Bib sou entènèt

Matsiyù 13:11 - Bible Dzùùngoo Unicode

¹¹ Yesù ci è ra ci: «Mun tɔ̀ faa, kàtsu e Ŋaablà re Màsàbee gòndoo tɔ̀, tɔ̀ twɛ̀ɛ siɔ̀n ye rìì là. Ŋà dzyee rèè, à na siɔ̀n twɛy rà waa.

Gade chapit la Kopi

tounen moute ⬆

Matsiyù 13:11
40 Referans Kwoze

Korɛntsika reè jɔ̀naà 2:14

Adamàdzin mòdzin maanaa na e tsiɛ Ŋaablà re Dzia raa goo rèè rà waa, kàtsu tɔ fàkɔ̀ɔ̀nbe rii à jaa ra. À na dzia è tɔ̀ waa, è ɲɛn à tsɛ, Ŋaablà re Dzia soo pe rii y'à toò, yè tɔ̀ bo e si ɲan.

Matsiyù 19:11

È dzin è ra ci: «Nèe gooma, mòdzian sapɛ na dzia nìi shi jiì waa, fɔ Ŋaablà y'a fààn siɔ̀n nìì reè rà.

Yàkubà 1:5

Akiriblabeè to ye e sɔn fɔn, à y'à gaa Ŋaablà re. À nà à sìn à tsìfa ra. À nà tɔ̀ fa, kàtsu Ŋaabla kaarià è mòdzian sapɛ kɔ, à na a sɔn dèe waa.

Yùxanà jɔ̀naà 2:27

Àwà nìi ye, ye Dzi niì tàrau è bo Kirisà rè, tɔ ni tsuù ye ɲan, à na wɔɔ̀ mòò yè ye kàràn dɛ. À na wɔɔ̀ mòò yè ye kàràn dɛ, è ɲɛn à tsɛ ye tɔ̀ Dzi riì tàrau, tɔ̀ ye kàr'na goò sapɛ ra. À re kàr'nà sààben, à na doò waa. Tà doùn ye to tsùù à ɲan, a ci à y'à kàraun ye ra nìi tsuru.

Yùxanà jɔ̀naà 2:20

Ŋà nìi ye, ye Ŋaablà fɛnɛɛ rè Dzi fɛnɛɛ tàrau, twɛ̀ɛ yè bà ni ye sapɛ ɲan.

Matsiyù 16:17

Yesù yè dzin à ra ci: «Yonasì dzin kpiri Shimɔ̀n, wo raà wùbeu, kàtsu, nìi nèe sààben nee dèu wo ra, à na adamàdzin mòdzin waa, ŋà mun Fà Ŋaablà riì ni jìrànxɔ rɔ̀n, à wò rii.

Efɛsika reè 1:9

À sàɔ gòndo riì na mɛnɛn tsùuŋnà fɔ dan à tɔ̀ kpàdeu mùn na a ci à dzi à ra nìi tsuru, è kòrò à re làtigɛɛ ka, Kirisà ɲàn.

Efɛsika reè 5:32

Tɔ gòndo bla rii, min bà à dèe m'a ɲɛn Kirisà ko ɲɛynamoo kur'là tsɛ.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Lukì 8:10

È dzin è ra ci: «Ye nìì reè mun lamyɛɛ̀n, e Ŋaablà re Màsàbee gòndoo tɔ̀, tɔ̀ twɛ̀ɛ sìun ye rìì là. Nìì kpɛ̀yn dzyee rèè, twɛy y'à gooma reè myɛ̀ɛn gooma bɔɔ rèè rìì ɲàn. Tɔ̀ rii y'à to, è siin faa, ŋà, è na gèsɔn pɛn jàa waa. Yè bà myɛ̀yn faa, ŋà, è na gèsɔn pɛn fàànmuan waa.

Korɛntsika reè jɔ̀naà 15:51

Àwà mun na gòndò goo sɔn de ye ra nìi yɛ ci mùn sapɛ fa san waa, ŋà mùn sapɛ la nà kere.

Korɛntsika reè jɔ̀naà 2:7

Ŋà Ŋaablà raa akiritsifabee, ɲe tɔ̀ rii gooma deè. Tɔ̀ akiritsifabee na gòndo mɛnɛn tsùuŋma, Ŋaabla na nìi ŋɛ̀nɛ̀ɲaɔ̀n sani dziɲan ye ɲɛn, è bà ni à ka nɔɔrɔ ɲɛn ɲe tsɛ.

Yùxanà 6:65

Yesù yè nèe bà e re goomaa tɛ̀y ci: «Tɔ̀ rii y'à to, min dzin ye ra, ci mòò pɛn na dzia nà mun na, fɔ Fà Ŋaablà y'a jàà à tsìfa duùn.»

