Bib sou entènèt

Matsiyù 13:19 - Bible Dzùùngoo Unicode

¹⁹ "Shìmàndzin neè bèu tɔrɔn shi dzii niì rè, mòdzin neè swey ni tɔ̀ shi dziɛ rìì tsuru. È Ŋaablà re Màsàbee goomaa myɛ̀ɛn, ŋà è na à dzin seen waa. È nìi myɛɔ̀n, Sùtana nàa tɔ̀ bo è duùn.

Gade chapit la Kopi

tounen moute ⬆

Matsiyù 13:19
36 Referans Kwoze

Matsiyù 13:38

Dzùà, tɔ dziɲantsiɛ. Shìmàndzin wuɔ, tɔ Jìrànxɔɔ̀ Màsà ganee dzin nèè. Vun ɲaan, tɔ Sùtan'naa mòò rèè.

Dzyèèsìbee mòdzin neè 2:1

Àyìwà tɔ̀ kamà, mùn twɛy goo nìì reè myɛ̀un fɔ mùn yeè è kun e sɔbɛn ka, sànko, mùn mà nà bè shi tsɛ, nìi nà bà mùn mà ɲaan waa.

Yùxanà jɔ̀naà 5:18

M'à tɔ̀ ci mòò moò kere boo Ŋaablà re, tɔ̀ na gooɲaan faa waa. È ɲɛn à tsɛ Dzin nìi kere boo Ŋaablà ɲan, tɔ̀ y'a màraɔ̀, Sùtana na dzia e dzyɛn à ra waa.

Matsiyù 4:23

Àwà, Yesù na tsyeere beè Galile mar'la min niì sapɛ, è mòdzian kàràn beè è re ŋaablabegba rèè doùn. À Ŋaablà re Màsàbee kùnàgoo dziɔ̀ dè beè, è mòdzian rè ɲìn'nèè kuan sapɛ cɛrɛmabeè, ko è byɛnma rèè sapɛ, jàmaà fi.

Yùxanà jɔ̀naà 3:12

N mà bà a ci Kayinìn tsuru waa, tɔ̀ niì bàu ɲan Sùtan'naa, è tseyn kpir'la vu. Feera à y'à vu ? Kàtsu à faadziɛ na ɲaan, tseyn kpirimaa raà yè bà na tereòn.

Ɔ̀rɔ̀mùnka reè 1:28

È na e tsiì yè Ŋaabla tɔ cɛyn nìi fa waa, tɔ̀ kamà Ŋaablà sa yeè è ko e akiri ɲaan to e si ra, yè goo dàà bɛɛ faa.

Tesalonikika reè fiiraa 2:12

Tà tsuru nìì reè sapɛ na ɲɛn sààbeen rà waa, è to yè terenbɛy goo rìì dzibe e ra, kitsia yè mɛɛy twɛy sapɛ tsɛ.

Ɔ̀rɔ̀mùnka reè 14:17

Àwà Ŋaablà re màsàbee na ɲwɛyn goo à to na mììngè goo, ŋà à terenbee rìì, ko jaanciàn, ko taamadzibeè Ŋaablà re Dzi Fɛnɛɛ baraka rɔ̀n.

Ɔ̀rɔ̀mùnka reè 2:8

Ŋà nìì reè yè e nɔɔ̀n sààbeen mà, yè e maban à mà, è to yè e tsiiŋnà terenbɛybee rà, Ŋaablà re vununta brìsià twɛy nìn.

Kɛɛradzin neè faadziɛ 28:23

Àwà, tɔ̀ goomaa shɔ̀ùn, yè jisee kpɛrɛ kpàdè Pol'là, ci ye nà nà tɔ̀ sii sèè. È byɛ̀un jisee riì mà, tɔ̀ sii sèè wɔu, yè nà giri à re gàne rɔ̀n, è geren jɔ̀naà tsɛ. Polì yè goomaa dzii kun è ka tɔ̀un, è sen gbishɛɛ̀mà nɔ̀n, è bè fɔ ɲɛ̀rɛɛ̀ rɔ̀n. À na è toro kɔ̀ɔ Ŋaablà re Màsàbee goomaa nà, è bà na à gaa gaaŋ'n kur'la sapɛ ra, wò yeè dzi è dzuun Yesù rè goò goomaa ka. À na twɛy goo rèè kpàdèe kɛɛra Musà rè sàrìyaa goomaa ko kɛɛra dzyee reè rè kìtaabu rèè doùn goomaa nì ka.

