋaablà y'a màbyɛ̀n tsùuŋnà nìì reè rè, à nà sìn twɛy rìì là.»

Gade chapit la Kopi

tounen moute ⬆

Matsiyù 20:23
12 Referans Kwoze

Goo kpàdèuma rèè 1:9

Àyìwà mun Yùxanà, ye neema kpir'la, ko ye byɛnbefasià è ɲɛn Yesù rè goo rèè tsɛ, ye ko mun sa yeè bà soo à re màsàbee doùn, mìn bà e mɔɲɔɔ̀n à kamà, mun kun bèu Patsimɔsì kòòyua fi dzɔ̀nxɔ̀ gane sɔn ɲan, Ŋaablà re Goomaa ko Yesù rè shɛɛrɛbee yè bà saabu.

Kɛɛradzin neè faadziɛ 12:2

Tɔ̀un, nìi kɛɛradzin Yùxanà raa tsìnà kpiri Yàkubà, à y'à to, yè tɔ̀ vu kaamunun ka.

Marikì 10:40

Ŋà mòò yè bà ni e tsuù mun sirama si jaa, tàmafa mun ɲɔ̀nmà sì jaa rè, tɔ̀ sìàn na ni mun suun waa. À mabyɛ̀n tsùuŋnà nìì reè rè, twɛy rìì nà e tsuù mɔn.»

Matsiyù 25:34

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

Korɛntsika reè jɔ̀naà 2:9

Ŋà, à sɛbɛɔ̀n Ŋaablà re Gooma doùn nèe tsuru ci: «Mòdzin jaa na ɲɛn ja gè niì mà ŋe, à toro to na à myɛ̀n jà ŋe, à to yɛ̀rɛ̀ na jaà jà à akir'la ŋe tsu, Ŋaabla tɔ̀ rii sɔ̀n byɛ̀n tsùuŋnà e kɛnbaa rèè rè.»

Ɔ̀rɔ̀mùnka reè 8:17

Tà doùn, mìn ba à dzin ì, mùn shɛnsenbaa ì sa: Ŋaablà shɛnsenbaa ì ko Kirisà shɛnsensi ì, è ɲɛn à tsɛ, mìn ba ni byɛnbee rà ko à ka, nɔɔrɔ nà ɲɛn mùn sa tsɛ ko à ka.

Dzyèèsìbee mòdzin neè 11:16

Ŋà, à na ba tɔ̀ tsuru waa. Fàtsii kuru na ni è ra, nìi ni nèe jɔun, tɔ̀ yeè bà jìrànxɔɔ̀ raà. Tɔ̀ kamà, à dzi Ŋaablà ra yè wò kiri e re Ŋaablà, è bà wɔ̀ lamɔnɔ̀n tsùuŋnà è re.

Kolosika reè 1:24

Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.

Korɛntsika reè fiiraa 1:7

Ɲe si xɔ nìi tsɛ ye kàjaa tsɛ, tɔ̀ san gbaɔn. È ɲɛn à tsɛ, ɲe y'à tɔ̀ ci è ye ko ɲe dzyèeŋma to byɛnbee mà, ye ko ɲe nà dzyèè vununciàn sa ma.

Matsiyù 13:11

Yesù ci è ra ci: «Mun tɔ̀ faa, kàtsu e Ŋaablà re Màsàbee gòndoo tɔ̀, tɔ̀ twɛ̀ɛ siɔ̀n ye rìì là. Ŋà dzyee rèè, à na siɔ̀n twɛy rà waa.

Matsiyù 20:24

Kàràndzin neè dzyee tsyeòn tɔ̀ goomaa myɛ̀un min niì, è vunun yè ta e koòsi fiɛ̀ kpɛyn.

Swiv nou:

Lyen patwone

Piblisite

Piblisite