Matsiyù 18:8 - Bible Dzùùngoo Unicode

⁸ A sià tàmafa a saàn ye ba bàa tsoo à y'à dɔn gooɲaan ɲan, à tsyɛ bo a ra, a maa jeenà. A ko a si sɔɔ̀n, tàmafa a san sɔɔ̀n yè gbey tarà, tɔ fyan, sani a ko a si fiɛ̀, tàmafa a san fiɛ̀ yè bè maa sà dzibɛy rɔn.

Matsiyù 18:8 Referans Kwoze

Ɔ̀rɔ̀mùnka reè 13:12

Feèn gbànmaun, jisee yè bà tsyɛnbeò. Mìn tsitsii dzuun goo sapɛ bo e ra, mìn vyevyeè kaa faa gè rèè ji e ma.

Goo kpàdèuma rèè 20:15

Mòò o moò tsoo sɛbɛunma na ja jaamabee sɛbɛɛn doùn, twɛy sapɛ yeè maa sà blà rɔn.

Goo kpàdèuma rèè 14:10

tɔ̀ sa nà Ŋaablà re vununta ɲaɔ̀n mììngeè mìn, nìi tèrèke jiɔ̀ à re vununtaà yukuɔn doùn. À tsìfa nà byɛn sàà ko gìrìbià ɲàn Ŋaablà re mɛ̀rɛ̀kɛ rèè ko Sààtòmòìriɛ jaa ra.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Lukì 14:33

Tɔ̀ fau'n kuru soo tsuru, ye ɲan mòò o moò ma e ɲɛyn bo e suun ge reè sapɛ tsɛ, tɔ̀ tsìfa na dzia bà mun ne kàràndzin waa.»

Matsiyù 25:46

Àwà twɛy mòdzin neè nà bè byɛnbe dobɛɛ ɲàn tɔ̀un. Mòdzin tereonma rèè, twɛy yè bè jaamabe dziù dòbɛɛ ɲàn.»

Matsiyù 25:41

Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

Lukì 16:24

Nàfòròtsià dziu tɔ̀ jà min niì, è vu bo fààn na ci: "Mun fà Ibraximà, cinan n ma. Lazarì ka, ci è bè e siiniɛn tsun yu rɔ̀n, è nà à ka n nɛɛ̀n cin, tà boshɔ̀ùn, wùù na ni n tsɛ sàden nɔ̀n mìin."

Matsiyù 17:27

Tà ko e sa ra, mìn dzin ci mùn mà mòdzin nee reè ɲìnìn goo fa, bè yu blàa rà, e duleen ji. A naà ji jɔna niì kun, à sɔ̀ɔ̀n bo a dzu san. Wo nà ɲɛyn ja mɔn. E tɔ̀ ɲɛɛn sen, a raà ko mun naà sa sarà à ka.»