Bib sou entènèt

Matsiyù 20:21 - Bible Dzùùngoo Unicode

²¹ Yesù y'à tey ci: «Wo gaa fee rìì là ?» À ci: «Mun dzin kpiri fiɛ̀ yɛ nèe. À dè n na ci wo ye na a tsuù a re màsàbee tsɛ waatsi riì bwèy, ci wo nà soo tsùù a sirama si jaa rè, wo yè soo tsùù a ɲɔnmà sì jaa rè.»

Gade chapit la Kopi

tounen moute ⬆

Matsiyù 20:21
24 Referans Kwoze

Matsiyù 19:28

Yesù yè dzin è ra ci: «Sààben na, mun nì ci e ra, goò sapɛ ye na bà yeu waatsi riì bwèy, Adamà dziàn yè e tsuù e re màsà gbaaniɛn tsɛ, nɔɔrɔɔ̀ màsà gbaaniɛn, ye nìì reè yè e gbaun mun kpɛyn, ye sa nà e tsuù màsà gbaaniin teeŋ fii tsɛ, ye yè kitsia kùnùn Isirayɛlì mòdzian kun teeŋ fii rèè tsɛ.

Matsiyù 18:1

Àyìwà, tɔ̀ waatsia yɛ̀r'la ɲàn, Yesù rè kàràndzin neè yè kpɛrɛ̀ à ra y'à tey ci: «Tsì rii blà dzyee rèè sapɛ ma Jìrànxɔɔ̀ Màsàbee doùn ?»

Kɛɛradzin neè faadziɛ 1:6

Àwà, è kɛɛradzin neè ladzyeeŋma to Yesù ka, y'à tey tɔ̀un ci: «Mùn Tsìfaà, wo yè Isirayɛlì màsàbee sèè tsùù yeu, tɔ̀ to nà fa tɔ̀ rii bwèy gbɛ ?»

Marikì 6:22

Tɔ̀un, Erodziyadzì dzin taan yè nà dɔ̀n, è ɲɔɔ̀n ji jiu'n kur'la tà goò koùn, fɔ à goo yè bè dzibe Erodzì ko e re mòdzin kiriuma rèè sa ra. Tɔ̀ faumaà, Erodzì yè dzin cangur'liɛ rà ci: «Gè riì y'a dzibe tɔ̀ gaa n ne, mun nà à sìn wo ra.»

Matsiyù 20:32

Yesù yè e tsiì tɔ̀un, à yè è kiri, è tey ci: «Ye sào ni min fee rìì fa ye re ?»

Kolosika reè 3:1

Àyìwà, ye ba kpunaun ye bo saàn ɲàn ko Kirisà ka, ye jìrànxɔ rɔ̀n naa gè rèè rìì gaa sa, Kirisà tsùuŋnà min niì, Ŋaablà sirama si jaa rè.

Ɔ̀rɔ̀mùnka reè 12:10

Ye e si kɛ̀n, a ci neema ì wù yè e si kɛ̀n nìi tsuru. Ye e si dàn blàbee kàjaa tsɛ.

Yùxanà 15:7

Ye ye to tsùù mun ɲan, mun ne gooma reè yè to tsùù ye ɲan, gè o ge ye e dzibe, y'a gaa, tɔ nà fa e re.

Lukì 22:24

Àyìwà, sɔ̀swɛy xɔù sɔn yeè nà fù Yesù rè kàràndzin neè ko e si fi. Tɔ̀ sɔ̀swɛɛ̀ doùn, è na n'a re y'a tɔ̀, mòò riì blà dzyee rèè mà ye ɲan.

Lukì 19:11

Àwà, è mòdzian to twɛy gooma reè lamyɛɛ̀n nà, Yesù yè geren goomaa rè ko gooma bɔɔ soo ka. È tsyɛnbeumaà Yerusalɛmùn wɔ̀ɔ̀ rà, mòdzian na à siɛ̀n tɔ̀ ɲan, ci Ŋaablà re Màsàbee nàkɔɔn ni yɛ e yɛrɛ kpadè tà nɔ̀nkɔɔrɔn.

Lukì 18:41

«Wo sào ni min fee rìì fa wo re ?» È dzin ci: «Tsìfaà, à fa min jɛ̀y fa e shɔùn.»

Marikì 10:51

Yesù y'à tey ci: «Wo sào ni min fee rìì fa wo re ?» À ci: «Kàrànfaà, min jɛ̀y fa !»

Ɔ̀rɔ̀mùnka reè 8:34

Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Marikì 16:19

Àwà, Tsìfa Yesù gooma doumaà shɔ̀ùn kàràndzin neè ka tɔ̀ tsuru, à ɲan yeè sen fu bo è ɲan, è tèyn be jìrànxɔɔ̀ doùn, è bè e tsuù Ŋaablà sirama si jaa rè.

Matsiyù 20:22

Yesù yè dzin ci: «Ye nìi gaa, ye na tɔ̀ tɔ̀ dɛ ! Byɛnbe niì nà mun tàrà, tɔ̀ ni dzi ku ye ɲan ɔn ?» È ci à ra ci: «Ɔ̀ɔn, tɔ nà dzi ku ɲe ɲan.»

Swiv nou:

Lyen patwone

Piblisite

Piblisite