Matsiyù 16:24 - Bible Dzùùngoo Unicode

²⁴ Tɔ̀un, Yesù yè dzin e re kàràndzin neè rà ci: «Mòò riì ye ba ni à re è gban mun kpɛyn, fɔ è ɲɛyn bo e yɛrɛ tsɛ, è gbaàn gɔɔ̀ sen, è kòmànà e gban mun kpɛyn.

Matsiyù 16:24 Referans Kwoze

Matsiyù 10:38

Àwà, mòò riì ma e gbaàn gɔɔ̀ sen è gban mun kpɛyn fyeu, tɔ̀ na kakan mun ka waa.

Lukì 14:27

Mòò o moò ma e gbaàn gɔɔ̀ sen è gban mun kpɛyn fyeu, tɔ̀ na dzia bà mun ne kàràndzin waa.

Marikì 10:21

Yesù y'à siin to kɛ̀nbààbe ka tɔ̀un, è dzin à ra ci: «Goo soo wo fɔɔn ŋe. B'à suun ge reè sapɛ gɔɔ, a ɲɛɛn sìn gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Tsìmotè fiiraa 3:12

Àwà, nìì reè sapɛ sao ni yè e re jaamabee fa Ŋaablà jɔun shiɲaanbe tsɛ Yesù Kirisà ɲàn, byɛnbe nà ɲɛn twɛy sapɛ tsɛ.

Marikì 8:34

Twɛy goo rèè shɔ̀ùn, Yesù yè jàmaà ko e re kàràndzin neè sa dzyeèmaa kiri kpɛ̀rɛ̀ e ra, è dzin è ra ci: «Mòò riì ye ba ni à re è gban mun kpɛyn, fɔ è ɲɛyn bo e yɛrɛ tsɛ, è gbaàn gɔɔ̀ sen, è kòmànà e gban mun kpɛyn.

Kɛɛradzin neè faadziɛ 14:22

Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.

Kolosika reè 1:24

Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.

Yùxanà 19:17

Àwà, Yesù nà gban gɔ̀ɔ nìi rà, y'à to à yɛ̀r'la yè tɔ̀ sen. Yè bo à ka wɔ̀ɔ̀ doùn tɔ̀ rii ɲàn, yè b'a ka gàne sɔn ɲan, tɔ kir'là ci kùngɔ̀ xɔɔ̀ gàneè. Dzyèèsìbee mòdzin neè rè kungoòmàà ɲàn y'à kir'là 'Gɔligotà'.

Tesalonikika reè jɔ̀naà 3:3

È tɔ̀ fa, gè riì ni à to byɛnbe riì yɛ ye tsɛ, tɔ mà nà ye sɔn akiri bara waa. È ɲɛn à tsɛ, ye yɛ̀r'leè y'à tɔ̀, ci tɔ̀ rii nà mùn tàrà.

Matsiyù 27:32

Àwà, è bokɔɔn yè tsi kpiri sɔn ka, tɔ̀ tsoo Shimɔ̀n, è bà boò wɔ̀ sɔn ɲan ci Sirɛnìn. È ci tɔ̀ yeè Yesù gbaàn gɔɔ̀ sen fàan nà.

Marikì 15:21

Àyìwà, è bèkɔɔn à ka, yè kpiri sɔn dɔn bokɔɔn ja, tɔ daàn jòon nɔ̀n. Tɔ̀ kpir'la tsoò Shimɔ̀n, è bà boò wɔ̀ sɔn ɲan ci Sirɛnìn. À dzin nèè tsoo Alɛkisandziri ko Urufɔsì. Y'à bà fààn tɔ̀ kpir'la mà, ci è Yesù gbaàn gɔɔ̀ sen.

Lukì 23:26

Àyìwà, kaadzin neè bèkɔɔn ko Yesù ka e vuma nɔ̀n, yè tsi kpiri sɔn ka, tɔ dɔ̀ɔn Yerusalɛmùn. Tɔ̀ kpir'la sa tsoo na ci Shimɔ̀n, è bà na boò wɔ̀ sɔn ɲan, ci Sirɛnìn. Tɔ̀un, yè tɔ̀ kun, Yesù bèe gban gɔ̀ɔ nìi rà, ci è tɔ̀ sen, è gban Yesù kpɛyn.

Yùxanà 21:19

Piyɛrì na nà san saun'n kur'liì rà, tɔ̀ yeè blàbe ɲɛn Ŋaablà tsɛ, Yesù nèe gooma ree dèu, è ɲɛn tɔ̀ rii tsɛ. Tɔ̀ dèumaà shɔ̀ùn Yesù rè, è dzin Piyɛr'là ci: «A gban n kpɛyn !»

Yùxanà 21:22

Yesù yè dzin à ra ci: «Min ba n'a re è to tsùù, è bè suu fɔ mun sèè naà dzu, wo re fee ni tɔ̀ ɲan ? Nìi kpɛ̀yn wo, a gban n kpɛyn.»

Piyɛrì jɔ̀naà 2:21

Àwà ye kiriu tɔ̀ rii kamà. È ɲɛn à tsɛ Kirisà sa byɛun ye kamà, è bà ni ye jaa kpàdè, ye yè jìì à sàn kɔɔ doùn.