Bib sou entènèt

Matsiyù 13:22 - Bible Dzùùngoo Unicode

²² Shìmàndzin neè bèu tɔrɔn daaku gane riì ɲàn, mòdzin neè swey ni tɔ̀ daaku ganee rìì tsuru. È gooma ree myɛ̀ɛn, ŋà dziɲaun vyɛ̀ɛ̀yràgoo reè, ko nàfor'la raa sànfir'la bàa saabu è gooma ree ŋòò è ɲan, à na dzia dzin wɔ waa.

Gade chapit la Kopi

tounen moute ⬆

Matsiyù 13:22
42 Referans Kwoze

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Lukì 8:14

Shìmàndzin neè tɔrɔnmàà bèu kòrò daa gane riì ka, mòdzin neè swey ni tɔ̀ daa ganee rìì tsuru. Yè e toro wɔɔ̀ Ŋaablà re Goomaa rè, ŋà, è na wɔ waatsia sɔn ma, è vyɛ̀ɛ̀yràgoo reè, ko nàfòrò goo reè, ko dziɲan kpɛyn màànkaan goo rèè nàa dɔ̀n geren è ɲan, tɔ̀ yeè è kùnàn ban bo Ŋaablà kpɛyn. Tɔ faa jàci shìmànku rìi gɔ̀r'la è dziàn bɔɔ bɛɛ to.

Lukì 12:15

Tà shɔ̀ùn, Yesù yè dzin jàmaà nà ci: «Ye e yɛrɛ kaàwɔ ! Ye e yɛrɛ kun nàfor'la kɛ̀n gereunmaà nà. Fee kamà min tɔ̀ dè, a kɛnsɛɛn ye nàfor'la tàrà dzii o dzii, a re jaamabee na ni tɔ̀ suun dɛ !»

Tsìmotè fiiraa 4:10

È ɲɛn à tsɛ Demasì nèe dziɲan ree goo rèè kɛ̀niɔ̀n nìi fa, tɔ̀ ye e nɔun mun ne è geren Tesalonikì. Keresɛnsì, tɔ dɔ̀n bèu Galatsi mar'la ɲan, Tsitè yè bè Dalamasì màr'lɔ̀ùn.

Matsiyù 13:7

Swey tɔrɔnmà yè bè kòrò daaku gane ì ka, daaku rèè yè fù yè shìmaan kun.

Lukì 12:21

Tà shɔ̀ùn, Yesù yè dzin kɔn ci: «Mòò riì nàfor'la ladzyee e yɛr'le dziɲantsiɛ doùn, tɔ̀ y'a tàrà gèsɔn pɛn na ni à re Ŋaablà re, tɔ̀ tsìfa raà sa ni tɔ̀ gètsià raà rìì tsuru.»

Lukì 21:34

Ye e yɛrɛ kun ! E maà to ji tsuù ɲwɛyn bla bla ɲɔɔn, ko mìɛn ko dziɲan kpɛyn màànkàn goo reè vyɛ̀ɛ̀ rà, fɔ Adamà dziàn nà jisee yè bè bàràma e ɲan waa.

Kɛɛradzin neè faadziɛ 8:18

Piyɛrì ko Yùxanà yè e si rèè tsùù tsùù bè nìi fau kàràndzin neè tsɛ, twɛy yè Ŋaablà re Dzia tàrà, Shimɔ̀n dziu tɔ̀ jà, è ɲɛyn bo, ci wo nà à sìn Piyɛrì ko Yùxanà na.

Matsiyù 12:32

Mòò o moò ye de dɔ̀n Adamà dziàn ɲàn, Ŋaablà nà e yɛrɛ to tɔ̀ tsìfa re tɔ̀ ra. Ŋà mòò o moò ye de dɔ̀n Ŋaablà re Dzi Fɛnɛɛ ɲàn Ŋaablà fa e yɛrɛ to tɔ̀ tsìfa re she, à fa e yɛrɛ to à re gbey.

Matsiyù 13:39

Ɲan nìi bèu vundzin ɲaan sɛ̀n, tɔ Sànwɔbaà rìì. Shìmàn gaa, tɔ dziɲan latan bwey. Shìmàn gaa reè, twɛy yè bà mɛ̀rɛ̀kɛ rèè.

Matsiyù 13:40

Vun ɲaan fù fuu nìi tsuru è dzu kpaan sa rɔ̀n taki, dziɲaan latan bwey, à nà bà tɔ̀ rii tsuru.

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Korɛntsika reè jɔ̀naà 1:20

Akiritsià ni min ? Sàrìyà Kaamoo ni min ? Nèe waatsi ree sɔ̀swɛ̀yfabaà ni min ? Ŋaablà na nèe dziɲan ree akiritsifabee kpàdè ci à fàkɔ̀ɔ̀nbe o ?

Korɛntsika reè jɔ̀naà 2:6

Tɔ̀ to y'à tàrà, ɲe sa akiritsifabee sɔn ni gooma deè ɲɛynamoo mɔ̀unma rèè rà, akiritsifabe riì na nèe dziɲan ree raa waa, à to na nèe dziɲan ree kùntsii rèè raa waa, twɛy dò boò peu.

Korɛntsika reè jɔ̀naà 2:8

Dziɲan ree kùntsii rèè pɛn na tɔ̀ akiritsifabee tɔ̀ waa. È ɲɛn à tsɛ, yè ba na à tɔ̀un, è fa ni nɔɔrɔɔ̀ Tsìfaà gban gɔɔ̀ rà waa.

Korɛntsika reè jɔ̀naà 3:18

Mòò pɛn mà e yɛrɛ san fìrì. Sɔn ye ba e yɛrɛ jaà akiritsi ye ɲan a ci dziɲan raà tsuru, à y'à to è bà fàkɔɔn, è bà ni ba akiritsi sààben na.

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Swiv nou:

Lyen patwone

Piblisite

Piblisite