Matsiyù 20:16 - Bible Dzùùngoo Unicode

¹⁶ Bònèdzin neè nà bà tɔ̀ rii tsuru jɔundzin ì, jɔundzin neè yè bà bònèdzin ì.»

Matsiyù 20:16 Referans Kwoze

Matsiyù 19:30

Àwà jɔundzin neè giri nà bà bònèdzin, bònèdzin neè giri yè bà jɔundzin.»

Marikì 10:31

Àwà jɔundzin giri nà bà bònèdzin, bònèdzin giri yè bà jɔundzin.»

Matsiyù 22:14

Mòò giri kpɛ̀yn kiriɔ, ŋà nìì reè boo jaara taki, twɛy dzyɛ̀n.»

Lukì 15:7

Àwà, tɔ̀ fau'n kuru soo rà, mun nì ci e ra, mòò sɔn dzin soo ye seè bo e re gooɲaan kpɛyn, è re jaamabee fau'n kur'la lakere, taamadzibe brìsi rìì faa tɔ̀ tsìfa soo tsoo ra Ŋaablà re mɔn jìran nɔ̀n. Mòkun cɛɛ̀n ko teeŋ kyeèron nìi ni, twɛy yè bà à jàa, ci ye tereòn, è taa na ni à mà, ye yè sèè bo e re gooɲaan kpɛyn, yè e re jaamabee fau'n kur'la lakere waa, tɔ̀ tsuru taamadzibe na faa twɛy tsoo ra waa.»

Ɔ̀rɔ̀mùnka reè 9:30

Mùn nà fèe rìì dè sa ? Mìn dzin nì ci nìì reè kun kpɛrɛ mòdzin neè, twɛy nìì reè naà terenbe gaa, twɛy terenbee tàrau kɛ̀ ? Terenbe riì tàr'la ɲɛynaà baraka rɔ̀n.

Matsiyù 7:13

Ye dɔ̀n dɔ̀nmàdzii kiɲaaniàn nà. Ye tɔ̀ fa, kàtsu shi niì bèe mòdzian barama nɔ̀n, tɔ̀ dziɛ̀ blà, à shia yè bà blà. Mòò giri to dɔ̀ɔn tɔ̀ rii lè, kàtsu à dɔn dzi.

Ɔ̀rɔ̀mùnka reè 8:30

À nìì reè jɔ̀na ŋɛnɛ̀ɲan tsuuŋ, à twɛy kiriu sa. À to nìì reè kiriu, è kpàdèu tereunma ì sa. À nìì reè sa kpadèu tereunma ì, à nɔɔrɔ sa ɲɛun twɛy tsɛ.

Lukì 14:24

Àwà, mun nì ci e ra, mun mòdzin niì reè kiriu jɔ̀na, yè e nɔn, mun ne ɲwɛyn nèe soo na wɔɔ̀ twɛy sɔn dzu waa."»

Tesalonikika reè jɔ̀naà 2:13

Tɔ̀ kamà, kudɛyn ɲe baraka sìan Ŋaablà ra sa, è ɲɛn à tsɛ ye y'à re gooma niì myɛ̀un ɲe re, ye na e tsiì à ra, ci à adamàdzin mòdzin ì nè gooma waa, ŋà ci à Ŋaablà re gooma ni taki, nìi faagoò faa ye ɲɛynamoo rèè ɲàn.

Ɔ̀rɔ̀mùnka reè 5:20

Àwà sàrìyaa tsùuŋmaà, tɔ nàu fìrìgoò giribe rii ka. Gooɲaan to giribeu min niì, Ŋaablà ɲanwùɔ sa buuŋ mɔn a ci goo kpɛ̀rɛ̀.

Lukì 7:47

Tà doùn, mun nì ci a ra, ci à mun kɛ̀n nìi fau nèe tsuru cèreoma, tɔ̀ y'a kpàdèe ci à re gooɲaan tsìɛ̀ sapɛ mɛɛy bou à vu ra. Gooɲaan giri tsìì ma mɛɛy bo mòò riì vu ra, tà tsìfa ɲan kɛ̀ɛ̀n bà dzyɛ̀n.»

Matsiyù 21:31

Àwà è fiɛ̀ ɲàn, tsì rii fàmaa sàò fau ?» È ci à jɔ̀naà nì. Yesù yè dzin è ra tɔ̀un ci: «Sààben na, mun nì ci e ra, xɔnsɔɔn tsi reè ko ɲànmɔ̀ɔ̀taan rèè nà dɔ̀n ye jɔun Ŋaablà re Màsàbee doùn.