Tsìmotè jɔ̀naà 3:9

Yè ɲɛynaà gòndoo màrà ko kɛ̀sɛmà wùù ka.

Korɛntsika reè jɔ̀naà 13:2

Mun to kɛ̀nsɛɛn ye ba dzia kɛɛrabee fa, min bà gòndo reè sapɛ tɔ, twɛ̀ɛ sapɛ yeè bà ni mun ɲan, ɲɛyna yè bà ni mun ɲan arì nìi dzia jèn nèè bo e shɔùn, kɛ̀nbààbe ma ba ni mun ɲan, mun na gèsɔn pɛn waa.

Marikì 4:11

È dzin è ra ci: «Nìi ye, Ŋaablà re màsàbee gòndoo tɔ̀ɔ twɛ̀ɛ sìun ye ra, ŋà dzyee rèè, twɛy y'à sapɛ myɛɛ̀n gooma bɔɔ rèè rìì ɲàn.

Kolosika reè 2:2

Mun tɔ̀ faa, gè riì ni à to è vunun yè cin, è shìuma yè to e si ra kɛ̀nbààbee doùn, tà ko yè dzi akiritsifabe brisi dziitsyɛunma tàrà, yè Ŋaablà re gòndoo tɔ̀, nìi Kirisà,

Efɛsika reè 6:19

Ye Ŋaablà mafyɛ̀n mun sa re gè riì ni à to, mun ye n dzu san ci mun nà gooma, min dzi Kùnàgoo Dziɔ̀ gòndoo dè fyɛ ko akiritsuu ka.

Korɛntsika reè jɔ̀naà 4:7

Àwà tsì rii wo boo dzyee rèè ɲàn ? Fee rìì ni wo re, wo na nìi tàrà è bo Ŋaablà re ? Wo to ye ba à tàrau, feera wo y'à yɛrɛ blabee a ci wo na à tàrà waa ?

Korɛntsika reè jɔ̀naà 4:1

Tà doùn, mòdzian yè ɲe jàtsi kun Kirisà rè faagoofabaa ì, ko Ŋaablà re gòndo reè goojaabobaa ì.

Yùxanà 7:17

Mòò riì ye ba n'a re è Ŋaablà saɔ fa, tɔ nà à tɔ̀, mun ne kàr'nà ye ba boò Ŋaablà rii ɲàn, à to ye ba boò mun yɛ̀r'la rìì ɲàn o.

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Efɛsika reè 1:18

Arì she, è vyevyee bo e dusùkuan jaa rèè rè, ye bà ni à tɔ̀, à ye kiriɔ è ɲɛn siɲɛnma gban gban niì tsɛ. À to nà e nɔɔrɔɔ̀ shɛn blà riì sìn ye ra e re mòò rèè ka, ye yè tɔ̀ sa tɔ.

Kɛɛradzin neè faadziɛ 16:14

Tàan sɔn na ni twɛy tàan rèè ɲàn, tɔ̀ tsoo yè bà ci Lidzì. Tɔ̀ taàn na vya kun sɔn ni duru faa, nìi ni xèù, à kpà yè bà xɔ. À na wɔ̀ sɔn modzin, nìi kir'là ci Tsiyatsirì. Àwà, tɔ̀ taàn na shia Ŋaablà jɔun. Tɔ̀ taàn toro wɔ tsùuŋmaà goomaa rè, Ŋaablà y'a akir'là dzii san, sànko è Pol'lè goomaa lamyɛùn'n kuru wube cɛyn.

Matsiyù 13:10

Àwà kàràndzin neè yè e kpɛrɛ̀ Yesù rà tɔ̀un, y'à tey ci: «Feera wo goomaa è ka gooma bɔɔ ì ɲàn ?»

Matsiyù 20:23

Yesù ci è ra ci: «À kpɛ̀yn nà dzi ku ye ɲan. Ŋà, nìi mun sirama si jaa re tsùù goo, ko ɲɔ̀nmà sì jaa re tsùù goo, tɔ̀ na ni mun suun waa. Mun Fà Ŋaablà y'a màbyɛ̀n tsùuŋnà nìì reè rè, à nà sìn twɛy rìì là.»

Marikì 10:40

Ŋà mòò yè bà ni e tsuù mun sirama si jaa, tàmafa mun ɲɔ̀nmà sì jaa rè, tɔ̀ sìàn na ni mun suun waa. À mabyɛ̀n tsùuŋnà nìì reè rè, twɛy rìì nà e tsuù mɔn.»

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Swiv nou:

Lyen patwone

Piblisite

Piblisite