Kɛɛradzin neè faadziɛ 20:25

Àwà, è sen dòònuùn nà, è mun to ye fi, mun Ŋaablà re Màsàbee gooma deu ye nìì reè sapɛ jaa ra, m'a tɔ̀ ye sɔn jaa fa ɲɛn mun mà dɛ.

Kɛɛradzin neè faadziɛ 18:15

À to na ba tà tsuru goo waa, fɔ ye yè e si sɔ̀swɛɛ̀ gooma ì nì tsɛ, ko tsoo ì, ko ye yɛ̀r'la raa sàrìya ì, mun fa dzi tà kitsi kunun waa, tɔ̀ ni ye yɛ̀r'leè suun.»

Kɛɛradzin neè faadziɛ 17:32

Àwà, è toro dziu ji fùn nèè sèè kpunaàn goomaa ɲàn Polì dzu min niì, swey yè jiran à mà. Swey yè dzin à ra ci: «Mùn nà nà e toro wɔ à dzyeè rè waatsi kpɛrɛ.»

Yùxanà 18:38

Pilatsì y'à tey kɔn ci: «Fee rìì sààbeen ?» Pilatsì twɛy goomaa reè dè dòu, è bo na Dzyèèsìbee mòdzin neè kpà da rɔ̀n kɔn, è dzin è ra ci: «Mun na kùn pɛn jàa, nìi dzia bà kitsi mɛɛy kùn kpir'lee tsɛ waa.

Yùxanà 8:43

Mun nìi dèe, fee y'à to ye akiri na tɔ̀ jàa waa ? Ye akiri na à jàa waa, kàtsu, ye na dzia e toro wɔ mun ne goomaa rè waa.

Lukì 10:9

Ɲìnìnkɔɔn niì reè ni tɔ̀ wɔ̀ɔ̀ doùn, ye twɛy cɛrɛmabe. Tà shɔ̀ùn, ye dzin à wɔ̀ dòùn dzin neè rà, ci Ŋaablà re Màsàbee waatsi tsyɛnbe naɔ è ra.

Lukì 9:2

Tà shɔ̀ùn à yè è ka, ci yè bè waajibia fa, yè Ŋaablà re Màsàbee Kùnàgoo Dziɔ̀ dè mòdzian nà, yè ɲìnìnkɔɔn reè sa cɛrɛmabe.

Marikì 4:15

Mòdzin neè swey ni, a ci shìmàndzin neè tɔrɔun shi dzii niì rè. Ŋaablà re goomaa myɛ̀nkɔɔn yɛ è re, tɔ Sùtana nàuma, è nà à sen bo è ɲan.

Matsiyù 5:37

E re ɔ̀ɔn ye bà ɔ̀ɔn, ɔ̀ɔɔn ye bà ɔ̀ɔɔn, dzyee gè o ge bàa tɔ̀ tɛ̀y, tɔ̀ sapɛ boò Sùtana ɲan.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Matsiyù 12:26

Àwà Sùtana to ye fu Sùtana kpɛyn yè e si kaa bo o, Sùtana to na tara fyeu ɔ ? À re màsàbee to dzia e san gban dzùrù ?

Matsiyù 13:20

Shìmàndzin neè bèu tɔrɔn faa gane riì ɲàn, mòdzin neè swey ni tɔ̀ gàneè rìì tsuru. È ye Ŋaablà re goomaa myɛ̀n, tɔ̀ nɔ̀nkɔɔrɔn, yè e tsiɛ à ra ko taamadzibe ka.

Swiv nou:

Lyen patwone

Piblisite

Piblisite