Matsiyù 14:1 - Bible Dzùùngoo Unicode

¹ Àyìwà tɔ̀ waatsi rɔn, màsà kpir'lìi na ni Galile mar'la tsɛ, tɔ̀ tsoo yè bà Erodzì Antsipasì, Yesù goomaa yè dzi tɔ̀ tsɛ.

Matsiyù 14:1 Referans Kwoze

Lukì 3:1

Àyìwà, màsa bla riì nàu tsùù Ɔ̀rɔ̀mùn jamaan kùùn tà shɔ̀ùn, è bà ni jàmaan giri kùùn, tɔ̀ màsaa tsoo na ci Tsibɛrì. Tsibɛrì raa màsàbee jii teeŋ nunaa nà, kpir'liì na Yude mar'la raa jàmààntsià, tɔ̀ tsoo na ci Pɔɔnsi Pilatsì, è ba ɔ̀rɔ̀mùka. Nìi Galile mar'la, tɔ̀ jàmààntsià tsoo na ci Erodzì. Màrà fii sɔn na ni, ci Ituri ko Tarakonitsì. Twɛy raa jàmààntsià tsoo na ci Fìlipù, è bà Erodzì raa tsìnà kpiri. Màr'lìi tsoo na ci Abilɛnɛ̀, tɔ̀ jàmààntsià tsoo na ci Lizaniyasì.

Kɛɛradzin neè faadziɛ 4:27

Kàràndzin neè yè geren màfyɛɛ̀n rè ci: «Àwà, Tɔ̀ gooma niì yɛ nèe à sààben taki rii, kàtsu Erodzì, ko Pɔɔnsi Pilatsì, ko mòdzìn dzyee reè, ko Isirayɛlì mòdzian, è byɛ̀un soo ma wɔ̀ rèe doùn Yesù kùùn. Tɔ̀ niì wo re faagoofadzin fɛnɛɛ, wo yè bà à boo a jaara.

Marikì 8:15

Yesù to y'à dè màxɔbe è ra ci: «Y'a jàa dɛ, ye e yɛrɛ kaàwɔ Faridziɲɛn rèè rè buru fu geè, ko Erodzì rè buru fu geè rà.»

Lukì 23:15

A to y'a jà, Erodzì sa y'a bàji naɔ ɲe re, tɔ̀ tsu na fyɛ̀ rìì jàunà à ra waa. Tà doùn, kpir'lee na fìrìgoo pɛn faɔ̀, nìi dzia bà à vua kùn waa.

Kɛɛradzin neè faadziɛ 12:1

Tɔ̀ waatsi rɔn, màsà kpiri Erodzì yè ɲɛynamoo kur'là mòdzin neè swey kun è byɛnbe ɲɛn twɛy tsɛ.

Lukì 3:19

Àyìwà, màsà kpiri Erodzì na e faùnkèrèsi sɔn ne tààn tsiɔ à ra, tɔ̀ taàn tsoo yè bà ci Erodziyadzì. Sii sɔn see, Yùxanà dzii yè nà wɔ tɔ̀ taàn seunmaà goomaa tsɛ, è Erodzì jaara de tɔ̀ ra. Àwà, è Erodzì jaara de goo giri kpɛ̀rɛ̀kuru ɲaan fauma sa ra.

Matsiyù 9:26

Tɔ̀ goò goomaa yè dzi jàmaàn min niì sapɛ.

Matsiyù 9:31

Ŋà è dziu bo min niì, Yesù nìi fau, yè tɔ̀ goomaa ka jàmaàn sapɛ labo.

Matsiyù 13:58

Àwà è re ɲɛynabɛybeè kamà, à na kabagoo goo giri fa mɔn waa.

Lukì 8:3

Sɔn tsoo na ci Yàxanà. Tɔ̀ na màsà kpiri Erodzì rè faagoo fa reè jɔundzin sɔn ne tààn, tɔ̀ kpir'la yè bà kir'là ci Suzà. Soo kpɛrɛ sa na ni nìi kir'là ci Sùzanà, tàan giri kpɛ̀rɛ̀kuru ì sa yeè bà na ni. Twɛy tàan rèè sapɛ na e suun ge reè seen, y'à ka Yesù ko e re kàràndzin neè dzwɛ̀ma.

Kɛɛradzin neè faadziɛ 13:1

Àyìwà, Antsiyɔshì ɲɛynamoo kur'là doùn, mòdzin ì na ni, twɛy yè bà Ŋaablà re kɛɛrɛbee faa. Swey yè bà ni, twɛy kààmoo ì. È ɲan, Barinabasì na ni, sɔn na ni, ci Simeyɔn, yè bà tɔ̀ kir'là sa, ci Tsìɔ, sɔn ni, ci Lusiyusì tɔ boò Sirɛnìn wɔ̀ rɔ̀n, sɔn ni, ci Manayɛ̀n, tɔ̀ ko màsà kpiri Erodzì sa bɔrɔun esire gbà soo doùn. Sɔlì yè ɲɛn è tsɛ.